Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಚಂದ್ರ ಕವಚಸ್ತೋತ್ರ ಮಹಾಮಂತ್ರಸ್ಯ ಗೌತಮ ಋಷಿಃ, ಅನುಷ್ಟುಪ್ ಛಂದಃ, ಸೋಮೋ ದೇವತಾ, ರಂ ಬೀಜಂ, ಸಂ ಶಕ್ತಿಃ, ಓಂ ಕೀಲಕಂ, ಸೋಮಗ್ರಹ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಕರನ್ಯಾಸಃ |
ವಾಂ ಅಂಗುಷ್ಠಾಭ್ಯಾಂ ನಮಃ |
ವೀಂ ತರ್ಜನೀಭ್ಯಾಂ ನಮಃ |
ವೂಂ ಮಧ್ಯಮಾಭ್ಯಾಂ ನಮಃ |
ವೈಂ ಅನಾಮಿಕಾಭ್ಯಾಂ ನಮಃ |
ವೌಂ ಕನಿಷ್ಠಿಕಾಭ್ಯಾಂ ನಮಃ |
ವಃ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ |
ವಾಂ ಹೃದಯಾಯ ನಮಃ |
ವೀಂ ಶಿರಸೇ ಸ್ವಾಹಾ |
ವೂಂ ಶಿಖಾಯೈ ವಷಟ್ |
ವೈಂ ಕವಚಾಯ ಹುಂ |
ವೌಂ ನೇತ್ರತ್ರಯಾಯ ವೌಷಟ್ |
ವಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಸೋಮಂ ದ್ವಿಭುಜಪದ್ಮಂ ಚ ಶುಕ್ಲಾಂಬರಧರಂ ಶುಭಂ
ಶ್ವೇತಗಂಧಾನುಲೇಪಂ ಚ ಮುಕ್ತಾಭರಣಭೂಷಣಮ್ |
ಶ್ವೇತಾಶ್ವರಥಮಾರೂಢಂ ಮೇರುಂ ಚೈವ ಪ್ರದಕ್ಷಿಣಂ
ಸೋಮಂ ಚತುರ್ಭುಜಂ ದೇವಂ ಕೇಯೂರಮಕುಟೋಜ್ಜ್ವಲಮ್ || ೧ ||
ವಾಸುದೇವಸ್ಯ ನಯನಂ ಶಂಕರಸ್ಯ ಚ ಭೂಷಣಮ್ |
ಏವಂ ಧ್ಯಾತ್ವಾ ಜಪೇನ್ನಿತ್ಯಂ ಚಂದ್ರಸ್ಯ ಕವಚಂ ಮುದಾ || ೨ ||
ಅಥ ಕವಚಮ್ –
ಶಶೀ ಪಾತು ಶಿರೋದೇಶೇ ಫಾಲಂ ಪಾತು ಕಲಾನಿಧಿಃ |
ಚಕ್ಷುಷೀ ಚಂದ್ರಮಾಃ ಪಾತು ಶ್ರುತೀ ಪಾತು ಕಲಾತ್ಮಕಃ || ೧ ||
ಘ್ರಾಣಂ ಪಕ್ಷಕರಃ ಪಾತು ಮುಖಂ ಕುಮುದಬಾಂಧವಃ |
ಸೋಮಃ ಕರೌ ತು ಮೇ ಪಾತು ಸ್ಕಂಧೌ ಪಾತು ಸುಧಾತ್ಮಕಃ || ೨ ||
ಊರೂ ಮೈತ್ರೀನಿಧಿಃ ಪಾತು ಮಧ್ಯಂ ಪಾತು ನಿಶಾಕರಃ |
ಕಟಿಂ ಸುಧಾಕರಃ ಪಾತು ಉರಃ ಪಾತು ಶಶಂಧರಃ || ೩ ||
ಮೃಗಾಂಕೋ ಜಾನುನೀ ಪಾತು ಜಂಘೇ ಪಾತ್ವಮೃತಾಬ್ಧಿಜಃ |
ಪಾದೌ ಹಿಮಕರಃ ಪಾತು ಪಾತು ಚಂದ್ರೋಽಖಿಲಂ ವಪುಃ || ೪ ||
ಏತದ್ಧಿ ಕವಚಂ ಪುಣ್ಯಂ ಭುಕ್ತಿಮುಕ್ತಿಪ್ರದಾಯಕಮ್ |
ಯಃ ಪಠೇಚ್ಛೃಣುಯಾದ್ವಾಪಿ ಸರ್ವತ್ರ ವಿಜಯೀ ಭವೇತ್ || ೫ ||
ಇತಿ ಶ್ರೀಬ್ರಹ್ಮವೈವರ್ತ ಮಹಾಪುರಾಣೇ ದಕ್ಷಿಣಖಂಡೇ ಶ್ರೀ ಚಂದ್ರ ಕವಚಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
