Sri Dattatreya Stotram (Kartavirya Arjuna Krutam) – ಶ್ರೀ ದತ್ತಾತ್ರೇಯ ಸ್ತೋತ್ರಂ (ಕಾರ್ತವೀರ್ಯಾರ್ಜುನ ಕೃತಂ)

ಸ್ತೋತ್ರನಿಧಿ → ಶ್ರೀ ದತ್ತಾತ್ರೇಯ ಸ್ತೋತ್ರಗಳು → ಶ್ರೀ ದತ್ತಾತ್ರೇಯ ಸ್ತೋತ್ರಂ (ಕಾರ್ತವೀರ್ಯಾರ್ಜುನ ಕೃತಂ)

ಮೋಹತಮೋ ಮಮ ನಷ್ಟಂ ತ್ವದ್ವಚನಾನ್ನಹಿ ಕಷ್ಟಮ್ |
ಶಿಷ್ಟಮಿದಂ ಮಯಿ ಹೃಷ್ಟಂ ಹೃತ್ಪರಮಾತ್ಮನಿ ತುಷ್ಟಮ್ || ೧ ||

ಜ್ಞಾನರವಿರ್ಹೃದಿ ಭಾತಃ ಸ್ವಾವರಣಾಖ್ಯತಮೋಽತಃ |
ಕ್ವಾಪಿ ಗತಂ ಭವದೀಕ್ಷಾಸೌ ಖಲು ಕಾ ಮಮ ದೀಕ್ಷಾ || ೨ ||

ಕ್ಲೇಶರುಜಾಂ ಹರಣೇನ ತ್ವಚ್ಚರಣಸ್ಮರಣೇನ |
ಅಸ್ಮಿ ಕೃತಾರ್ಥ ಇಹೇಶ ಶ್ರೀಶ ಪರೇಶ ಮಹೇಶ || ೩ ||

ಪ್ರೇಮದುಘಂ ತವ ಪಾದಂ ಕೋ ನ ಭಜೇದವಿವಾದಮ್ |
ದೈವವಶಾದ್ಧೃದಿ ಮೇಯಂ ದರ್ಶಿತವಾನಸಿ ಮೇ ಯಮ್ || ೪ ||

ಚಿತ್ರಮಿದಂ ಸದಮೇಯಃ ಸೋಽಪ್ಯಭವದ್ಧೃದಿ ಮೇಯಃ |
ದೇವಸುರರ್ಷಿಸುಗೇಯಃ ಸೋಽದ್ಯ ಕಥಂ ಮಮ ಹೇಯಃ || ೫ ||

ಆಶ್ರಿತತಾಪಹರಂ ತಂ ಪಾತಕದೈನ್ಯಹರಂತಮ್ |
ನೌಮಿ ಶಿವಂ ಭಗವಂತಂ ಪಾದಮಹಂ ತವ ಸಂತಮ್ || ೬ ||

ಯತ್ರ ಜಗದ್ಭ್ರಮ ಏಷಃ ಕಲ್ಪಿತ ಏವ ಸಶೇಷಃ |
ಭ್ರಾಂತಿಲಯೇಽದ್ವಯ ಏವಾವೇದಿ ಮಯಾದ್ಯ ಸ ಏವ || ೭ ||

ಶಾಂತಿಪದಂ ತವ ಪಾದಂ ನೌಮಿ ಸುಸೇವ್ಯಮಖೇದಮ್ |
ಸ್ವಾರ್ಥದಮಾದ್ಯಮನಂತಂ ಹಾಪಿತಕಾಮಧನಂ ತಮ್ || ೮ ||

ದೇವೋ ಭಾವೋ ರಾದ್ಧಃ ಸಿದ್ಧಃ ಸತ್ಯೋ ನಿತ್ಯೋ ಬುದ್ಧಃ ಶುದ್ಧಃ |
ಸರ್ವೋಽಪೂರ್ವೋ ಹರ್ತಾ ಕರ್ತಾಽಭಿನ್ನಸ್ತ್ವಂ ನಃ ಪಾತಾ ಮಾತಾ || ೯ ||

ಇತಿ ಶ್ರೀಮದ್ದತ್ತಪುರಾಣೇ ಚತುರ್ಥಾಷ್ಟಕೇ ತೃತೀಯೋಽಧ್ಯಾಯೇ ಕಾರ್ತವೀರ್ಯಾರ್ಜುನ ಕೃತ ಶ್ರೀ ದತ್ತಾತ್ರೇಯ ಸ್ತೋತ್ರಮ್ |

---

ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.