Shambhu Krutha Sri Rama Stava – ஶ்ரீ ராம ஸ்தவ꞉ (ஶம்பு க்ருதம்)


ராக⁴வம் கருணாகரம் ப⁴வநாஶநம் து³ரிதாபஹம்
மாத⁴வம் க²க³கா³மிநம் ஜலரூபிணம் பரமேஶ்வரம் ।
பாலகம் ஜநதாரகம் ப⁴வஹாரகம் ரிபுமாரகம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 1 ॥

பூ⁴த⁴வம் வநமாலிநம் க⁴நரூபிணம் த⁴ரணீத⁴ரம்
ஶ்ரீஹரிம் த்ரிகு³ணாத்மகம் துலஸீத⁴வம் மது⁴ரஸ்வரம் ।
ஶ்ரீகரம் ஶரணப்ரத³ம் மது⁴மாரகம் வ்ரஜபாலகம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 2 ॥

விட்²ட²லம் மது²ராஸ்தி²தம் ரஜகாந்தகம் க³ஜமாரகம்
ஸந்நுதம் ப³கமாரகம் வ்ருககா⁴தகம் துரகா³ர்த³நம் ।
நந்த³ஜம் வஸுதே³வஜம் ப³லியஜ்ஞக³ம் ஸுரபாலகம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 3 ॥

கேஶவம் கபிவேஷ்டிதம் கபிமாரகம் ம்ருக³மர்தி³நம்
ஸுந்த³ரம் த்³விஜபாலகம் தி³திஜார்த³நம் த³நுஜார்த³நம் ।
பா³லகம் க²ரமர்தி³நம் ருஷிபூஜிதம் முநிசிந்திதம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 4 ॥

ஶங்கரம் ஜலஶாயிநம் குஶபா³லகம் ரத²வாஹநம்
ஸரயூநதம் ப்ரியபுஷ்பகம் ப்ரியபூ⁴ஸுரம் லவபா³லகம் ।
ஶ்ரீத⁴ரம் மது⁴ஸூத³நம் ப⁴ரதாக்³ரஜம் க³ருட³த்⁴வஜம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 5 ॥

கோ³ப்ரியம் கு³ருபுத்ரத³ம் வத³தாம் வரம் கருணாநிதி⁴ம்
ப⁴க்தபம் ஜநதோஷத³ம் ஸுரபூஜிதம் ஶ்ருதிபி⁴꞉ ஸ்துதம் ।
பு⁴க்தித³ம் ஜநமுக்தித³ம் ஜநரஞ்ஜநம் ந்ருபநந்த³நம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 6 ॥

சித்³க⁴நம் சிரஜீவிநம் மணிமாலிநம் வரதோ³ந்முக²ம்
ஶ்ரீத⁴ரம் த்⁴ருதிதா³யகம் ப³லவர்த⁴நம் க³திதா³யகம் ।
ஶாந்தித³ம் ஜநதாரகம் ஶரதா⁴ரிணம் க³ஜகா³மிநம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 7 ॥

ஶார்ங்கி³ணம் கமலாநநம் கமலாத்³ருஶம் பத³பங்கஜம்
ஶ்யாமளம் ரவிபா⁴ஸுரம் ஶஶிஸௌக்²யத³ம் கருணார்ணவம் ।
ஸத்பதிம் ந்ருபபா³லகம் ந்ருபவந்தி³தம் ந்ருபதிப்ரியம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 8 ॥

நிர்கு³ணம் ஸகு³ணாத்மகம் ந்ருபமண்ட³நம் மதிவர்த⁴நம்
அச்யுதம் புருஷோத்தமம் பரமேஷ்டி²நம் ஸ்மிதபா⁴ஷிணம் ।
ஈஶ்வரம் ஹநுமந்நுதம் கமலாதி⁴பம் ஜநஸாக்ஷிணம்
த்வாம் ப⁴ஜே ஜக³தீ³ஶ்வரம் நரரூபிணம் ரகு⁴நந்த³நம் ॥ 9 ॥

ஈஶ்வரோக்தமேதது³த்தமாத³ராச்ச²தநாமகம்
ய꞉ படே²த்³பு⁴வி மாநவஸ்தவ ப⁴க்திமாம்ஸ்தபநோத³யே ।
த்வத்பத³ம் நிஜப³ந்து⁴தா³ரஸுதைர்யுதஶ்சிரமேத்ய நோ
ஸோ(அ)ஸ்து தே பத³ஸேவநே ப³ஹுதத்பரோ மம வாக்யத꞉ ॥ 10 ॥

இதி ஶ்ரீஶம்பு⁴ க்ருத ஶ்ரீராம ஸ்தவ꞉ ।


மேலும் ஶ்ரீ ராம ஸ்தோத்ரங்களை படிக்கவும்.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed