Sri Gayatri Kavacham 2 – ಶ್ರೀ ಗಾಯತ್ರೀ ಕವಚಂ – ೨


ಅಸ್ಯ ಶ್ರೀಗಾಯತ್ರೀ ಕವಚಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ ಛಂದಃ ಗಾಯತ್ರೀ ದೇವತಾ ಭೂಃ ಬೀಜಂ ಭುವಃ ಶಕ್ತಿಃ ಸ್ವಃ ಕೀಲಕಂ ಶ್ರೀಗಾಯತ್ರೀ ಪ್ರೀತ್ಯರ್ಥೇ ಜಪೇ ವಿನಿಯೋಗಃ |

ಧ್ಯಾನಂ –
ಪಂಚವಕ್ತ್ರಾಂ ದಶಭುಜಾಂ ಸೂರ್ಯಕೋಟಿಸಮಪ್ರಭಾಮ್ |
ಸಾವಿತ್ರೀ ಬ್ರಹ್ಮವರದಾಂ ಚಂದ್ರಕೋಟಿಸುಶೀತಲಾಮ್ || ೧ ||

ತ್ರಿನೇತ್ರಾಂ ಸಿತವಕ್ತ್ರಾಂ ಚ ಮುಕ್ತಾಹಾರವಿರಾಜಿತಾಮ್ |
ವರಾಽಭಯಾಂಕುಶಕಶಾಂ ಹೇಮಪಾತ್ರಾಕ್ಷಮಾಲಿಕಾಮ್ || ೨ ||

ಶಂಖಚಕ್ರಾಬ್ಜಯುಗಳಂ ಕರಾಭ್ಯಾಂ ದಧತೀ ಪರಾಮ್ |
ಸಿತಪಂಕಜಸಂಸ್ಥಾ ಚ ಹಂಸಾರೂಢಾಂ ಸುಖಸ್ಮಿತಾಮ್ || ೩ ||

ಧ್ಯಾತ್ವೈವಂ ಮಾನಸಾಂಭೋಜೇ ಗಾಯತ್ರೀಕವಚಂ ಜಪೇತ್ || ೪ ||

ಬ್ರಹ್ಮೋವಾಚ |
ವಿಶ್ವಾಮಿತ್ರ ಮಹಾಪ್ರಾಜ್ಞ ಗಾಯತ್ರೀಕವಚಂ ಶೃಣು |
ಯಸ್ಯ ವಿಜ್ಞಾನಮಾತ್ರೇಣ ತ್ರೈಲೋಕ್ಯಂ ವಶಯೇತ್ ಕ್ಷಣಾತ್ || ೫ ||

ಸಾವಿತ್ರೀ ಮೇ ಶಿರಃ ಪಾತು ಶಿಖಾಯಾಮಮೃತೇಶ್ವರೀ |
ಲಲಾಟಂ ಬ್ರಹ್ಮದೈವತ್ಯಾ ಭ್ರುವೌ ಮೇ ಪಾತು ವೈಷ್ಣವೀ || ೬ ||

ಕರ್ಣೌ ಮೇ ಪಾತು ರುದ್ರಾಣೀ ಸೂರ್ಯಾ ಸಾವಿತ್ರಿಕಾಽಂಬಿಕೇ |
ಗಾಯತ್ರೀ ವದನಂ ಪಾತು ಶಾರದಾ ದಶನಚ್ಛದೌ || ೭ ||

ದ್ವಿಜಾನ್ ಯಜ್ಞಪ್ರಿಯಾ ಪಾತು ರಸನಾಯಾಂ ಸರಸ್ವತೀ |
ಸಾಂಖ್ಯಾಯನೀ ನಾಸಿಕಾ ಮೇ ಕಪೋಲಂ ಚಂದ್ರಹಾಸಿನೀ || ೮ ||

ಚಿಬುಕಂ ವೇದಗರ್ಭಾ ಚ ಕಂಠಂ ಪಾತ್ವಘನಾಶಿನೀ |
ಸ್ತನೌ ಮೇ ಪಾತು ಇಂದ್ರಾಣೀ ಹೃದಯಂ ಬ್ರಹ್ಮವಾದಿನೀ || ೯ ||

ಉದರಂ ವಿಶ್ವಭೋಕ್ತ್ರೀ ಚ ನಾಭಿಂ ಪಾತು ಸುರಪ್ರಿಯಾ |
ಜಘನಂ ನಾರಸಿಂಹೀ ಚ ಪೃಷ್ಠಂ ಬ್ರಹ್ಮಾಂಡಧಾರಿಣೀ || ೧೦ ||

ಪಾರ್ಶ್ವೌ ಮೇ ಪಾತು ಪದ್ಮಾಕ್ಷೀ ಗುಹ್ಯಂ ಮೇ ಗೋತ್ರಿಕಾಽವತು |
ಊರ್ವೋರೋಂಕಾರರೂಪಾ ಚ ಜಾನ್ವೋಃ ಸಂಧ್ಯಾತ್ಮಿಕಾಽವತು || ೧೧ ||

ಜಂಘಯೋಃ ಪಾತು ಚಾಽಕ್ಷೋಭ್ಯಾ ಗುಲ್ಫಯೋರ್ಬ್ರಹ್ಮಶೀರ್ಷಕಾ |
ಸೂರ್ಯಾ ಪದದ್ವಯಂ ಪಾತು ಚಂದ್ರಾ ಪಾದಾಂಗುಳೀಷು ಚ || ೧೨ ||

ಸರ್ವಾಂಗಂ ವೇದಮಾತಾ ಚ ಪಾತು ಮೇ ಸರ್ವದಾಽನಘಾ |
ಇತ್ಯೇತತ್ ಕವಚಂ ಬ್ರಹ್ಮನ್ ಗಾಯತ್ರ್ಯಾಃ ಸರ್ವಪಾವನಮ್ || ೧೩ ||

ಪುಣ್ಯಂ ಪವಿತ್ರಂ ಪಾಪಘ್ನಂ ಸರ್ವರೋಗನಿವಾರಣಮ್ |
ತ್ರಿಸಂಧ್ಯಂ ಯಃ ಪಠೇದ್ವಿದ್ವಾನ್ ಸರ್ವಾನ್ ಕಾಮಾನವಾಪ್ನುಯಾತ್ || ೧೪ ||

ಸರ್ವಶಾಸ್ತ್ರಾರ್ಥತತ್ತ್ವಜ್ಞಃ ಸ ಭವೇದ್ವೇದವಿತ್ತಮಃ |
ಸರ್ವಯಜ್ಞಫಲಂ ಪುಣ್ಯಂ ಬ್ರಹ್ಮಾಂತೇ ಸಮವಾಪ್ನುಯಾತ್ || ೧೫ ||

ಇತಿ ಶ್ರೀವಿಶ್ವಾಮಿತ್ರಸಂಹಿತೋಕ್ತಂ ಶ್ರೀ ಗಾಯತ್ರೀ ಕವಚಮ್ |


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed