Sri Dattatreya Stotram (Kartavirya Arjuna Krutam) – శ్రీ దత్తాత్రేయ స్తోత్రం (కార్తవీర్యార్జున కృతం)


[గమనిక: ఈ స్తోత్రము “శ్రీ దత్తాత్రేయ స్తోత్రనిధి” పారాయణ గ్రంథములో కూడా ఉన్నది. Click here to buy.]

మోహతమో మమ నష్టం త్వద్వచనాన్నహి కష్టమ్ |
శిష్టమిదం మయి హృష్టం హృత్పరమాత్మని తుష్టమ్ || ౧ ||

జ్ఞానరవిర్హృది భాతః స్వావరణాఖ్యతమోఽతః |
క్వాపి గతం భవదీక్షాసౌ ఖలు కా మమ దీక్షా || ౨ ||

క్లేశరుజాం హరణేన త్వచ్చరణస్మరణేన |
అస్మి కృతార్థ ఇహేశ శ్రీశ పరేశ మహేశ || ౩ ||

ప్రేమదుఘం తవ పాదం కో న భజేదవివాదమ్ |
దైవవశాద్ధృది మేయం దర్శితవానసి మే యమ్ || ౪ ||

చిత్రమిదం సదమేయః సోఽప్యభవద్ధృది మేయః |
దేవసురర్షిసుగేయః సోఽద్య కథం మమ హేయః || ౫ ||

ఆశ్రితతాపహరం తం పాతకదైన్యహరంతమ్ |
నౌమి శివం భగవంతం పాదమహం తవ సంతమ్ || ౬ ||

యత్ర జగద్భ్రమ ఏషః కల్పిత ఏవ సశేషః |
భ్రాంతిలయేఽద్వయ ఏవావేది మయాద్య స ఏవ || ౭ ||

శాంతిపదం తవ పాదం నౌమి సుసేవ్యమఖేదమ్ |
స్వార్థదమాద్యమనంతం హాపితకామధనం తమ్ || ౮ ||

దేవో భావో రాద్ధః సిద్ధః సత్యో నిత్యో బుద్ధః శుద్ధః |
సర్వోఽపూర్వో హర్తా కర్తాఽభిన్నస్త్వం నః పాతా మాతా || ౯ ||

ఇతి శ్రీమద్దత్తపురాణే చతుర్థాష్టకే తృతీయోఽధ్యాయే కార్తవీర్యార్జున కృత శ్రీ దత్తాత్రేయ స్తోత్రమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ దత్తాత్రేయ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ దత్తాత్రేయ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed