Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರಿಯಃಕಾಂತಾಯ ಕಳ್ಯಾಣನಿಧಯೇ ನಿಧಯೇಽರ್ಥಿನಾಮ್ |
ಶ್ರೀಶೇಷಶಾಯಿನೇ ಅನಂತಪದ್ಮನಾಭಾಯ ಮಂಗಳಮ್ || ೧ ||
ಸ್ಯಾನಂದೂರಪುರೀಭಾಗ್ಯಭವ್ಯರೂಪಾಯ ವಿಷ್ಣವೇ |
ಆನಂದಸಿಂಧವೇ ಅನಂತಪದ್ಮನಾಭಾಯ ಮಂಗಳಮ್ || ೨ ||
ಹೇಮಕೂಟವಿಮಾನಾಂತಃ ಭ್ರಾಜಮಾನಾಯ ಹಾರಿಣೇ |
ಹರಿಲಕ್ಷ್ಮೀಸಮೇತಾಯ ಪದ್ಮನಾಭಾಯ ಮಂಗಳಮ್ || ೩ ||
ಶ್ರೀವೈಕುಂಠವಿರಕ್ತಾಯ ಶಂಖತೀರ್ಥಾಂಬುಧೇಃ ತಟೇ |
ರಮಯಾ ರಮಮಾಣಾಯ ಪದ್ಮನಾಭಾಯ ಮಂಗಳಮ್ || ೪ ||
ಅಶೇಷ ಚಿದಚಿದ್ವಸ್ತುಶೇಷಿಣೇ ಶೇಷಶಾಯಿನೇ |
ಅಶೇಷದಾಯಿನೇ ಅನಂತಪದ್ಮನಾಭಾಯ ಮಂಗಳಮ್ || ೫ ||
ಯತ್ಪದಂ ಪರಮಂ ಸೇವ್ಯಂ ಸದಾ ಪಶ್ಯಂತಿ ಸೂರಯಃ |
ಸೇನಾಪತಿಮುಖಾಸ್ತಸ್ಮೈ ಪದ್ಮನಾಭಾಯ ಮಂಗಳಮ್ || ೬ ||
ಚುತುರ್ಮುಖೇಶ್ವರಮುಖೈಃ ಪುತ್ರಪೌತ್ರಾದಿಶಾಲಿನೇ |
ಸಮಸ್ತಪರಿವಾರಾಯ ಪದ್ಮನಾಭಾಯ ಮಂಗಳಮ್ || ೭ ||
ದಿವಾಕರಯತೀಶಾನಯೋಗಿಹೃತ್ಪದ್ಮಭಾನವೇ |
ಪರಸ್ಮೈ ಬ್ರಹ್ಮಣೇ ಅನಂತಪದ್ಮನಾಭಾಯ ಮಂಗಳಮ್ || ೮ ||
ಪರಾಂಕುಶಪ್ರಬಂಧೋಕ್ತಿಪ್ರಥಿತಾಯ ಪರಮಾತ್ಮನೇ |
ಪೂರ್ಣಾಯ ಮಹತೇ ಅನಂತಪದ್ಮನಾಭಾಯ ಮಂಗಳಮ್ || ೯ ||
ವಂಚಿಭೂಪಶಿರೋರತ್ನರಶ್ಮಿನೀರಾಜಿತಾಂಘ್ರಯೇ |
ವಾಂಛಿತಾಖಿಲದಾಯಾಸ್ತು ಪದ್ಮನಾಭಾಯ ಮಂಗಳಮ್ || ೧೦ ||
ಸರ್ವಾವಯವಸೌಂದರ್ಯ ಸೌವರ್ಣಸುಷಮಾ ಜುಷೇ |
ಸದಾ ಸಮ್ಮೋಹನಾಯಾಸ್ತು ಪದ್ಮನಾಭಾಯ ಮಂಗಳಮ್ || ೧೧ ||
ಯೋಗೇಶ್ವರಾಯ ಕೃಷ್ಣಾಯ ನರಸಿಂಹಾಯ ಯೋಗಿನೇ |
ಯೋಗಮುದ್ರಾಭಿರಾಮಾಯ ಪದ್ಮನಾಭಾಯ ಮಂಗಳಮ್ || ೧೨ ||
ಅನಂತಪುರನಾಥಾಯ ನಿರಂತರದಯಾಮುಚೇ |
ಅನಂತಪದ್ಮನಾಭಾಯ ನಿತ್ಯಶ್ರೀಃ ನಿತ್ಯಮಂಗಳಮ್ || ೧೩ ||
ಇತಿ ಶ್ರೀ ಅನಂತಪದ್ಮನಾಭ ಮಂಗಳ ಸ್ತೋತ್ರಮ್ |
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
