Sri Hariharatmaja Ashraya Ashtakam – ಶ್ರೀ ಹರಿಹರಾತ್ಮಜ ಆಶ್ರಯಾಷ್ಟಕಂ


ಗಿರಿಚರಂ ಕರುಣಾಮೃತಸಾಗರಂ
ಪರಿಚರಂ ಪರಮಂ ಮೃಗಯಾಪರಮ್ |
ಸುರುಚಿರಂ ಸುಚರಾಚರಗೋಚರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೧ ||

ಪ್ರಣತಸಂಚಯಚಿಂತಿತ ಕಲ್ಪಕಂ
ಪ್ರಣತಮಾದಿಗುರುಂ ಸುರಶಿಲ್ಪಕಮ್ |
ಪ್ರಣವರಂಜಿತ ಮಂಜುಲತಲ್ಪಕಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೨ ||

ಅರಿಸರೋರುಹಶಂಖಗದಾಧರಂ
ಪರಿಘಮುದ್ಗರಬಾಣಧನುರ್ಧರಮ್ |
ಕ್ಷುರಿಕ ತೋಮರ ಶಕ್ತಿಲಸತ್ಕರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೩ ||

ವಿಮಲಮಾನಸ ಸಾರಸಭಾಸ್ಕರಂ
ವಿಪುಲವೇತ್ರಧರಂ ಪ್ರಯಶಸ್ಕರಮ್ |
ವಿಮತಖಂಡನ ಚಂಡಧನುಷ್ಕರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೪ ||

ಸಕಲಲೋಕ ನಮಸ್ಕೃತ ಪಾದುಕಂ
ಸಕೃದುಪಾಸಕ ಸಜ್ಜನಮೋದಕಮ್ |
ಸುಕೃತಭಕ್ತಜನಾವನ ದೀಕ್ಷಕಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೫ ||

ಶರಣಕೀರ್ತನ ಭಕ್ತಪರಾಯಣಂ
ಚರಣವಾರಿಜಮಾತ್ಮರಸಾಯನಮ್ |
ವರಕರಾತ್ತವಿಭೂತಿ ವಿಭೂಷಣಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೬ ||

ಮೃಗಮದಾಂಕಿತ ಸತ್ತಿಲಕೋಜ್ಜ್ವಲಂ
ಮೃಗಗಣಾಕಲಿತಂ ಮೃಗಯಾಕುಲಮ್ |
ಮೃಗವರಾಸನಮದ್ಭುತ ದರ್ಶನಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೭ ||

ಗುರುವರಂ ಕರುಣಾಮೃತ ಲೋಚನಂ
ನಿರುಪಮಂ ನಿಖಿಲಾಮಯಮೋಚನಮ್ |
ಪುರುಸುಖಪ್ರದಮಾತ್ಮನಿದರ್ಶನಂ
ಹರಿಹರಾತ್ಮಜಮೀಶ್ವರಮಾಶ್ರಯೇ || ೮ ||

ಇತಿ ಶ್ರೀ ಹರಿಹರಾತ್ಮಜ ಆಶ್ರಯಾಷ್ಟಕಮ್ ||


ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: