Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀ ಗರುಡ ಕವಚ ಸ್ತೋತ್ರಮಂತ್ರಸ್ಯ ನಾರದ ಋಷಿಃ ವೈನತೇಯೋ ದೇವತಾ ಅನುಷ್ಟುಪ್ಛಂದಃ ಮಮ ಗರುಡ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಶಿರೋ ಮೇ ಗರುಡಃ ಪಾತು ಲಲಾಟಂ ವಿನತಾಸುತಃ |
ನೇತ್ರೇ ತು ಸರ್ಪಹಾ ಪಾತು ಕರ್ಣೌ ಪಾತು ಸುರಾರ್ಚಿತಃ || ೧ ||
ನಾಸಿಕಾಂ ಪಾತು ಸರ್ಪಾರಿಃ ವದನಂ ವಿಷ್ಣುವಾಹನಃ |
ಸೂರ್ಯಸೂತಾನುಜಃ ಕಂಠಂ ಭುಜೌ ಪಾತು ಮಹಾಬಲಃ || ೨ ||
ಹಸ್ತೌ ಖಗೇಶ್ವರಃ ಪಾತು ಕರಾಗ್ರೇ ತರುಣಾಕೃತಿಃ |
ನಖಾನ್ ನಖಾಯುಧಃ ಪಾತು ಕಕ್ಷೌ ಮುಕ್ತಿಫಲಪ್ರದಃ || ೩ ||
ಸ್ತನೌ ಮೇ ವಿಹಗಃ ಪಾತು ಹೃದಯಂ ಪಾತು ಸರ್ಪಹಾ | [*ಸರ್ವದಾ*]
ನಾಭಿಂ ಪಾತು ಮಹಾತೇಜಾಃ ಕಟಿಂ ಪಾತು ಸುಧಾಹರಃ || ೪ ||
ಊರೂ ಪಾತು ಮಹಾವೀರಃ ಜಾನುನೀ ಚಂಡವಿಕ್ರಮಃ |
ಜಂಘೇ ದಂಡಾಯುಧಃ ಪಾತು ಗುಲ್ಫೌ ವಿಷ್ಣುರಥಃ ಸದಾ || ೫ ||
ಸುವರ್ಣಃ ಪಾತು ಮೇ ಪಾದೌ ತಾರ್ಕ್ಷ್ಯಃ ಪಾದಾಂಗುಲೀ ತಥಾ |
ರೋಮಕೂಪಾನಿ ಮೇ ವೀರಃ ತ್ವಚಂ ಪಾತು ಭಯಾಪಹಃ || ೬ ||
ಇತ್ಯೇವಂ ದಿವ್ಯಕವಚಂ ಪಾಪಘ್ನಂ ಸರ್ವಕಾಮದಂ |
ಯಃ ಪಠೇತ್ಪ್ರಾತರುತ್ಥಾಯ ವಿಷದೋಷಂ ಪ್ರಣಶ್ಯತಿ || ೭ ||
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಬಂಧನಾತ್ ಮುಚ್ಯತೇ ನರಃ |
ದ್ವಾದಶಾಹಂ ಪಠೇದ್ಯಸ್ತು ಮುಚ್ಯತೇ ಶತ್ರುಬಂಧನಾತ್ || ೮ ||
ಏಕವಾರಂ ಪಠೇದ್ಯಸ್ತು ಮುಚ್ಯತೇ ಸರ್ವಕಿಲ್ಬಿಷೈಃ |
ವಜ್ರಪಂಜರನಾಮೇದಂ ಕವಚಂ ಬಂಧಮೋಚನಮ್ || ೯ ||
ಇತಿ ಶ್ರೀ ನಾರದ ಗರುಡ ಸಂವಾದೇ ಗರುಡಕವಚಂ |
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
