Shambhu Krutha Sri Rama Stava – ಶ್ರೀ ರಾಮ ಸ್ತವಃ (ಶಂಭು ಕೃತಂ)

ಸ್ತೋತ್ರನಿಧಿ → ಶ್ರೀ ರಾಮ ಸ್ತೋತ್ರಗಳು → ಶ್ರೀ ರಾಮ ಸ್ತವಃ (ಶಂಭು ಕೃತಂ)

ರಾಘವಂ ಕರುಣಾಕರಂ ಭವನಾಶನಂ ದುರಿತಾಪಹಂ
ಮಾಧವಂ ಖಗಗಾಮಿನಂ ಜಲರೂಪಿಣಂ ಪರಮೇಶ್ವರಮ್ |
ಪಾಲಕಂ ಜನತಾರಕಂ ಭವಹಾರಕಂ ರಿಪುಮಾರಕಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೧ ||

ಭೂಧವಂ ವನಮಾಲಿನಂ ಘನರೂಪಿಣಂ ಧರಣೀಧರಂ
ಶ್ರೀಹರಿಂ ತ್ರಿಗುಣಾತ್ಮಕಂ ತುಲಸೀಧವಂ ಮಧುರಸ್ವರಮ್ |
ಶ್ರೀಕರಂ ಶರಣಪ್ರದಂ ಮಧುಮಾರಕಂ ವ್ರಜಪಾಲಕಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೨ ||

ವಿಠ್ಠಲಂ ಮಥುರಾಸ್ಥಿತಂ ರಜಕಾಂತಕಂ ಗಜಮಾರಕಂ
ಸನ್ನುತಂ ಬಕಮಾರಕಂ ವೃಕಘಾತಕಂ ತುರಗಾರ್ದನಮ್ |
ನಂದಜಂ ವಸುದೇವಜಂ ಬಲಿಯಜ್ಞಗಂ ಸುರಪಾಲಕಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೩ ||

ಕೇಶವಂ ಕಪಿವೇಷ್ಟಿತಂ ಕಪಿಮಾರಕಂ ಮೃಗಮರ್ದಿನಂ
ಸುಂದರಂ ದ್ವಿಜಪಾಲಕಂ ದಿತಿಜಾರ್ದನಂ ದನುಜಾರ್ದನಮ್ |
ಬಾಲಕಂ ಖರಮರ್ದಿನಂ ಋಷಿಪೂಜಿತಂ ಮುನಿಚಿಂತಿತಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೪ ||

ಶಂಕರಂ ಜಲಶಾಯಿನಂ ಕುಶಬಾಲಕಂ ರಥವಾಹನಂ
ಸರಯೂನತಂ ಪ್ರಿಯಪುಷ್ಪಕಂ ಪ್ರಿಯಭೂಸುರಂ ಲವಬಾಲಕಮ್ |
ಶ್ರೀಧರಂ ಮಧುಸೂದನಂ ಭರತಾಗ್ರಜಂ ಗರುಡಧ್ವಜಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೫ ||

ಗೋಪ್ರಿಯಂ ಗುರುಪುತ್ರದಂ ವದತಾಂ ವರಂ ಕರುಣಾನಿಧಿಂ
ಭಕ್ತಪಂ ಜನತೋಷದಂ ಸುರಪೂಜಿತಂ ಶ್ರುತಿಭಿಃ ಸ್ತುತಮ್ |
ಭುಕ್ತಿದಂ ಜನಮುಕ್ತಿದಂ ಜನರಂಜನಂ ನೃಪನಂದನಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೬ ||

ಚಿದ್ಘನಂ ಚಿರಜೀವಿನಂ ಮಣಿಮಾಲಿನಂ ವರದೋನ್ಮುಖಂ
ಶ್ರೀಧರಂ ಧೃತಿದಾಯಕಂ ಬಲವರ್ಧನಂ ಗತಿದಾಯಕಮ್ |
ಶಾಂತಿದಂ ಜನತಾರಕಂ ಶರಧಾರಿಣಂ ಗಜಗಾಮಿನಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೭ ||

ಶಾರ್ಙ್ಗಿಣಂ ಕಮಲಾನನಂ ಕಮಲಾದೃಶಂ ಪದಪಂಕಜಂ
ಶ್ಯಾಮಲಂ ರವಿಭಾಸುರಂ ಶಶಿಸೌಖ್ಯದಂ ಕರುಣಾರ್ಣವಮ್ |
ಸತ್ಪತಿಂ ನೃಪಬಾಲಕಂ ನೃಪವಂದಿತಂ ನೃಪತಿಪ್ರಿಯಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೮ ||

ನಿರ್ಗುಣಂ ಸಗುಣಾತ್ಮಕಂ ನೃಪಮಂಡನಂ ಮತಿವರ್ಧನಂ
ಅಚ್ಯುತಂ ಪುರುಷೋತ್ತಮಂ ಪರಮೇಷ್ಠಿನಂ ಸ್ಮಿತಭಾಷಿಣಮ್ |
ಈಶ್ವರಂ ಹನುಮನ್ನುತಂ ಕಮಲಾಧಿಪಂ ಜನಸಾಕ್ಷಿಣಂ
ತ್ವಾಂ ಭಜೇ ಜಗದೀಶ್ವರಂ ನರರೂಪಿಣಂ ರಘುನಂದನಮ್ || ೯ ||

ಈಶ್ವರೋಕ್ತಮೇತದುತ್ತಮಾದರಾಚ್ಛತನಾಮಕಂ
ಯಃ ಪಠೇದ್ಭುವಿ ಮಾನವಸ್ತವ ಭಕ್ತಿಮಾಂಸ್ತಪನೋದಯೇ |
ತ್ವತ್ಪದಂ ನಿಜಬಂಧುದಾರಸುತೈರ್ಯುತಶ್ಚಿರಮೇತ್ಯ ನೋ
ಸೋಽಸ್ತು ತೇ ಪದಸೇವನೇ ಬಹುತತ್ಪರೋ ಮಮ ವಾಕ್ಯತಃ || ೧೦ ||

ಇತಿ ಶ್ರೀಶಂಭು ಕೃತ ಶ್ರೀರಾಮ ಸ್ತವಃ |

---

ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.