Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ವಿಶ್ವಮಂಗಳಂ ನಾಮ ಶ್ರೀ ಗುಹ್ಯಕಾಳೀ ಮಹಾವಜ್ರಕವಚಸ್ಯ ಸಂವರ್ತ ಋಷಿಃ ಅನುಷ್ಟುಪ್ ಛಂದಃ, ಏಕವಕ್ತ್ರಾದಿ ಶತವಕ್ತ್ರಾಂತಾ ಗುಹ್ಯಕಾಳೀ ದೇವತಾ, ಫ್ರೇಂ ಬೀಜಂ, ಸ್ಫ್ರೇಂ ಶಕ್ತಿಃ, ಛ್ರೀಂ ಕೀಲಕಂ ಸರ್ವಾಭೀಷ್ಟಸಿದ್ಧಿ ಪೂರ್ವಕ ಆತ್ಮರಕ್ಷಣೇ ಜಪೇ ವಿನಿಯೋಗಃ ||
ಓಂ ಫ್ರೇಂ ಪಾತು ಶಿರಃ ಸಿದ್ಧಿಕರಾಳೀ ಕಾಳಿಕಾ ಮಮ |
ಹ್ರೀಂ ಛ್ರೀಂ ಲಲಾಟಂ ಮೇ ಸಿದ್ಧಿವಿಕರಾಳಿ ಸದಾಽವತು || ೧ ||
ಶ್ರೀಂ ಕ್ಲೀಂ ಮುಖಂ ಚಂಡಯೋಗೇಶ್ವರೀ ರಕ್ಷತು ಸರ್ವದಾ |
ಹೂಂ ಸ್ತ್ರೀಂ ಕರ್ಣೌ ವಜ್ರಕಾಪಾಲಿನೀ ಮೇ ಕಾಳಿಕಾಽವತು || ೨ ||
ಐಂ ಕ್ರೌಂ ಹನೂ ಕಾಲಸಂಕರ್ಷಣಾ ಮೇ ಪಾತು ಕಾಳಿಕಾ |
ಕ್ರೀಂ ಕ್ರೌಂ ಭ್ರುವಾವುಗ್ರಚಂಡಾ ಕಾಳಿಕಾ ಮೇ ಸದಾಽವತು || ೩ ||
ಹಾಂ ಕ್ಷೌಂ ನೇತ್ರೇ ಸಿದ್ಧಿಲಕ್ಷ್ಮೀರವತು ಪ್ರತ್ಯಹಂ ಮಮ |
ಹೂಂ ಹ್ರೌಂ ನಾಸಾಂ ಚಂಡಕಾಪಾಲಿನೀ ಮೇ ಸರ್ವದಾಽವತು || ೪ ||
ಆಂ ಈಂ ಓಷ್ಠಾಧರೌ ಪಾತು ಸದಾ ಸಮಯಕುಬ್ಜಿಕಾ |
ಗ್ಲೂಂ ಗ್ಲೌಂ ದಂತಾನ್ ರಾಜರಾಜೇಶ್ವರೀ ಮೇ ರಕ್ಷತಾತ್ ಸದಾ || ೫ ||
ಜೂಂ ಸಃ ಸದಾ ಮೇ ರಸನಾಂ ಪಾತು ಶ್ರೀಜಯಭೈರವೀ |
ಸ್ಫ್ರೇಂ ಸ್ಫ್ರೇಂ ಪಾತು ಸ್ವರ್ಣಕೂಟೇಶ್ವರೀ ಮೇ ಚಿಬುಕಂ ಸದಾ || ೬ ||
ಬ್ಲೂಂ ಬ್ಲೌಂ ಕಂಠಂ ರಕ್ಷತು ಮೇ ಸರ್ವದಾ ತುಂಬುರೇಶ್ವರೀ |
ಕ್ಷ್ರೂಂ ಕ್ಷ್ರೌಂ ಮೇ ರಾಜಮಾತಂಗೀ ಸ್ಕಂಧೌ ರಕ್ಷತು ಸರ್ವದಾ || ೭ ||
ಫ್ರಾಂ ಫ್ರೌಂ ಭುಜೌ ವಜ್ರಚಂಡೇಶ್ವರೀ ರಕ್ಷತು ಮೇ ಸದಾ |
ಸ್ತ್ರೇಂ ಸ್ತ್ರೌಂ ವಕ್ಷಃಸ್ಥಲಂ ಪಾತು ಜಯಝಂಕೇಶ್ವರೀ ಮಮ || ೮ ||
ಫಿಂ ಫಾಂ ಕರೌ ರಕ್ಷತು ಮೇ ಶಿವದೂತೀ ಚ ಸರ್ವದಾ |
ಛ್ರೈಂ ಛ್ರೌಂ ಮೇ ಜಠರಂ ಪಾತು ಫೇತ್ಕಾರೀ ಘೋರರಾವಿಣೀ || ೯ ||
ಸ್ತ್ರೈಂ ಸ್ತ್ರೌಂ ಗುಹ್ಯೇಶ್ವರಿ ನಾಭಿಂ ಮಮ ರಕ್ಷತು ಸರ್ವದಾ |
ಕ್ಷುಂ ಕ್ಷೌಂ ಪಾರ್ಶ್ವೋ ಸದಾ ಪಾತು ಬಾಭುವೀ ಘೋರರೂಪಿಣೀ || ೧೦ ||
ಗ್ರೂಂ ಗ್ರೌಂ ಕುಲೇಶ್ವರೀ ಪಾತು ಮಮ ಪೃಷ್ಠಂ ಚ ಸರ್ವದಾ |
ಕ್ಲೂಂ ಕ್ಲೌಂ ಕಟಿಂ ರಕ್ಷತು ಮೇ ಭೀಮಾದೇವೀ ಭಯಾನಕಾ || ೧೧ ||
ಹೈಂ ಹೌಂ ಮೇ ರಕ್ಷತಾದೂರೂ ಸರ್ವದಾ ಚಂಡಖೇಚರೀ |
ಸ್ಫ್ರೋಂ ಸ್ಫ್ರೌಂ ಮೇ ಜಾನುನೀ ಪಾತು ಕೋರಂಗೀ ಭೀಷಣಾನನಾ || ೧೨ ||
ತ್ರೀಂ ಥ್ರೀಂ ಜಂಘಾಯುಗಂ ಪಾತು ತಾಮಸೀ ಸರ್ವದಾ ಮಮ |
ಜ್ರೈಂ ಜ್ರೌಂ ಪಾದೌ ಮಹಾವಿದ್ಯಾ ಸರ್ವದಾ ಮಮ ರಕ್ಷತು || ೧೩ ||
ಡ್ರೀಂ ಠ್ರೀಂ ವಾಗೀಶ್ವರೀ ಸರ್ವಾನ್ ಸಂಧೀನ್ ದೇಹಸ್ಯ ಮೇಽವತು |
ಖ್ರೇಂ ಖ್ರೌಂ ಶರಾರಾಧಾತೂನ್ಮೇ ಕಾಮಾಖ್ಯಾ ಸರ್ವದಾಽವತು || ೧೪ ||
ಬ್ರೀಂ ಬ್ರೂಂ ಕಾತ್ಯಾಯನೀ ಪಾತು ದಶವಾಯೂಂಸ್ತನೂದ್ಭವಾನ್ |
ಜ್ಲೂಂ ಜ್ಲೌಂ ಪಾತು ಮಹಾಲಕ್ಷ್ಮೀಃ ಖಾನ್ಯೇಕಾದಶ ಸರ್ವದಾ || ೧೫ ||
ಐಂ ಔಂ ಅನೂಕ್ತಂ ಯತ್ ಸ್ಥಾನಂ ಶರೀರೇಽಂತರ್ಬಹಿಶ್ಚ ಮೇ |
ತತ್ಸರ್ವಂ ಸರ್ವದಾ ಪಾತು ಹರಸಿದ್ಧಾ ಹರಪ್ರಿಯಾ || ೧೬ ||
ಫ್ರೇಂ ಛ್ರೀಂ ಹ್ರೀಂ ಸ್ತ್ರೀಂ ಹೂಂ ಶರೀರಸಕಲಂ ಸರ್ವದಾ ಮಮ |
ಗುಹ್ಯಕಾಳೀ ದಿವಾರಾತ್ರೌ ಸಂಧ್ಯಾಸು ಪರಿರಕ್ಷತು || ೧೭ ||
ಇತಿ ತೇ ಕವಚಂ ಪ್ರೋಕ್ತಂ ನಾಮ್ನಾ ಚ ವಿಶ್ವಮಂಗಳಮ್ |
ಸರ್ವೇಭ್ಯಃ ಕವಚೇಭ್ಯಸ್ತು ಶ್ರೇಷ್ಠಂ ಸಾರತರಂ ಪರಮ್ || ೧೮ ||
ಇದಂ ಪಠಿತ್ವಾ ತ್ವಂ ದೇಹಂ ಭಸ್ಮನೈವಾವಗುಂಠ್ಯ ಚ |
ತತ್ತತ್ ಸ್ಥಾನೇಷು ವಿನ್ಯಸ್ಯ ಬದ್ಧವಾದಃ ಕವಚಂ ದೃಢಮ್ || ೧೯ ||
ದಶವಾರಾನ್ ಮನುಂ ಜಪ್ತ್ವಾ ಯತ್ರ ಕುತ್ರಾಪಿ ಗಚ್ಛತು |
ಸಮರೇ ನಿಪತಚ್ಛಸ್ತ್ರೇಽರಣ್ಯೇ ಸ್ವಾಪದಸಂಕುಲೇ || ೨೦ ||
ಶ್ಮಶಾನೇ ಪ್ರೇತಭೂತಾಢ್ಯಕಾಂತಾರೇ ದಸ್ಯುಸಂಕುಲೇ |
ರಾಜದ್ವಾರೇ ಸಪಿಶುನೇ ಗಹ್ವರೇ ಸರ್ಪವೇಷ್ಟಿತೇ || ೨೧ ||
ತಸ್ಯ ಭೀತಿರ್ನ ಕುತ್ರಾಪಿ ಚರತಃ ಪೃಥಿವೀಮಿಮಾಮ್ |
ನ ಚ ವ್ಯಾಧಿಭಯಂ ತಸ್ಯ ನೈವ ತಸ್ಕರಜಂ ಭಯಮ್ || ೨೨ ||
ನಾಗ್ನ್ಯುತ್ಪಾತೋ ನೈವ ಭೂತಪ್ರೇತಜಃ ಸಂಕಟಸ್ತಥಾ |
ವಿದ್ಯುದ್ವರ್ಷೋಪಲಭಯಂ ನ ಕದಾಪಿ ಪ್ರಬಾಧತೇ || ೨೩ ||
ನ ದುರ್ಭಿಕ್ಷಭಯಂ ಚಾಸ್ಯ ನ ಚ ಮಾರಿಭಯಂ ತಥಾ |
ಕೃತ್ಯಾಭಿಚಾರಜಾ ದೋಷಾಃ ಸ್ಪೃಶಂತ್ಯೇನಂ ಕದಾಪಿ ನ || ೨೪ ||
ಸಹಸ್ರಂ ಜಪತಶ್ಚಾಸ್ಯ ಪುರಶ್ಚರಣಮುಚ್ಯತೇ |
ತತ್ಕೃತ್ವಾ ತು ಪ್ರಯುಂಜೀತ ಸರ್ವಸ್ಮಿನ್ನಪಿ ಕರ್ಮಣಿ || ೨೫ ||
ವಶ್ಯಕಾರ್ಯೋ ಮೋಹನೇ ಚ ಮಾರಣೋಚ್ಚಾಟನೇ ತಥಾ |
ಸ್ತಂಭನೇ ಚ ತಥಾ ದ್ವೇಷೇ ತಥಾ ಕೃತ್ಯಾಭಿಚಾರಯೋಃ || ೨೬ ||
ದುರ್ಗಭಂಗೇ ತಥಾ ಯುದ್ಧೇ ಪರಚಕ್ರ ನಿವಾರಣೇ |
ಏತತ್ ಪ್ರಯೋಗಾತ್ ಸರ್ವಾಣಿ ಕಾರ್ಯಾಣಿ ಪರಿಸಾಧಯೇತ್ || ೨೭ ||
ಭೂತಾವೇಶಂ ನಾಶಯತಿ ವಿವಾದೇ ಜಯತಿ ದ್ವಿಷಃ |
ಸಂಕಟಂ ತರತಿ ಕ್ಷಿಪ್ರಂ ಕಲಹೇ ಜಯಮಾಪ್ನುಯಾತ್ || ೨೮ ||
ಯದೀಚ್ಛೇತ್ ಮಹತೀಂ ಲಕ್ಷ್ಮೀಂ ತನಯಾನಾಯುರೇವ ಚ |
ವಿದ್ಯಾಂ ಕಾಂತಿಂ ತಥೌನ್ನತ್ಯಂ ಯಶಂ ಆರೋಗ್ಯಮೇವ ಚ || ೨೯ ||
ಭೋಗಾನ್ ಸೌಖ್ಯಂ ವಿಘ್ನಹಾನಿಮನಾಲಸ್ಯಂ ಮಹೋದಯಮ್ |
ಅಧೀಹಿ ಕವಚಂ ನಿತ್ಯಮಮುನಾಮುಂಚ ಚ ಪ್ರಿಯೇ || ೩೦ ||
ಕವಚೇನಾಮುನಾ ಸರ್ವಂ ಸಂಸಾಧಯತಿ ಸಾಧಕಃ |
ಯದ್ಯದ್ಧ್ಯಾಯತಿ ಚಿತ್ತೇನ ಸಿದ್ಧಂ ತತ್ತತ್ಪುರಃ ಸ್ಥಿತಮ್ || ೩೧ ||
ದುರ್ಧಟಂ ಘಟಯತ್ಯೇತತ್ ಕವಚಂ ವಿಶ್ವಮಂಗಳಮ್ |
ವಿಶ್ವಸ್ಯ ಮಂಗಳಂ ಯಸ್ಮಾದತೋ ವೈ ವಿಶ್ವಮಂಗಳಮ್ || ೩೨ ||
ಸಾನ್ನಿಧ್ಯಕಾರಕಂ ಗುಹ್ಯಕಾಳ್ಯಾ ಏತತ್ ಪ್ರಕೀರ್ತಿತಮ್ |
ಭುಕ್ತ್ವಾ ಭೋಗಾನಘಂ ಹತ್ವಾ ದೇಹಾಂತೇ ಮೋಕ್ಷಮಾಪ್ನುಯಾತ್ || ೩೩ ||
ಇತಿ ಶ್ರೀ ಗುಹ್ಯಕಾಳೀ ವಿಶ್ವಮಂಗಳ ಕವಚಮ್ ||
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
