Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀ ದೇವ್ಯುವಾಚ |
ಭೈರವ್ಯಾಃ ಸಕಲಾ ವಿದ್ಯಾಃ ಶ್ರುತಾಶ್ಚಾಧಿಗತಾ ಮಯಾ |
ಸಾಂಪ್ರತಂ ಶ್ರೋತುಮಿಚ್ಛಾಮಿ ಕವಚಂ ಯತ್ಪುರೋದಿತಮ್ || ೧ ||
ತ್ರೈಲೋಕ್ಯವಿಜಯಂ ನಾಮ ಶಸ್ತ್ರಾಸ್ತ್ರವಿನಿವಾರಣಮ್ |
ತ್ವತ್ತಃ ಪರತರೋ ನಾಥ ಕಃ ಕೃಪಾಂ ಕರ್ತುಮರ್ಹತಿ || ೨ ||
ಈಶ್ವರ ಉವಾಚ |
ಶೃಣು ಪಾರ್ವತಿ ವಕ್ಷ್ಯಾಮಿ ಸುಂದರಿ ಪ್ರಾಣವಲ್ಲಭೇ |
ತ್ರೈಲೋಕ್ಯವಿಜಯಂ ನಾಮ ಶಸ್ತ್ರಾಸ್ತ್ರವಿನಿವಾರಕಮ್ || ೩ ||
ಪಠಿತ್ವಾ ಧಾರಯಿತ್ವೇದಂ ತ್ರೈಲೋಕ್ಯವಿಜಯೀ ಭವೇತ್ |
ಜಘಾನ ಸಕಲಾನ್ದೈತ್ಯಾನ್ಯದ್ಧೃತ್ವಾ ಮಧುಸೂದನಃ || ೪ ||
ಬ್ರಹ್ಮಾ ಸೃಷ್ಟಿಂ ವಿತನುತೇ ಯದ್ಧೃತ್ವಾಭೀಷ್ಟದಾಯಕಮ್ |
ಧನಾಧಿಪಃ ಕುಬೇರೋಽಪಿ ವಾಸವಸ್ತ್ರಿದಶೇಶ್ವರಃ || ೫ ||
ಯಸ್ಯ ಪ್ರಸಾದಾದೀಶೋಽಹಂ ತ್ರೈಲೋಕ್ಯವಿಜಯೀ ವಿಭುಃ |
ನ ದೇಯಂ ಪರಶಿಷ್ಯೇಭ್ಯೋಽಸಾಧಕೇಭ್ಯಃ ಕದಾಚನ || ೬ ||
ಪುತ್ರೇಭ್ಯಃ ಕಿಮಥಾನ್ಯೇಭ್ಯೋ ದದ್ಯಾಚ್ಚೇನ್ಮೃತ್ಯುಮಾಪ್ನುಯಾತ್ |
ಋಷಿಸ್ತು ಕವಚಸ್ಯಾಸ್ಯ ದಕ್ಷಿಣಾಮೂರ್ತಿರೇವ ಚ || ೭ ||
ವಿರಾಟ್ ಛಂದೋ ಜಗದ್ಧಾತ್ರೀ ದೇವತಾ ಬಾಲಭೈರವೀ |
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ || ೮ ||
ಅಧರೋ ಬಿಂದುಮಾನಾದ್ಯಃ ಕಾಮಃ ಶಕ್ತಿಶಶೀಯುತಃ |
ಭೃಗುರ್ಮನುಸ್ವರಯುತಃ ಸರ್ಗೋ ಬೀಜತ್ರಯಾತ್ಮಕಃ || ೯ ||
ಬಾಲೈಷಾ ಮೇ ಶಿರಃ ಪಾತು ಬಿಂದುನಾದಯುತಾಪಿ ಸಾ |
ಭಾಲಂ ಪಾತು ಕುಮಾರೀಶಾ ಸರ್ಗಹೀನಾ ಕುಮಾರಿಕಾ || ೧೦ ||
ದೃಶೌ ಪಾತು ಚ ವಾಗ್ಬೀಜಂ ಕರ್ಣಯುಗ್ಮಂ ಸದಾವತು |
ಕಾಮಬೀಜಂ ಸದಾ ಪಾತು ಘ್ರಾಣಯುಗ್ಮಂ ಪರಾವತು || ೧೧ ||
ಸರಸ್ವತೀಪ್ರದಾ ಬಾಲಾ ಜಿಹ್ವಾಂ ಪಾತು ಶುಚಿಪ್ರಭಾ |
ಹಸ್ರೈಂ ಕಂಠಂ ಹಸಕಲರೀಂ ಸ್ಕಂಧೌ ಪಾತು ಹಸ್ರೌ ಭುಜೌ || ೧೨ ||
ಪಂಚಮೀ ಭೈರವೀ ಪಾತು ಕರೌ ಹಸೈಂ ಸದಾವತು |
ಹೃದಯಂ ಹಸಕಲೀಂ ವಕ್ಷಃ ಪಾತು ಹಸೌಃ ಸ್ತನೌ ಮಮ || ೧೩ ||
ಪಾತು ಸಾ ಭೈರವೀ ದೇವೀ ಚೈತನ್ಯರೂಪಿಣೀ ಮಮ |
ಹಸ್ರೈಂ ಪಾತು ಸದಾ ಪಾರ್ಶ್ವಯುಗ್ಮಂ ಹಸಕಲರೀಂ ಸದಾ || ೧೪ ||
ಕುಕ್ಷಿಂ ಪಾತು ಹಸೌರ್ಮಧ್ಯೇ ಭೈರವೀ ಭುವಿ ದುರ್ಲಭಾ |
ಐಂ ಈಂ ಓಂ ವಂ ಮಧ್ಯದೇಶಂ ಬೀಜವಿದ್ಯಾ ಸದಾವತು || ೧೫ ||
ಹಸ್ರೈಂ ಪೃಷ್ಠಂ ಸದಾ ಪಾತು ನಾಭಿಂ ಹಸಕಲಹ್ರೀಂ ಸದಾ |
ಪಾತು ಹಸೌಂ ಕರೌ ಪಾತು ಷಟ್ಕೂಟಾ ಭೈರವೀ ಮಮ || ೧೬ ||
ಸಹಸ್ರೈಂ ಸಕ್ಥಿನೀ ಪಾತು ಸಹಸಕಲರೀಂ ಸದಾವತು |
ಗುಹ್ಯದೇಶಂ ಹಸ್ರೌಂ ಪಾತು ಜಾನುನೀ ಭೈರವೀ ಮಮ || ೧೭ ||
ಸಂಪತ್ಪ್ರದಾ ಸದಾ ಪಾತು ಹೈಂ ಜಂಘೇ ಹಸಕ್ಲೀಂ ಪದೌ |
ಪಾತು ಹಂಸೌಃ ಸರ್ವದೇಹಂ ಭೈರವೀ ಸರ್ವದಾವತು || ೧೮ ||
ಹಸೈಂ ಮಾಮವತು ಪ್ರಾಚ್ಯಾಂ ಹರಕ್ಲೀಂ ಪಾವಕೇಽವತು |
ಹಸೌಂ ಮೇ ದಕ್ಷಿಣೇ ಪಾತು ಭೈರವೀ ಚಕ್ರಸಂಸ್ಥಿತಾ || ೧೯ ||
ಹ್ರೀಂ ಕ್ಲೀಂ ಲ್ವೇಂ ಮಾಂ ಸದಾ ಪಾತು ನಿರೃತ್ಯಾಂ ಚಕ್ರಭೈರವೀ |
ಕ್ರೀಂ ಕ್ರೀಂ ಕ್ರೀಂ ಪಾತು ವಾಯವ್ಯೇ ಹೂಂ ಹೂಂ ಪಾತು ಸದೋತ್ತರೇ || ೨೦ ||
ಹ್ರೀಂ ಹ್ರೀಂ ಪಾತು ಸದೈಶಾನ್ಯೇ ದಕ್ಷಿಣೇ ಕಾಲಿಕಾವತು |
ಊರ್ಧ್ವಂ ಪ್ರಾಗುಕ್ತಬೀಜಾನಿ ರಕ್ಷಂತು ಮಾಮಧಃ ಸ್ಥಲೇ || ೨೧ ||
ದಿಗ್ವಿದಿಕ್ಷು ಸ್ವಾಹಾ ಪಾತು ಕಾಲಿಕಾ ಖಡ್ಗಧಾರಿಣೀ |
ಓಂ ಹ್ರೀಂ ಸ್ತ್ರೀಂ ಹೂಂ ಫಟ್ ಸಾ ತಾರಾ ಸರ್ವತ್ರ ಮಾಂ ಸದಾವತು || ೨೨ ||
ಸಂಗ್ರಾಮೇ ಕಾನನೇ ದುರ್ಗೇ ತೋಯೇ ತರಂಗದುಸ್ತರೇ |
ಖಡ್ಗಕರ್ತ್ರಿಧರಾ ಸೋಗ್ರಾ ಸದಾ ಮಾಂ ಪರಿರಕ್ಷತು || ೨೩ ||
ಇತಿ ತೇ ಕಥಿತಂ ದೇವಿ ಸಾರಾತ್ಸಾರತರಂ ಮಹತ್ |
ತ್ರೈಲೋಕ್ಯವಿಜಯಂ ನಾಮ ಕವಚಂ ಪರಮಾದ್ಭುತಮ್ || ೨೪ ||
ಯಃ ಪಠೇತ್ಪ್ರಯತೋ ಭೂತ್ವಾ ಪೂಜಾಯಾಃ ಫಲಮಾಪ್ನುಯಾತ್ |
ಸ್ಪರ್ಧಾಮೂದ್ಧೂಯ ಭವನೇ ಲಕ್ಷ್ಮೀರ್ವಾಣೀ ವಸೇತ್ತತಃ || ೨೫ ||
ಯಃ ಶತ್ರುಭೀತೋ ರಣಕಾತರೋ ವಾ
ಭೀತೋ ವನೇ ವಾ ಸಲಿಲಾಲಯೇ ವಾ |
ವಾದೇ ಸಭಾಯಾಂ ಪ್ರತಿವಾದಿನೋ ವಾ
ರಕ್ಷಃಪ್ರಕೋಪಾದ್ಗ್ರಹಸಕುಲಾದ್ವಾ || ೨೬ ||
ಪ್ರಚಂಡದಂಡಾಕ್ಷಮನಾಚ್ಚ ಭೀತೋ
ಗುರೋಃ ಪ್ರಕೋಪಾದಪಿ ಕೃಚ್ಛ್ರಸಾಧ್ಯಾತ್ |
ಅಭ್ಯರ್ಚ್ಯ ದೇವೀಂ ಪ್ರಪಠೇತ್ತ್ರಿಸಂಧ್ಯಂ
ಸ ಸ್ಯಾನ್ಮಹೇಶಪ್ರತಿಮೋ ಜಯೀ ಚ || ೨೭ ||
ತ್ರೈಲೋಕ್ಯವಿಜಯಂ ನಾಮ ಕವಚಂ ಮನ್ಮುಖೋದಿತಮ್ |
ವಿಲಿಖ್ಯ ಭೂರ್ಜಗುಟಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ || ೨೮ ||
ಕಂಠೇ ವಾ ದಕ್ಷಿಣೇ ಬಾಹೌ ತ್ರೈಲೋಕ್ಯವಿಜಯೀ ಭವೇತ್ |
ತದ್ಗಾತ್ರಂ ಪ್ರಾಪ್ಯ ಶಸ್ತ್ರಾಣಿ ಭವಂತಿ ಕುಸುಮಾನಿ ಚ || ೨೯ ||
ಲಕ್ಷ್ಮೀಃ ಸರಸ್ವತೀ ತಸ್ಯ ನಿವಸೇದ್ಭವನೇ ಮುಖೇ |
ಏತತ್ಕವಚಮಜ್ಞಾತ್ವಾ ಯೋ ಜಪೇದ್ಭೈರವೀಂ ಪರಾಮ್ |
ಬಾಲಾಂ ವಾ ಪ್ರಜಪೇದ್ವಿದ್ವಾನ್ದರಿದ್ರೋ ಮೃತ್ಯುಮಾಪ್ನುಯಾತ್ || ೩೦ ||
ಇತಿ ಶ್ರೀರುದ್ರಯಾಮಲೇ ದೇವೀಶ್ವರಸಂವಾದೇ ತ್ರೈಲೋಕ್ಯವಿಜಯಂ ನಾಮ ಭೈರವೀ ಕವಚಂ ಸಮಾಪ್ತಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
