Sri Garuda Kavacham – ஶ்ரீ கருட கவசம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஶ்ரீ கருட கவசம்

அஸ்ய ஶ்ரீ க³ருட³ கவச ஸ்தோத்ரமந்த்ரஸ்ய நாரத³ ருஷி꞉ வைநதேயோ தே³வதா அநுஷ்டுப் ச²ந்த³꞉ மம ஶ்ரீ வைநதேய ப்ரீத்யர்தே² ஜபே விநியோக³꞉ ।

ஶிரோ மே க³ருட³꞉ பாது லலாடம் விநதாஸுத꞉ ।
நேத்ரே து ஸர்பஹா பாது கர்ணௌ பாது ஸுரார்சித꞉ ॥ 1 ॥

நாஸிகாம் பாது ஸர்பாரி꞉ வத³நம் விஷ்ணுவாஹந꞉ ।
ஸூர்யஸூதாநுஜ꞉ கண்ட²ம் பு⁴ஜௌ பாது மஹாப³ல꞉ ॥ 2 ॥

ஹஸ்தௌ க²கே³ஶ்வர꞉ பாது கராக்³ரே தருணாக்ருதி꞉ ।
நகா²ந் நகா²யுத⁴꞉ பாது கக்ஷௌ முக்திப²லப்ரத³꞉ ॥ 3 ॥

ஸ்தநௌ மே விஹக³꞉ பாது ஹ்ருத³யம் பாது ஸர்பஹா ।
நாபி⁴ம் பாது மஹாதேஜா꞉ கடிம் பாது ஸுதா⁴ஹர꞉ ॥ 4 ॥

ஊரூ பாது மஹாவீர꞉ ஜாநுநீ சண்ட³விக்ரம꞉ ।
ஜங்கே⁴ த³ண்டா³யுத⁴꞉ பாது கு³ள்பௌ² விஷ்ணுரத⁴꞉ ஸதா³ ॥ 5 ॥

ஸுபர்ண꞉ பாது மே பாதௌ³ தார்க்ஷ்ய꞉ பாதா³ங்கு³ளீ ததா² ।
ரோமகூபாநி மே வீரோ த்வசம் பாது ப⁴யாபஹா ॥ 6 ॥

இத்யேவம் கவசம் தி³வ்யம் பாபக்⁴நம் ஸர்வகாமத³ம் ।
ய꞉ படே²த் ப்ராதருத்தா²ய விஷதோ³ஷம் ப்ரணஶ்யதி ॥ 7 ॥

த்ரிஸந்த்⁴யம் ய꞉ படே²ந்நித்யம் ப³ந்த⁴நாத் முச்யதே நர꞉ ।
த்³வாத³ஶாஹம் படே²த்³யஸ்து முச்யதே ஶத்ருப³ந்த⁴நாத் ॥ 8 ॥

ஏகவாரம் படே²த்³யஸ்து முச்யதே ஸர்வகில்பி³ஷை꞉ ।
வஜ்ரபஞ்ஜரநாமேத³ம் கவசம் ப³ந்த⁴மோசநம் ॥ 9 ॥

இதி ஶ்ரீநாரத³க³ருட³ஸம்வாதே³ ஶ்ரீ க³ருட³ கவசம் ॥

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---