Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಭೈರವ ಉವಾಚ |
ಅಧುನಾ ತೇ ಪ್ರವಕ್ಷ್ಯಾಮಿ ಕವಚಂ ಮಂತ್ರವಿಗ್ರಹಮ್ |
ತ್ರೈಲೋಕ್ಯವಿಜಯಂ ನಾಮ ರಹಸ್ಯಂ ದೇವದುರ್ಲಭಮ್ || ೧ ||
ಶ್ರೀದೇವ್ಯುವಾಚ |
ಯಾ ದೇವೀ ತ್ರ್ಯಕ್ಷರೀ ಬಾಲಾ ಚಿತ್ಕಲಾ ಶ್ರೀಸರಸ್ವತೀ |
ಮಹಾವಿದ್ಯೇಶ್ವರೀ ನಿತ್ಯಾ ಮಹಾತ್ರಿಪುರಸುಂದರೀ || ೨ ||
ತಸ್ಯಾಃ ಕವಚಮೀಶಾನ ಮಂತ್ರಗರ್ಭಂ ಪರಾತ್ಮಕಮ್ |
ತ್ರೈಲೋಕ್ಯವಿಜಯಂ ನಾಮ ಶ್ರೋತುಮಿಚ್ಛಾಮಿ ತತ್ತ್ವತಃ || ೩ ||
ಶ್ರೀಭೈರವ ಉವಾಚ |
ದೇವದೇವಿ ಮಹಾದೇವಿ ಬಾಲಾಕವಚಮುತ್ತಮಮ್ |
ಮಂತ್ರಗರ್ಭಂ ಪರಂ ತತ್ತ್ವಂ ಲಕ್ಷ್ಮೀಸಂವರ್ಧನಂ ಪರಮ್ || ೪ ||
ಸರ್ವಸ್ವಂ ಮೇ ರಹಸ್ಯಂ ತು ಗುಹ್ಯಂ ತ್ರಿದಶಗೋಪಿತಮ್ |
ಪ್ರವಕ್ಷ್ಯಾಮಿ ತವ ಸ್ನೇಹಾನ್ನಾಖ್ಯೇಯಂ ಯಸ್ಯ ಕಸ್ಯಚಿತ್ || ೫ ||
ಯದ್ಧೃತ್ವಾ ಕವಚಂ ದೇವ್ಯಾ ಮಾತೃಕಾಕ್ಷರಮಂಡಿತಮ್ |
ನಾರಾಯಣೋಽಪಿ ದೈತ್ಯೇಂದ್ರಾನ್ ಜಘಾನ ರಣಮಂಡಲೇ || ೬ ||
ತ್ರ್ಯಂಬಕಂ ಕಾಮದೇವೋಽಪಿ ಬಲಂ ಶಕ್ರೋ ಜಘಾನ ಹಿ |
ಕುಮಾರಸ್ತಾರಕಂ ದೈತ್ಯಮಂಧಕಂ ಚಂದ್ರಶೇಖರಃ || ೭ ||
ಅವಧೀದ್ರಾವಣಂ ರಾಮೋ ವಾತಾಪಿಂ ಕುಂಭಸಂಭವಃ |
ಕವಚಸ್ಯಾಸ್ಯ ದೇವೇಶಿ ಧಾರಣಾತ್ಪಠನಾದಪಿ || ೮ ||
ಸ್ರಷ್ಟಾ ಪ್ರಜಾಪತಿರ್ಬ್ರಹ್ಮಾ ವಿಷ್ಣುಸ್ತ್ರೈಲೋಕ್ಯಪಾಲಕಃ |
ಶಿವೋಽಣಿಮಾದಿಸಿದ್ಧೀಶೋ ಮಘವಾನ್ ದೇವನಾಯಕಃ || ೯ ||
ಸೂರ್ಯಸ್ತೇಜೋನಿಧಿರ್ದೇವಿ ಚಂದ್ರಸ್ತಾರಾಧಿಪಃ ಸ್ಥಿತಃ |
ವಹ್ನಿರ್ಮಹೋರ್ಮಿನಿಲಯೋ ವರುಣೋಽಪಿ ದಿಶಾಂ ಪತಿಃ || ೧೦ ||
ಸಮೀರೋ ಬಲವಾಂಲ್ಲೋಕೇ ಯಮೋ ಧರ್ಮನಿಧಿಃ ಸ್ಮೃತಃ |
ಕುಬೇರೋ ನಿಧಿನಾಥೋಽಸ್ತಿ ನೈರೃತಿಃ ಸರ್ವರಾಕ್ಷಸಾಮ್ || ೧೧ ||
ಈಶ್ವರಃ ಶಂಕರೋ ರುದ್ರೋ ದೇವಿ ರತ್ನಾಕರೋಽಂಬುಧಿಃ |
ಅಸ್ಯ ಸ್ಮರಣಮಾತ್ರೇಣ ಕುಲೇ ತಸ್ಯ ಕುಲೇಶ್ವರಿ || ೧೨ ||
ಆಯುಃ ಕೀರ್ತಿಃ ಪ್ರಭಾ ಲಕ್ಷ್ಮೀರ್ವೃದ್ಧಿರ್ಭವತಿ ಸಂತತಮ್ |
ಕವಚಂ ಸುಭಗಂ ದೇವಿ ಬಾಲಾಯಾಃ ಕೌಲಿಕೇಶ್ವರಿ || ೧೩ ||
ಋಷಿಃ ಸ್ಯಾದ್ದಕ್ಷಿಣಾಮೂರ್ತಿಃ ಪಂಕ್ತಿಶ್ಛಂದ ಉದಾಹೃತಃ |
ಬಾಲಾ ಸರಸ್ವತೀ ದೇವಿ ದೇವತಾ ತ್ರ್ಯಕ್ಷರೀ ಸ್ಮೃತಾ || ೧೪ ||
ಬೀಜಂ ತು ವಾಗ್ಭವಂ ಪ್ರೋಕ್ತಂ ಶಕ್ತಿಃ ಶಕ್ತಿರುದಾಹೃತಾ |
ಕೀಲಕಂ ಕಾಮರಾಜಂ ತು ಫಡಾಶಾಬಂಧನಂ ತಥಾ |
ಭೋಗಾಪವರ್ಗಸಿದ್ಧ್ಯರ್ಥಂ ವಿನಿಯೋಗಃ ಪ್ರಕೀರ್ತಿತಃ || ೧೫ ||
ಅಕುಲಕುಲಮಯಂತೀ ಚಕ್ರಮಧ್ಯೇ ಸ್ಫುರಂತೀ
ಮಧುರಮಧು ಪಿಬಂತೀ ಕಂಟಕಾನ್ ಭಕ್ಷಯಂತೀ |
ದುರಿತಮಪಹರಂತೀ ಸಾಧಕಾನ್ ಪೋಷಯಂತೀ
ಜಯತು ಜಯತು ಬಾಲಾ ಸುಂದರೀ ಕ್ರೀಡಯಂತೀ || ೧೬ ||
ಐಂ ಬೀಜಂ ಮೇ ಶಿರಃ ಪಾತು ಕ್ಲೀಂ ಬೀಜಂ ಭ್ರುಕುಟೀಂ ಮಮ |
ಸೌಃ ಫಾಲಂ ಪಾತು ಮೇ ಬಾಲಾ ಐಂ ಕ್ಲೀಂ ಸೌಃ ನಯನೇ ಮಮ || ೧೭ ||
ಅಂ ಆಂ ಇಂ ಈಂ ಶ್ರುತೀ ಪಾತು ಬಾಲಾ ಕಾಮೇಶ್ವರೀ ಮಮ |
ಉಂ ಊಂ ಋಂ ೠಂ ಸದಾ ಪಾತು ಮಮ ನಾಸಾಪುಟದ್ವಯಮ್ || ೧೮ ||
ಲುಂ* ಲೂಂ* ಏಂ ಐಂ ಪಾತು ಗಂಡೌ ಐಂ ಕ್ಲೀಂ ಸೌಃ ತ್ರಿಪುರಾಂಬಿಕಾ |
ಓಂ ಔಂ ಅಂ ಅಃ ಮುಖಂ ಪಾತು ಕ್ಲೀಂ ಐಂ ಸೌಃ ತ್ರಿಪುರೇಶ್ವರೀ || ೧೯ ||
ಕಂ ಖಂ ಗಂ ಘಂ ಙಂ ಕರೌ ಮೇ ಸೌಃ ಐಂ ಕ್ಲೀಂ ಶತ್ರುಮರ್ದಿನೀ |
ಚಂ ಛಂ ಜಂ ಝಂ ಞಂ ಪಾತು ಮೇ ಕುಕ್ಷಿಂ ಐಂ ಕುಲನಾಯಿಕಾ || ೨೦ ||
ಟಂ ಠಂ ಡಂ ಢಂ ಣಂ ಮೇ ಪಾತು ವಕ್ಷಃ ಕ್ಲೀಂ ಭಗಮಾಲಿನೀ |
ತಂ ಥಂ ದಂ ಧಂ ನಂ ಮೇ ಪಾತು ಬಾಹೂ ಸೌಃ ಜಯದಾಯಿನೀ || ೨೧ ||
ಪಂ ಫಂ ಬಂ ಭಂ ಮಂ ಮೇ ಪಾತು ಪಾರ್ಶ್ವೌ ಪರಮಸುಂದರೀ |
ಯಂ ರಂ ಲಂ ವಂ ಪಾತು ಪೃಷ್ಠಂ ಐಂ ಕ್ಲೀಂ ಸೌಃ ವಿಶ್ವಮಾತೃಕಾ || ೨೨ ||
ಶಂ ಷಂ ಸಂ ಹಂ ಪಾತು ನಾಭಿಂ ಭಗವತ್ಯಮೃತೇಶ್ವರೀ |
ಳಂ ಕ್ಷಂ ಕಟಿಂ ಸದಾ ಪಾತು ಕ್ಲೀಂ ಕ್ಲೀಂ ಕ್ಲೀಂ ಮಾತೃಕೇಶ್ವರೀ || ೨೩ ||
ಐಂ ಐಂ ಐಂ ಪಾತು ಮೇ ಲಿಂಗಂ ಭಗಂ ಮೇ ಭಗಗರ್ಭಿಣೀ |
ಸೌಃ ಸೌಃ ಸೌಃ ಪಾತು ಮೇ ಊರೂ ವೀರಮಾತಾಽಷ್ಟಸಿದ್ಧಿದಾ || ೨೪ ||
ಸೌಃ ಐಂ ಕ್ಲೀಂ ಜಾನೂ ಮೇ ಪಾತು ಮಹಾಮುದ್ರಾಭಿಮುದ್ರಿತಾ |
ಸೌಃ ಕ್ಲೀಂ ಐಂ ಪಾತು ಮೇ ಜಂಘೇ ಬಾಲಾ ತ್ರಿಭುವನೇಶ್ವರೀ || ೨೫ ||
ಕ್ಲೀಂ ಐಂ ಸೌಃ ಪಾತು ಗುಲ್ಫೌ ಮೇ ತ್ರೈಲೋಕ್ಯವಿಜಯಪ್ರದಾ |
ಐಂ ಕ್ಲೀಂ ಸೌಃ ಪಾತು ಮೇ ಪಾದೌ ಬಾಲಾ ತ್ರ್ಯಕ್ಷರರೂಪಿಣೀ || ೨೬ ||
ಶೀರ್ಷಾದಿಪಾದಪರ್ಯಂತಂ ಸರ್ವಾವಯವಸಂಯುತಮ್ |
ಪಾಯಾತ್ಪಾದಾದಿ ಶೀರ್ಷಾಂತಂ ಐಂ ಕ್ಲೀಂ ಸೌಃ ಸಕಲಂ ವಪುಃ || ೨೭ ||
ಬ್ರಾಹ್ಮೀ ಮಾಂ ಪೂರ್ವತಃ ಪಾತು ವಹ್ನೌ ವಾರಾಹಿಕಾಽವತು |
ಮಾಹೇಶ್ವರೀ ದಕ್ಷಿಣೇ ಚ ಇಂದ್ರಾಣೀ ಪಾತು ನೈರೃತೌ || ೨೮ ||
ಪಶ್ಚಿಮೇ ಪಾತು ಕೌಮಾರೀ ವಾಯವ್ಯೇ ಚಂಡಿಕಾಽವತು |
ವೈಷ್ಣವೀ ಪಾತು ಕೌಬೇರ್ಯಾಂ ಈಶಾನ್ಯಾಂ ನಾರಸಿಂಹಕಾ || ೨೯ ||
ಪ್ರಭಾತೇ ಭೈರವೀ ಪಾತು ಮಧ್ಯಾಹ್ನೇ ಯೋಗಿನೀ ತಥಾ |
ಸಾಯಾಹ್ನೇ ವಟುಕಾ ಪಾತು ಅರ್ಧರಾತ್ರೇ ಶಿವೋಽವತು || ೩೦ ||
ನಿಶಾಂತೇ ಸರ್ವಗಾ ಪಾತು ಸರ್ವದಾ ಚಕ್ರನಾಯಿಕಾ |
ರಣೇ ನಾಗಕುಲೇ ದ್ಯೂತೇ ವಿವಾದೇ ಶತ್ರುಸಂಕಟೇ || ೩೧ ||
ಸರ್ವತ್ರ ಸರ್ವದಾ ಪಾತು ಐಂ ಕ್ಲೀಂ ಸೌಃ ಬೀಜಭೂಷಿತಾ || ೩೨ ||
ಇತೀದಂ ಕವಚಂ ದಿವ್ಯಂ ಬಾಲಾಯಾಃ ಸಾರಮುತ್ತಮಮ್ |
ಮಂತ್ರವಿದ್ಯಾಮಯಂ ತತ್ತ್ವಂ ಮಾತೃಕಾಕ್ಷರಭೂಷಿತಮ್ || ೩೩ ||
ಬ್ರಹ್ಮವಿದ್ಯಾಮಯಂ ಬ್ರಹ್ಮಸಾಧನಂ ಮಂತ್ರಸಾಧನಮ್ |
ಯಃ ಪಠೇತ್ಸತತಂ ಭಕ್ತ್ಯಾ ಧಾರಯೇದ್ವಾ ಮಹೇಶ್ವರಿ || ೩೪ ||
ತಸ್ಯ ಸರ್ವಾರ್ಥಸಿದ್ಧಿಃ ಸ್ಯಾತ್ಸಾಧಕಸ್ಯ ನ ಸಂಶಯಃ |
ರವೌ ಭೂರ್ಜೇ ಲಿಖಿತ್ವೇದಂ ಅರ್ಚಯೇದ್ಧಾರಯೇತ್ತತಃ || ೩೫ ||
ವಂಧ್ಯಾಪಿ ಕಾಕವಂಧ್ಯಾಪಿ ಮೃತವತ್ಸಾಪಿ ಪಾರ್ವತಿ |
ಲಭೇತ್ಪುತ್ರಾನ್ ಮಹಾವೀರಾನ್ ಮಾರ್ಕಂಡೇಯಸಮಾಯುಷಃ || ೩೬ ||
ವಿತ್ತಂ ದರಿದ್ರೋ ಲಭತೇ ಮತಿಮಾನಯಶಃಸ್ತ್ರಿಯಃ |
ಯ ಏತದ್ಧಾರಯೇದ್ವರ್ಮ ಸಂಗ್ರಾಮೇ ಸ ರಿಪೂನ್ ಜಯೇತ್ || ೩೭ ||
ಜಿತ್ವಾ ವೈರಿಕುಲಂ ಘೋರಂ ಕಲ್ಯಾಣಂ ಗೃಹಮಾವಿಶೇತ್ |
ಬಾಹೌ ಕಂಠೇ ತಥಾ ದೇವಿ ಧಾರಯೇನ್ಮೂರ್ಧ್ನಿ ಸಂತತಮ್ || ೩೮ ||
ಇಹ ಲೋಕೇ ಧನಾರೋಗ್ಯಂ ಪರಮಾಯುರ್ಯಶಃ ಶ್ರಿಯಮ್ |
ಪ್ರಾಪ್ಯ ಭಕ್ತ್ಯಾ ನರೋ ಭೋಗಾನಂತೇ ಯಾತಿ ಪರಂ ಪದಮ್ || ೩೯ ||
ಇದಂ ರಹಸ್ಯಂ ಪರಮಂ ಸರ್ವತಸ್ತೂತ್ತಮೋತ್ತಮಮ್ |
ಗುಹ್ಯಾದ್ಗುಹ್ಯಮಿಮಂ ನಿತ್ಯಂ ಗೋಪನೀಯಂ ಸ್ವಯೋನಿವತ್ || ೪೦ ||
ಇತಿ ಶ್ರೀರುದ್ರಯಾಮಲೇ ಶ್ರೀ ಬಾಲಾ ತ್ರೈಲೋಕ್ಯವಿಜಯ ಕವಚಮ್ ||
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
