Read in తెలుగు / ಕನ್ನಡ / தமிழ் / देवनागरी / English (IAST)
ನಮೋ ಭೂತನಾಥಂ ನಮೋ ದೇವದೇವಂ
ನಮಃ ಕಾಲಕಾಲಂ ನಮೋ ದಿವ್ಯತೇಜಮ್ |
ನಮಃ ಕಾಮಭಸ್ಮಂ ನಮಃ ಶಾಂತಶೀಲಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೧ ||
ಸದಾ ತೀರ್ಥಸಿದ್ಧಂ ಸದಾ ಭಕ್ತರಕ್ಷಂ
ಸದಾ ಶೈವಪೂಜ್ಯಂ ಸದಾ ಶುಭ್ರಭಸ್ಮಮ್ |
ಸದಾ ಧ್ಯಾನಯುಕ್ತಂ ಸದಾ ಜ್ಞಾನತಲ್ಪಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೨ ||
ಶ್ಮಶಾನೇ ಶಯಾನಂ ಮಹಾಸ್ಥಾನವಾಸಂ
ಶರೀರಂ ಗಜಾನಾಂ ಸದಾ ಚರ್ಮವೇಷ್ಟಮ್ |
ಪಿಶಾಚಾದಿನಾಥಂ ಪಶೂನಾಂ ಪ್ರತಿಷ್ಠಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೩ ||
ಫಣೀನಾಗಕಂಠೇ ಭುಜಂಗಾದ್ಯನೇಕಂ
ಗಳೇ ರುಂಡಮಾಲಂ ಮಹಾವೀರ ಶೂರಮ್ |
ಕಟಿವ್ಯಾಘ್ರಚರ್ಮಂ ಚಿತಾಭಸ್ಮಲೇಪಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೪ ||
ಶಿರಃ ಶುದ್ಧಗಂಗಾ ಶಿವಾ ವಾಮಭಾಗಂ
ವಿಯದ್ದೀರ್ಘಕೇಶಂ ಸದಾ ಮಾಂ ತ್ರಿಣೇತ್ರಮ್ |
ಫಣೀನಾಗಕರ್ಣಂ ಸದಾ ಫಾಲಚಂದ್ರಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೫ ||
ಕರೇ ಶೂಲಧಾರಂ ಮಹಾಕಷ್ಟನಾಶಂ
ಸುರೇಶಂ ಪರೇಶಂ ಮಹೇಶಂ ಜನೇಶಮ್ |
ಧನೇಶಾಮರೇಶಂ ಧ್ವಜೇಶಂ ಗಿರೀಶಂ [ಧನೇಶಸ್ಯಮಿತ್ರಂ]
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೬ ||
ಉದಾಸಂ ಸುದಾಸಂ ಸುಕೈಲಾಸವಾಸಂ
ಧರಾನಿರ್ಝರೇ ಸಂಸ್ಥಿತಂ ಹ್ಯಾದಿದೇವಮ್ |
ಅಜಂ ಹೇಮಕಲ್ಪದ್ರುಮಂ ಕಲ್ಪಸೇವ್ಯಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೭ ||
ಮುನೀನಾಂ ವರೇಣ್ಯಂ ಗುಣಂ ರೂಪವರ್ಣಂ
ದ್ವಿಜೈಃ ಸಂಪಠಂತಂ ಶಿವಂ ವೇದಶಾಸ್ತ್ರಮ್ |
ಅಹೋ ದೀನವತ್ಸಂ ಕೃಪಾಲುಂ ಶಿವಂ ತಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೮ ||
ಸದಾ ಭಾವನಾಥಂ ಸದಾ ಸೇವ್ಯಮಾನಂ
ಸದಾ ಭಕ್ತಿದೇವಂ ಸದಾ ಪೂಜ್ಯಮಾನಮ್ |
ಮಹಾತೀರ್ಥವಾಸಂ ಸದಾ ಸೇವ್ಯಮೇಕಂ
ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೯ ||
ಇತಿ ಶ್ರೀಮಚ್ಛಂಕರಯೋಗೀಂದ್ರ ವಿರಚಿತಂ ಪಾರ್ವತೀವಲ್ಲಭಾಷ್ಟಕಂ ನಾಮ ನೀಲಕಂಠ ಸ್ತವಃ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
