Read in తెలుగు / ಕನ್ನಡ / தமிழ் / देवनागरी / English (IAST)
asya viśvamaṅgalaṁ nāma śrī guhyakālī mahāvajrakavacasya saṁvarta r̥ṣiḥ anuṣṭup chandaḥ, ēkavaktrādi śatavaktrāntā guhyakālī dēvatā, phrēṁ bījaṁ, sphrēṁ śaktiḥ, chrīṁ kīlakaṁ sarvābhīṣṭasiddhi pūrvaka ātmarakṣaṇē japē viniyōgaḥ ||
ōṁ phrēṁ pātu śiraḥ siddhikarālī kālikā mama |
hrīṁ chrīṁ lalāṭaṁ mē siddhivikarāli sadā:’vatu || 1 ||
śrīṁ klīṁ mukhaṁ caṇḍayōgēśvarī rakṣatu sarvadā |
hūṁ strīṁ karṇau vajrakāpālinī mē kālikā:’vatu || 2 ||
aiṁ krauṁ hanū kālasaṅkarṣaṇā mē pātu kālikā |
krīṁ krauṁ bhruvāvugracaṇḍā kālikā mē sadā:’vatu || 3 ||
hāṁ kṣauṁ nētrē siddhilakṣmīravatu pratyahaṁ mama |
hūṁ hrauṁ nāsāṁ caṇḍakāpālinī mē sarvadā:’vatu || 4 ||
āṁ īṁ ōṣṭhādharau pātu sadā samayakubjikā |
glūṁ glauṁ dantān rājarājēśvarī mē rakṣatāt sadā || 5 ||
jūṁ saḥ sadā mē rasanāṁ pātu śrījayabhairavī |
sphrēṁ sphrēṁ pātu svarṇakūṭēśvarī mē cibukaṁ sadā || 6 ||
blūṁ blauṁ kaṇṭhaṁ rakṣatu mē sarvadā tumburēśvarī |
kṣrūṁ kṣrauṁ mē rājamātaṅgī skandhau rakṣatu sarvadā || 7 ||
phrāṁ phrauṁ bhujau vajracaṇḍēśvarī rakṣatu mē sadā |
strēṁ strauṁ vakṣaḥsthalaṁ pātu jayajhaṅkēśvarī mama || 8 ||
phiṁ phāṁ karau rakṣatu mē śivadūtī ca sarvadā |
chraiṁ chrauṁ mē jaṭharaṁ pātu phētkārī ghōrarāviṇī || 9 ||
straiṁ strauṁ guhyēśvari nābhiṁ mama rakṣatu sarvadā |
kṣuṁ kṣauṁ pārśvō sadā pātu bābhuvī ghōrarūpiṇī || 10 ||
grūṁ grauṁ kulēśvarī pātu mama pr̥ṣṭhaṁ ca sarvadā |
klūṁ klauṁ kaṭiṁ rakṣatu mē bhīmādēvī bhayānakā || 11 ||
haiṁ hauṁ mē rakṣatādūrū sarvadā caṇḍakhēcarī |
sphrōṁ sphrauṁ mē jānunī pātu kōraṅgī bhīṣaṇānanā || 12 ||
trīṁ thrīṁ jaṅghāyugaṁ pātu tāmasī sarvadā mama |
jraiṁ jrauṁ pādau mahāvidyā sarvadā mama rakṣatu || 13 ||
ḍrīṁ ṭhrīṁ vāgīśvarī sarvān sandhīn dēhasya mē:’vatu |
khrēṁ khrauṁ śarārādhātūnmē kāmākhyā sarvadā:’vatu || 14 ||
brīṁ brūṁ kātyāyanī pātu daśavāyūṁstanūdbhavān |
jlūṁ jlauṁ pātu mahālakṣmīḥ khānyēkādaśa sarvadā || 15 ||
aiṁ auṁ anūktaṁ yat sthānaṁ śarīrē:’ntarbahiśca mē |
tatsarvaṁ sarvadā pātu harasiddhā harapriyā || 16 ||
phrēṁ chrīṁ hrīṁ strīṁ hūṁ śarīrasakalaṁ sarvadā mama |
guhyakālī divārātrau sandhyāsu parirakṣatu || 17 ||
iti tē kavacaṁ prōktaṁ nāmnā ca viśvamaṅgalam |
sarvēbhyaḥ kavacēbhyastu śrēṣṭhaṁ sārataraṁ param || 18 ||
idaṁ paṭhitvā tvaṁ dēhaṁ bhasmanaivāvaguṇṭhya ca |
tattat sthānēṣu vinyasya baddhavādaḥ kavacaṁ dr̥ḍham || 19 ||
daśavārān manuṁ japtvā yatra kutrāpi gacchatu |
samarē nipatacchastrē:’raṇyē svāpadasaṅkulē || 20 ||
śmaśānē prētabhūtāḍhyakāntārē dasyusaṅkulē |
rājadvārē sapiśunē gahvarē sarpavēṣṭitē || 21 ||
tasya bhītirna kutrāpi carataḥ pr̥thivīmimām |
na ca vyādhibhayaṁ tasya naiva taskarajaṁ bhayam || 22 ||
nāgnyutpātō naiva bhūtaprētajaḥ saṅkaṭastathā |
vidyudvarṣōpalabhayaṁ na kadāpi prabādhatē || 23 ||
na durbhikṣabhayaṁ cāsya na ca māribhayaṁ tathā |
kr̥tyābhicārajā dōṣāḥ spr̥śantyēnaṁ kadāpi na || 24 ||
sahasraṁ japataścāsya puraścaraṇamucyatē |
tatkr̥tvā tu prayuñjīta sarvasminnapi karmaṇi || 25 ||
vaśyakāryō mōhanē ca māraṇōccāṭanē tathā |
stambhanē ca tathā dvēṣē tathā kr̥tyābhicārayōḥ || 26 ||
durgabhaṅgē tathā yuddhē paracakra nivāraṇē |
ētat prayōgāt sarvāṇi kāryāṇi parisādhayēt || 27 ||
bhūtāvēśaṁ nāśayati vivādē jayati dviṣaḥ |
saṅkaṭaṁ tarati kṣipraṁ kalahē jayamāpnuyāt || 28 ||
yadīcchēt mahatīṁ lakṣmīṁ tanayānāyurēva ca |
vidyāṁ kāntiṁ tathaunnatyaṁ yaśaṁ ārōgyamēva ca || 29 ||
bhōgān saukhyaṁ vighnahānimanālasyaṁ mahōdayam |
adhīhi kavacaṁ nityamamunāmuñca ca priyē || 30 ||
kavacēnāmunā sarvaṁ saṁsādhayati sādhakaḥ |
yadyaddhyāyati cittēna siddhaṁ tattatpuraḥ sthitam || 31 ||
durdhaṭaṁ ghaṭayatyētat kavacaṁ viśvamaṅgalam |
viśvasya maṅgalaṁ yasmādatō vai viśvamaṅgalam || 32 ||
sānnidhyakārakaṁ guhyakālyā ētat prakīrtitam |
bhuktvā bhōgānaghaṁ hatvā dēhāntē mōkṣamāpnuyāt || 33 ||
iti śrī guhyakālī viśvamaṅgala kavacam ||
See more śrī kālikā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
