Read in తెలుగు / ಕನ್ನಡ / தமிழ் / देवनागरी / English (IAST)
ಯಾಜ್ಞವಲ್ಕ್ಯ ಉವಾಚ |
ಸ್ವಾಮಿನ್ ಸರ್ವಜಗನ್ನಾಥ ಸಂಶಯೋಽಸ್ತಿ ಮಹಾನ್ಮಮ |
ಚತುಃಷಷ್ಟಿಕಲಾನಾಂ ಚ ಪಾತಕಾನಾಂ ಚ ತದ್ವದ || ೧ ||
ಮುಚ್ಯತೇ ಕೇನ ಪುಣ್ಯೇನ ಬ್ರಹ್ಮರೂಪಂ ಕಥಂ ಭವೇತ್ |
ದೇಹಶ್ಚ ದೇವತಾರೂಪೋ ಮಂತ್ರರೂಪೋ ವಿಶೇಷತಃ |
ಕ್ರಮತಃ ಶ್ರೋತುಮಿಚ್ಛಾಮಿ ಕವಚಂ ವಿಧಿಪೂರ್ವಕಮ್ || ೨ ||
ಬ್ರಹ್ಮೋವಾಚ |
ಅಸ್ಯ ಶ್ರೀಗಾಯತ್ರೀಕವಚಸ್ಯ ಬ್ರಹ್ಮವಿಷ್ಣುರುದ್ರಾ ಋಷಯಃ, ಋಗ್ಯಜುಃಸಾಮಾಥರ್ವಾಣಿ ಛಂದಾಂಸಿ, ಪರಬ್ರಹ್ಮಸ್ವರೂಪಿಣೀ ಗಾಯತ್ರೀ ದೇವತಾ, ಭೂರ್ಬೀಜಂ, ಭುವಃ ಶಕ್ತಿಃ, ಸ್ವಃ ಕೀಲಕಂ, ಶ್ರೀಗಾಯತ್ರೀಪ್ರೀತ್ಯರ್ಥೇ ಜಪೇ ವಿನಿಯೋಗಃ ||
ಋಷ್ಯಾದಿನ್ಯಾಸಃ –
ಓಂ ಬ್ರಹ್ಮವಿಷ್ಣುರುದ್ರ ಋಷಿಭ್ಯೋ ನಮಃ ಶಿರಸಿ |
ಋಗ್ಯಜುಃಸಾಮಾಥರ್ವಚ್ಛಂದೋಭ್ಯೋ ನಮಃ ಮುಖೇ |
ಪರಬ್ರಹ್ಮಸ್ವರೂಪಿಣೀ ಗಾಯತ್ರೀದೇವತಾಯೈ ನಮಃ ಹೃದಿ |
ಭೂಃ ಬೀಜಾಯ ನಮಃ ಗುಹ್ಯೇ |
ಭುವಃ ಶಕ್ತಯೇ ನಮಃ ಪಾದಯೋಃ |
ಸ್ವಃ ಕೀಲಕಾಯ ನಮಃ ನಾಭೌ |
ವಿನಿಯೋಗಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಓಂ ಭೂರ್ಭುವಃ ಸ್ವಃ ತತ್ಸವಿತುರಿತಿ ಅಂಗುಷ್ಠಾಭ್ಯಾಂ ನಮಃ |
ಓಂ ಭೂರ್ಭುವಃ ಸ್ವಃ ವರೇಣ್ಯಮಿತಿ ತರ್ಜನೀಭ್ಯಾಂ ನಮಃ |
ಓಂ ಭೂರ್ಭುವಃ ಸ್ವಃ ಭರ್ಗೋ ದೇವಸ್ಯೇತಿ ಮಧ್ಯಮಾಭ್ಯಾಂ ನಮಃ |
ಓಂ ಭೂರ್ಭುವಃ ಸ್ವಃ ಧೀಮಹೀತಿ ಅನಾಮಿಕಾಭ್ಯಾಂ ನಮಃ |
ಓಂ ಭೂರ್ಭುವಃ ಸ್ವಃ ಧಿಯೋ ಯೋ ನಃ ಇತಿ ಕನಿಷ್ಠಿಕಾಭ್ಯಾಂ ನಮಃ |
ಓಂ ಭೂರ್ಭುವಃ ಸ್ವಃ ಪ್ರಚೋದಯಾದಿತಿ ಕರತಲ ಕರಪೃಷ್ಠಾಭ್ಯಾಂ ನಮಃ ||
ಅಂಗನ್ಯಾಸಃ –
ಓಂ ಭೂರ್ಭುವಃ ಸ್ವಃ ತತ್ಸವಿತುರಿತಿ ಹೃದಯಾಯ ನಮಃ |
ಓಂ ಭೂರ್ಭುವಃ ಸ್ವಃ ವರೇಣ್ಯಮಿತಿ ಶಿರಸೇ ಸ್ವಾಹಾ |
ಓಂ ಭೂರ್ಭುವಃ ಸ್ವಃ ಭರ್ಗೋ ದೇವಸ್ಯೇತಿ ಶಿಖಾಯೈ ವಷಟ್ |
ಓಂ ಭೂರ್ಭುವಃ ಸ್ವಃ ಧೀಮಹೀತಿ ಕವಚಾಯ ಹುಮ್ |
ಓಂ ಭೂರ್ಭುವಃ ಸ್ವಃ ಧಿಯೋ ಯೋ ನಃ ಇತಿ ನೇತ್ರತ್ರಯಾಯ ವೌಷಟ್ |
ಓಂ ಭೂರ್ಭುವಃ ಸ್ವಃ ಪ್ರಚೋದಯಾದಿತಿ ಅಸ್ತ್ರಾಯ ಫಟ್ ||
ಪ್ರಾರ್ಥನಾ –
ವರ್ಣಾಸ್ತ್ರಾಂ ಕುಂಡಿಕಾಹಸ್ತಾಂ ಶುದ್ಧನಿರ್ಮಲಜ್ಯೋತಿಷೀಮ್ |
ಸರ್ವತತ್ತ್ವಮಯೀಂ ವಂದೇ ಗಾಯತ್ರೀಂ ವೇದಮಾತರಮ್ ||
ಅಥ ಧ್ಯಾನಮ್ –
ಮುಕ್ತಾವಿದ್ರುಮಹೇಮನೀಲಧವಳಚ್ಛಾಯೈರ್ಮುಖೈಸ್ತ್ರೀಕ್ಷಣೈ-
-ರ್ಯುಕ್ತಾಮಿಂದುನಿಬದ್ಧರತ್ನಮುಕುಟಾಂ ತತ್ತ್ವಾರ್ಥವರ್ಣಾತ್ಮಿಕಾಮ್ |
ಗಾಯತ್ರೀಂ ವರದಾಭಯಾಂಕುಶಕಶಾಂ ಶೂಲಂ ಕಪಾಲಂ ಗುಣಂ
ಶಂಖಂ ಚಕ್ರಮಥಾರವಿಂದಯುಗಳಂ ಹಸ್ತೈರ್ವಹಂತೀಂ ಭಜೇ ||
ಅಥ ಕವಚಮ್ –
ಓಂ ಗಾಯತ್ರೀ ಪೂರ್ವತಃ ಪಾತು ಸಾವಿತ್ರೀ ಪಾತು ದಕ್ಷಿಣೇ |
ಬ್ರಹ್ಮವಿದ್ಯಾ ಚ ಮೇ ಪಶ್ಚಾದುತ್ತರೇ ಮಾಂ ಸರಸ್ವತೀ || ೧ ||
ಪಾವಕೀಂ ಮೇ ದಿಶಂ ರಕ್ಷೇತ್ಪಾವಕೋಜ್ಜ್ವಲಶಾಲಿನೀ |
ಯಾತುಧಾನೀಂ ದಿಶಂ ರಕ್ಷೇದ್ಯಾತುಧಾನಗಣಾರ್ದಿನೀ || ೨ ||
ಪಾವಮಾನೀಂ ದಿಶಂ ರಕ್ಷೇತ್ಪವಮಾನವಿಲಾಸಿನೀ |
ದಿಶಂ ರೌದ್ರೀಮವತು ಮೇ ರುದ್ರಾಣೀ ರುದ್ರರೂಪಿಣೀ || ೩ ||
ಊರ್ಧ್ವಂ ಬ್ರಹ್ಮಾಣೀ ಮೇ ರಕ್ಷೇದಧಸ್ತಾದ್ವೈಷ್ಣವೀ ತಥಾ |
ಏವಂ ದಶ ದಿಶೋ ರಕ್ಷೇತ್ ಸರ್ವತೋ ಭುವನೇಶ್ವರೀ || ೪ ||
ಬ್ರಹ್ಮಾಸ್ತ್ರಸ್ಮರಣಾದೇವ ವಾಚಾಂ ಸಿದ್ಧಿಃ ಪ್ರಜಾಯತೇ |
ಬ್ರಹ್ಮದಂಡಶ್ಚ ಮೇ ಪಾತು ಸರ್ವಶಸ್ತ್ರಾಸ್ತ್ರಭಕ್ಷಕಃ || ೫ ||
ಬ್ರಹ್ಮಶೀರ್ಷಸ್ತಥಾ ಪಾತು ಶತ್ರೂಣಾಂ ವಧಕಾರಕಃ |
ಸಪ್ತ ವ್ಯಾಹೃತಯಃ ಪಾಂತು ಸರ್ವದಾ ಬಿಂದುಸಂಯುತಃ || ೬ ||
ವೇದಮಾತಾ ಚ ಮಾಂ ಪಾತು ಸರಹಸ್ಯಾ ಸದೈವತಾ |
ದೇವೀಸೂಕ್ತಂ ಸದಾ ಪಾತು ಸಹಸ್ರಾಕ್ಷರದೇವತಾ || ೭ ||
ಚತುಃಷಷ್ಟಿಕಲಾ ವಿದ್ಯಾ ದಿವ್ಯಾದ್ಯಾ ಪಾತು ದೇವತಾ |
ಬೀಜಶಕ್ತಿಶ್ಚ ಮೇ ಪಾತು ಪಾತು ವಿಕ್ರಮದೇವತಾ || ೮ ||
ತತ್ಪದಂ ಪಾತು ಮೇ ಪಾದೌ ಜಂಘೇ ಮೇ ಸವಿತುಃ ಪದಮ್ |
ವರೇಣ್ಯಂ ಕಟಿದೇಶಂ ತು ನಾಭಿಂ ಭರ್ಗಸ್ತಥೈವ ಚ || ೯ ||
ದೇವಸ್ಯ ಮೇ ತು ಹೃದಯಂ ಧೀಮಹೀತಿ ಗಲಂ ತಥಾ |
ಧಿಯೋ ಮೇ ಪಾತು ಜಿಹ್ವಾಯಾಂ ಯಃ ಪದಂ ಪಾತು ಲೋಚನೇ || ೧೦ ||
ಲಲಾಟೇ ನಃ ಪದಂ ಪಾತು ಮೂರ್ಧಾನಂ ಮೇ ಪ್ರಚೋದಯಾತ್ |
ತದ್ವರ್ಣಃ ಪಾತು ಮೂರ್ಧಾನಂ ಸಕಾರಃ ಪಾತು ಫಾಲಕಮ್ || ೧೧ ||
ಚಕ್ಷುಷೀ ಮೇ ವಿಕಾರಸ್ತು ಶ್ರೋತ್ರಂ ರಕ್ಷೇತ್ತು ಕಾರಕಃ |
ನಾಸಾಪುಟೇ ವಕಾರೋ ಮೇ ರೇಕಾರಸ್ತು ಕಪೋಲಯೋಃ || ೧೨ ||
ಣಿಕಾರಸ್ತ್ವಧರೋಷ್ಠೇ ಚ ಯಕಾರಸ್ತೂರ್ಧ್ವ ಓಷ್ಠಕೇ |
ಆಸ್ಯಮಧ್ಯೇ ಭಕಾರಸ್ತು ರ್ಗೋಕಾರಸ್ತು ಕಪೋಲಯೋಃ || ೧೩ ||
ದೇಕಾರಃ ಕಂಠದೇಶೇ ಚ ವಕಾರಃ ಸ್ಕಂಧದೇಶಯೋಃ |
ಸ್ಯಕಾರೋ ದಕ್ಷಿಣಂ ಹಸ್ತಂ ಧೀಕಾರೋ ವಾಮಹಸ್ತಕಮ್ || ೧೪ ||
ಮಕಾರೋ ಹೃದಯಂ ರಕ್ಷೇದ್ಧಿಕಾರೋ ಜಠರಂ ತಥಾ |
ಧಿಕಾರೋ ನಾಭಿದೇಶಂ ತು ಯೋಕಾರಸ್ತು ಕಟಿದ್ವಯಮ್ || ೧೫ ||
ಗುಹ್ಯಂ ರಕ್ಷತು ಯೋಕಾರ ಊರೂ ಮೇ ನಃ ಪದಾಕ್ಷರಮ್ |
ಪ್ರಕಾರೋ ಜಾನುನೀ ರಕ್ಷೇಚ್ಚೋಕಾರೋ ಜಂಘದೇಶಯೋಃ || ೧೬ ||
ದಕಾರೋ ಗುಲ್ಫದೇಶಂ ತು ಯಾತ್ಕಾರಃ ಪಾದಯುಗ್ಮಕಮ್ |
ಜಾತವೇದೇತಿ ಗಾಯತ್ರೀ ತ್ರ್ಯಂಬಕೇತಿ ದಶಾಕ್ಷರಾ || ೧೭ ||
ಸರ್ವತಃ ಸರ್ವದಾ ಪಾತು ಆಪೋಜ್ಯೋತೀತಿ ಷೋಡಶೀ |
ಇದಂ ತು ಕವಚಂ ದಿವ್ಯಂ ಬಾಧಾಶತವಿನಾಶಕಮ್ || ೧೮ ||
ಚತುಃಷಷ್ಟಿಕಲಾವಿದ್ಯಾಸಕಲೈಶ್ವರ್ಯಸಿದ್ಧಿದಮ್ |
ಜಪಾರಂಭೇ ಚ ಹೃದಯಂ ಜಪಾಂತೇ ಕವಚಂ ಪಠೇತ್ || ೧೯ ||
ಸ್ತ್ರೀಗೋಬ್ರಾಹ್ಮಣಮಿತ್ರಾದಿದ್ರೋಹಾದ್ಯಖಿಲಪಾತಕೈಃ |
ಮುಚ್ಯತೇ ಸರ್ವಪಾಪೇಭ್ಯಃ ಪರಂ ಬ್ರಹ್ಮಾಧಿಗಚ್ಛತಿ || ೨೦ ||
ಪುಷ್ಪಾಂಜಲಿಂ ಚ ಗಾಯತ್ರ್ಯಾ ಮೂಲೇನೈವ ಪಠೇತ್ಸಕೃತ್ |
ಶತಸಾಹಸ್ರವರ್ಷಾಣಾಂ ಪೂಜಾಯಾಃ ಫಲಮಾಪ್ನುಯಾತ್ || ೨೧ ||
ಭೂರ್ಜಪತ್ರೇ ಲಿಖಿತ್ವೈತತ್ ಸ್ವಕಂಠೇ ಧಾರಯೇದ್ಯದಿ |
ಶಿಖಾಯಾಂ ದಕ್ಷಿಣೇ ಬಾಹೌ ಕಂಠೇ ವಾ ಧಾರಯೇದ್ಬುಧಃ || ೨೨ ||
ತ್ರೈಲೋಕ್ಯಂ ಕ್ಷೋಭಯೇತ್ಸರ್ವಂ ತ್ರೈಲೋಕ್ಯಂ ದಹತಿ ಕ್ಷಣಾತ್ |
ಪುತ್ರವಾನ್ ಧನವಾನ್ ಶ್ರೀಮಾನ್ ನಾನಾವಿದ್ಯಾನಿಧಿರ್ಭವೇತ್ || ೨೩ ||
ಬ್ರಹ್ಮಾಸ್ತ್ರಾದೀನಿ ಸರ್ವಾಣಿ ತದಂಗಸ್ಪರ್ಶನಾತ್ತತಃ |
ಭವಂತಿ ತಸ್ಯ ತುಲ್ಯಾನಿ ಕಿಮನ್ಯತ್ಕಥಯಾಮಿ ತೇ || ೨೪ ||
ಅಭಿಮಂತ್ರಿತಗಾಯತ್ರೀಕವಚಂ ಮಾನಸಂ ಪಠೇತ್ |
ತಜ್ಜಲಂ ಪಿಬತೋ ನಿತ್ಯಂ ಪುರಶ್ಚರ್ಯಾಫಲಂ ಭವೇತ್ || ೨೫ ||
ಲಘುಸಾಮಾನ್ಯಕಂ ಮಂತ್ರಂ ಮಹಾಮಂತ್ರಂ ತಥೈವ ಚ |
ಯೋ ವೇತ್ತಿ ಧಾರಣಾಂ ಯುಂಜನ್ ಜೀವನ್ಮುಕ್ತಃ ಸ ಉಚ್ಯತೇ || ೨೬ ||
ಸಪ್ತವ್ಯಾಹೃತಯೋ ವಿಪ್ರ ಸಪ್ತಾವಸ್ಥಾಃ ಪ್ರಕೀರ್ತಿತಾಃ |
ಸಪ್ತಜೀವಶತಾ ನಿತ್ಯಂ ವ್ಯಾಹೃತೀ ಅಗ್ನಿರೂಪಿಣೀ || ೨೭ ||
ಪ್ರಣವೇ ನಿತ್ಯಯುಕ್ತಸ್ಯ ವ್ಯಾಹೃತೀಷು ಚ ಸಪ್ತಸು |
ಸರ್ವೇಷಾಮೇವ ಪಾಪಾನಾಂ ಸಂಕರೇ ಸಮುಪಸ್ಥಿತೇ || ೨೮ ||
ಶತಂ ಸಹಸ್ರಮಭ್ಯರ್ಚ್ಯ ಗಾಯತ್ರೀ ಪಾವನಂ ಮಹತ್ |
ದಶಶತಮಷ್ಟೋತ್ತರಶತಂ ಗಾಯತ್ರೀ ಪಾವನಂ ಮಹತ್ || ೨೯ ||
ಭಕ್ತಿಮಾನ್ಯೋ ಭವೇದ್ವಿಪ್ರಃ ಸಂಧ್ಯಾಕರ್ಮ ಸಮಾಚರೇತ್ |
ಕಾಲೇ ಕಾಲೇ ತು ಕರ್ತವ್ಯಂ ಸಿದ್ಧಿರ್ಭವತಿ ನಾನ್ಯಥಾ || ೩೦ ||
ಪ್ರಣವಂ ಪೂರ್ವಮುದ್ಧೃತ್ಯ ಭೂರ್ಭುವಃಸ್ವಸ್ತಥೈವ ಚ |
ತುರ್ಯಂ ಸಹೈವ ಗಾಯತ್ರೀಜಪ ಏವಮುದಾಹೃತಮ್ || ೩೧ ||
ತುರೀಯಪಾದಮುತ್ಸೃಜ್ಯ ಗಾಯತ್ರೀಂ ಚ ಜಪೇದ್ದ್ವಿಜಃ |
ಸ ಮೂಢೋ ನರಕಂ ಯಾತಿ ಕಾಲಸೂತ್ರಮಧೋಗತಿಃ || ೩೨ ||
ಮಂತ್ರಾದೌ ಜನನಂ ಪ್ರೋಕ್ತಂ ಮಂತ್ರಾಂತೇ ಮೃತಸೂತಕಮ್ |
ಉಭಯೋರ್ದೋಷನಿರ್ಮುಕ್ತಂ ಗಾಯತ್ರೀ ಸಫಲಾ ಭವೇತ್ || ೩೩ ||
ಮಂತ್ರಾದೌ ಪಾಶಬೀಜಂ ಚ ಮಂತ್ರಾಂತೇ ಕುಶಬೀಜಕಮ್ |
ಮಂತ್ರಮಧ್ಯೇ ತು ಯಾ ಮಾಯಾ ಗಾಯತ್ರೀ ಸಫಲಾ ಭವೇತ್ || ೩೪ ||
ವಾಚಿಕಂ ತ್ವೇಕಮೇವ ಸ್ಯಾದುಪಾಂಶು ಶತಮುಚ್ಯತೇ |
ಸಹಸ್ರಂ ಮಾನಸಂ ಪ್ರೋಕ್ತಂ ತ್ರಿವಿಧಂ ಜಪಲಕ್ಷಣಮ್ || ೩೫ ||
ಅಕ್ಷಮಾಲಾಂ ಚ ಮುದ್ರಾಂ ಚ ಗುರೋರಪಿ ನ ದರ್ಶಯೇತ್ |
ಜಪಂ ಚಾಕ್ಷಸ್ವರೂಪೇಣಾನಾಮಿಕಾಮಧ್ಯಪರ್ವಣಿ || ೩೬ ||
ಅನಾಮಾ ಮಧ್ಯಯಾ ಹೀನಾ ಕನಿಷ್ಠಾದಿಕ್ರಮೇಣ ತು |
ತರ್ಜನೀಮೂಲಪರ್ಯಂತಂ ಗಾಯತ್ರೀಜಪಲಕ್ಷಣಮ್ || ೩೭ ||
ಪರ್ವಭಿಸ್ತು ಜಪೇದೇವಮನ್ಯತ್ರ ನಿಯಮಃ ಸ್ಮೃತಃ |
ಗಾಯತ್ರ್ಯಾ ವೇದಮೂಲತ್ವಾದ್ವೇದಃ ಪರ್ವಸು ಗೀಯತೇ || ೩೮ ||
ದಶಭಿರ್ಜನ್ಮಜನಿತಂ ಶತೇನೈವ ಪುರಾ ಕೃತಮ್ |
ತ್ರಿಯುಗಂ ತು ಸಹಸ್ರಾಣಿ ಗಾಯತ್ರೀ ಹಂತಿ ಕಿಲ್ಬಿಷಮ್ || ೩೯ ||
ಪ್ರಾತಃ ಕಾಲೇಷು ಕರ್ತವ್ಯಂ ಸಿದ್ಧಿಂ ವಿಪ್ರೋ ಯ ಇಚ್ಛತಿ |
ನಾದಾಲಯೇ ಸಮಾಧಿಶ್ಚ ಸಂಧ್ಯಾಯಾಂ ಸಮುಪಾಸತೇ || ೪೦ ||
ಅಂಗುಲ್ಯಗ್ರೇಣ ಯಜ್ಜಪ್ತಂ ಯಜ್ಜಪ್ತಂ ಮೇರುಲಂಘನೇ |
ಅಸಂಖ್ಯಯಾ ಚ ಯಜ್ಜಪ್ತಂ ತಜ್ಜಪ್ತಂ ನಿಷ್ಫಲಂ ಭವೇತ್ || ೪೧ ||
ವಿನಾ ವಸ್ತ್ರಂ ಪ್ರಕುರ್ವೀತ ಗಾಯತ್ರೀ ನಿಷ್ಫಲಾ ಭವೇತ್ |
ವಸ್ತ್ರಪುಚ್ಛಂ ನ ಜಾನಾತಿ ವೃಥಾ ತಸ್ಯ ಪರಿಶ್ರಮಃ || ೪೨ ||
ಗಾಯತ್ರೀಂ ತು ಪರಿತ್ಯಜ್ಯ ಅನ್ಯಮಂತ್ರಮುಪಾಸತೇ |
ಸಿದ್ಧಾನ್ನಂ ಚ ಪರಿತ್ಯಜ್ಯ ಭಿಕ್ಷಾಮಟತಿ ದುರ್ಮತಿಃ || ೪೩ ||
ಋಷಿಶ್ಛಂದೋ ದೇವತಾಖ್ಯಾ ಬೀಜಶಕ್ತಿಶ್ಚ ಕೀಲಕಮ್ |
ವಿನಿಯೋಗಂ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ || ೪೪ ||
ವರ್ಣಮುದ್ರಾ ಧ್ಯಾನಪದಮಾವಾಹನವಿಸರ್ಜನಮ್ |
ದೀಪಂ ಚಕ್ರಂ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ || ೪೫ ||
ಶಕ್ತಿನ್ಯಾಸಸ್ತಥಾ ಸ್ಥಾನಂ ಮಂತ್ರಸಂಬೋಧನಂ ಪರಮ್ |
ತ್ರಿವಿಧಂ ಯೋ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ || ೪೬ ||
ಪಂಚೋಪಚಾರಕಾಂಶ್ಚೈವ ಹೋಮದ್ರವ್ಯಂ ತಥೈವ ಚ |
ಪಂಚಾಂಗಂ ಚ ವಿನಾ ನಿತ್ಯಂ ಗಾಯತ್ರೀ ನಿಷ್ಫಲಾ ಭವೇತ್ || ೪೭ ||
ಮಂತ್ರಸಿದ್ಧಿರ್ಭವೇಜ್ಜಾತು ವಿಶ್ವಾಮಿತ್ರೇಣ ಭಾಷಿತಮ್ |
ವ್ಯಾಸೋ ವಾಚಸ್ಪತಿಂ ಜೀವಸ್ತುತಾ ದೇವೀ ತಪಃ ಸ್ಮೃತೌ || ೪೮ ||
ದೇವೀ ಜಪ್ತಾ ಸಹಸ್ರಂ ಸಾ ಹ್ಯುಪಪಾತಕನಾಶಿನೀ |
ಲಕ್ಷಜಾಪ್ಯೇ ತಥಾ ತಚ್ಚ ಮಹಾಪಾತಕನಾಶಿನೀ || ೪೯ ||
ಕೋಟಿಜಾಪ್ಯೇನ ರಾಜೇಂದ್ರ ಯದಿಚ್ಛತಿ ತದಾಪ್ನುಯಾತ್ |
ನ ದೇಯಂ ಪರಶಿಷ್ಯೇಭ್ಯೋ ಹ್ಯಭಕ್ತೇಭ್ಯೋ ವಿಶೇಷತಃ |
ಶಿಷ್ಯೇಭ್ಯೋ ಭಕ್ತಿಯುಕ್ತೇಭ್ಯೋ ಹ್ಯನ್ಯಥಾ ಮೃತ್ಯುಮಾಪ್ನುಯಾತ್ || ೫೦ ||
ಇತಿ ಶ್ರೀಮದ್ವಸಿಷ್ಠಸಂಹಿತಾಯಾಂ ಶ್ರೀ ಗಾಯತ್ರೀ ಕವಚಮ್ |
ಇನ್ನಷ್ಟು ಶ್ರೀ ಗಾಯತ್ರೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
