Read in తెలుగు / ಕನ್ನಡ / தமிழ் / देवनागरी / English (IAST)
śrī dēvyuvāca |
bhairavyāḥ sakalā vidyāḥ śrutāścādhigatā mayā |
sāmprataṁ śrōtumicchāmi kavacaṁ yatpurōditam || 1 ||
trailōkyavijayaṁ nāma śastrāstravinivāraṇam |
tvattaḥ paratarō nātha kaḥ kr̥pāṁ kartumarhati || 2 ||
īśvara uvāca |
śr̥ṇu pārvati vakṣyāmi sundari prāṇavallabhē |
trailōkyavijayaṁ nāma śastrāstravinivārakam || 3 ||
paṭhitvā dhārayitvēdaṁ trailōkyavijayī bhavēt |
jaghāna sakalāndaityānyaddhr̥tvā madhusūdanaḥ || 4 ||
brahmā sr̥ṣṭiṁ vitanutē yaddhr̥tvābhīṣṭadāyakam |
dhanādhipaḥ kubērō:’pi vāsavastridaśēśvaraḥ || 5 ||
yasya prasādādīśō:’haṁ trailōkyavijayī vibhuḥ |
na dēyaṁ paraśiṣyēbhyō:’sādhakēbhyaḥ kadācana || 6 ||
putrēbhyaḥ kimathānyēbhyō dadyāccēnmr̥tyumāpnuyāt |
r̥ṣistu kavacasyāsya dakṣiṇāmūrtirēva ca || 7 ||
virāṭ chandō jagaddhātrī dēvatā bālabhairavī |
dharmārthakāmamōkṣēṣu viniyōgaḥ prakīrtitaḥ || 8 ||
adharō bindumānādyaḥ kāmaḥ śaktiśaśīyutaḥ |
bhr̥gurmanusvarayutaḥ sargō bījatrayātmakaḥ || 9 ||
bālaiṣā mē śiraḥ pātu bindunādayutāpi sā |
bhālaṁ pātu kumārīśā sargahīnā kumārikā || 10 ||
dr̥śau pātu ca vāgbījaṁ karṇayugmaṁ sadāvatu |
kāmabījaṁ sadā pātu ghrāṇayugmaṁ parāvatu || 11 ||
sarasvatīpradā bālā jihvāṁ pātu śuciprabhā |
hasraiṁ kaṇṭhaṁ hasakalarīṁ skandhau pātu hasrau bhujau || 12 ||
pañcamī bhairavī pātu karau hasaiṁ sadāvatu |
hr̥dayaṁ hasakalīṁ vakṣaḥ pātu hasauḥ stanau mama || 13 ||
pātu sā bhairavī dēvī caitanyarūpiṇī mama |
hasraiṁ pātu sadā pārśvayugmaṁ hasakalarīṁ sadā || 14 ||
kukṣiṁ pātu hasaurmadhyē bhairavī bhuvi durlabhā |
aiṁ īṁ ōṁ vaṁ madhyadēśaṁ bījavidyā sadāvatu || 15 ||
hasraiṁ pr̥ṣṭhaṁ sadā pātu nābhiṁ hasakalahrīṁ sadā |
pātu hasauṁ karau pātu ṣaṭkūṭā bhairavī mama || 16 ||
sahasraiṁ sakthinī pātu sahasakalarīṁ sadāvatu |
guhyadēśaṁ hasrauṁ pātu jānunī bhairavī mama || 17 ||
sampatpradā sadā pātu haiṁ jaṅghē hasaklīṁ padau |
pātu haṁsauḥ sarvadēhaṁ bhairavī sarvadāvatu || 18 ||
hasaiṁ māmavatu prācyāṁ haraklīṁ pāvakē:’vatu |
hasauṁ mē dakṣiṇē pātu bhairavī cakrasaṁsthitā || 19 ||
hrīṁ klīṁ lvēṁ māṁ sadā pātu nirr̥tyāṁ cakrabhairavī |
krīṁ krīṁ krīṁ pātu vāyavyē hūṁ hūṁ pātu sadōttarē || 20 ||
hrīṁ hrīṁ pātu sadaiśānyē dakṣiṇē kālikāvatu |
ūrdhvaṁ prāguktabījāni rakṣantu māmadhaḥ sthalē || 21 ||
digvidikṣu svāhā pātu kālikā khaḍgadhāriṇī |
ōṁ hrīṁ strīṁ hūṁ phaṭ sā tārā sarvatra māṁ sadāvatu || 22 ||
saṅgrāmē kānanē durgē tōyē taraṅgadustarē |
khaḍgakartridharā sōgrā sadā māṁ parirakṣatu || 23 ||
iti tē kathitaṁ dēvi sārātsārataraṁ mahat |
trailōkyavijayaṁ nāma kavacaṁ paramādbhutam || 24 ||
yaḥ paṭhētprayatō bhūtvā pūjāyāḥ phalamāpnuyāt |
spardhāmūddhūya bhavanē lakṣmīrvāṇī vasēttataḥ || 25 ||
yaḥ śatrubhītō raṇakātarō vā
bhītō vanē vā salilālayē vā |
vādē sabhāyāṁ prativādinō vā
rakṣaḥprakōpādgrahasakulādvā || 26 ||
pracaṇḍadaṇḍākṣamanācca bhītō
gurōḥ prakōpādapi kr̥cchrasādhyāt |
abhyarcya dēvīṁ prapaṭhēttrisandhyaṁ
sa syānmahēśapratimō jayī ca || 27 ||
trailōkyavijayaṁ nāma kavacaṁ manmukhōditam |
vilikhya bhūrjaguṭikāṁ svarṇasthāṁ dhārayēdyadi || 28 ||
kaṇṭhē vā dakṣiṇē bāhau trailōkyavijayī bhavēt |
tadgātraṁ prāpya śastrāṇi bhavanti kusumāni ca || 29 ||
lakṣmīḥ sarasvatī tasya nivasēdbhavanē mukhē |
ētatkavacamajñātvā yō japēdbhairavīṁ parām |
bālāṁ vā prajapēdvidvāndaridrō mr̥tyumāpnuyāt || 30 ||
iti śrīrudrayāmalē dēvīśvarasaṁvādē trailōkyavijayaṁ nāma bhairavī kavacaṁ samāptam |
See more daśamahāvidyā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
