Read in తెలుగు / ಕನ್ನಡ / தமிழ் / देवनागरी / English (IAST)
ಪರಶುರಾಮ ಉವಾಚ |
ಶ್ರೀಕೃಷ್ಣಸ್ಯ ಚ ಗೋಲೋಕೇ ಪರಿಪೂರ್ಣತಮಸ್ಯ ಚ |
ಆವಿರ್ಭೂತಾ ವಿಗ್ರಹತಃ ಪುರಾ ಸೃಷ್ಟ್ಯುನ್ಮುಖಸ್ಯ ಚ || ೧ ||
ಸೂರ್ಯಕೋಟಿಪ್ರಭಾಯುಕ್ತಾ ವಸ್ತ್ರಾಲಂಕಾರಭೂಷಿತಾ |
ವಹ್ನಿಶುದ್ಧಾಂಶುಕಾಧಾನಾ ಸಸ್ಮಿತಾ ಸುಮನೋಹರಾ || ೨ ||
ನವಯೌವನಸಂಪನ್ನಾ ಸಿಂದೂರಾರುಣ್ಯಶೋಭಿತಾ |
ಲಲಿತಂ ಕಬರೀಭಾರಂ ಮಾಲತೀಮಾಲ್ಯಮಂಡಿತಮ್ || ೩ ||
ಅಹೋಽನಿರ್ವಚನೀಯಾ ತ್ವಂ ಚಾರುಮೂರ್ತಿಂ ಚ ಬಿಭ್ರತೀ |
ಮೋಕ್ಷಪ್ರದಾ ಮುಮುಕ್ಷೂಣಾಂ ಮಹಾವಿಷ್ಣುರ್ವಿಧಿಃ ಸ್ವಯಮ್ || ೪ ||
ಮುಮೋಹ ಕ್ಷಣಮಾತ್ರೇಣ ದೃಷ್ಟ್ವಾ ತ್ವಾಂ ಸರ್ವಮೋಹಿನೀಮ್ |
ಬಾಲೈಃ ಸಂಭೂಯ ಸಹಸಾ ಸಸ್ಮಿತಾ ಧಾವಿತಾ ಪುರಾ || ೫ ||
ಸದ್ಭಿಃ ಖ್ಯಾತಾ ತೇನ ರಾಧಾ ಮೂಲಪ್ರಕೃತಿರೀಶ್ವರೀ |
ಕೃಷ್ಣಸ್ತಾಂ ಸಹಸಾ ಭೀತೋ ವೀರ್ಯಾಧಾನಂ ಚಕಾರ ಹ || ೬ ||
ತತೋ ಡಿಂಭಂ ಮಹಜ್ಜಜ್ಞೇ ತತೋ ಜಾತೋ ಮಹಾವಿರಾಟ್ |
ಯಸ್ಯೈವ ಲೋಮಕೂಪೇಷು ಬ್ರಹ್ಮಾಂಡಾನ್ಯಖಿಲಾನಿ ಚ || ೭ ||
ರಾಧಾರತಿಕ್ರಮೇಣೈವ ತನ್ನಿಃಶ್ವಾಸೋ ಬಭೂವ ಹ |
ಸ ನಿಃಶ್ವಾಸೋ ಮಹಾವಾಯುಃ ಸ ವಿರಾಡ್ವಿಶ್ವಧಾರಕಃ || ೮ ||
ಭಯಧರ್ಮಜಲೇನೈವ ಪುಪ್ಲುವೇ ವಿಶ್ವಗೋಲಕಮ್ |
ಸ ವಿರಾಡ್ವಿಶ್ವನಿಲಯೋ ಜಲರಾಶಿರ್ಬಭೂವ ಹ || ೯ ||
ತತಸ್ತ್ವಂ ಪಂಚಧಾ ಭೂಯ ಪಂಚಮೂರ್ತೀಶ್ಚ ಬಿಭ್ರತೀ |
ಪ್ರಾಣಾಧಿಷ್ಠಾತೃಮೂರ್ತಿರ್ಯಾ ಕೃಷ್ಣಸ್ಯ ಪರಮಾತ್ಮನಃ || ೧೦ ||
ಕೃಷ್ಣಪ್ರಾಣಾಧಿಕಾಂ ರಾಧಾಂ ತಾಂ ವದಂತಿ ಪುರಾವಿದಃ |
ವೇದಾಧಿಷ್ಠಾತೃಮೂರ್ತಿರ್ಯಾ ವೇದಾಶಾಸ್ತ್ರಪ್ರಸೂರಪಿ || ೧೧ ||
ತಾಂ ಸಾವಿತ್ರೀಂ ಶುದ್ಧರೂಪಾಂ ಪ್ರವದಂತಿ ಮನೀಷಿಣಃ |
ಐಶ್ವರ್ಯಾಧಿಷ್ಠಾತೃಮೂರ್ತಿಃ ಶಾಂತಿಸ್ತ್ವಂ ಶಾಂತರೂಪಿಣೀ || ೧೨ ||
ಲಕ್ಷ್ಮೀಂ ವದಂತಿ ಸಂತಸ್ತಾಂ ಶುದ್ಧಾಂ ಸತ್ತ್ವಸ್ವರೂಪಿಣೀಮ್ |
ರಾಗಾಧಿಷ್ಠಾತೃದೇವೀ ಯಾ ಶುಕ್ಲಮೂರ್ತಿಃ ಸತಾಂ ಪ್ರಸೂಃ || ೧೩ ||
ಸರಸ್ವತೀಂ ತಾಂ ಶಾಸ್ತ್ರಜ್ಞಾಂ ಶಾಸ್ತ್ರಜ್ಞಾಃ ಪ್ರವದಂತ್ಯಹೋ |
ಬುದ್ಧಿರ್ವಿದ್ಯಾ ಸರ್ವಶಕ್ತೇರ್ಯಾ ಮೂರ್ತಿರಧಿದೇವತಾ || ೧೪ ||
ಸರ್ವಮಂಗಳದಾ ಸಂತೋ ವದಂತಿ ಸರ್ವಮಂಗಳಾಮ್ |
ಸರ್ವಮಂಗಳಮಂಗಳ್ಯಾ ಸರ್ವಮಂಗಳರೂಪಿಣೀ || ೧೫ ||
ಸರ್ವಮಂಗಳಬೀಜಸ್ಯ ಶಿವಸ್ಯ ನಿಲಯೇಽಧುನಾ |
ಶಿವೇ ಶಿವಾಸ್ವರೂಪಾ ತ್ವಂ ಲಕ್ಷ್ಮೀರ್ನಾರಾಯಣಾಂತಿಕೇ || ೧೬ ||
ಸರಸ್ವತೀ ಚ ಸಾವಿತ್ರೀ ವೇದಸೂರ್ಬ್ರಹ್ಮಣಃ ಪ್ರಿಯಾ |
ರಾಧಾ ರಾಸೇಶ್ವರಸ್ಯೈವ ಪರಿಪೂರ್ಣತಮಸ್ಯ ಚ || ೧೭ ||
ಪರಮಾನಂದರೂಪಸ್ಯ ಪರಮಾನಂದರೂಪಿಣೀ |
ತ್ವತ್ಕಲಾಂಶಾಂಶಕಲಯಾ ದೇವಾನಾಮಪಿ ಯೋಷಿತಃ || ೧೮ ||
ತ್ವಂ ವಿದ್ಯಾ ಯೋಷಿತಃ ಸರ್ವಾಃ ಸರ್ವೇಷಾಂ ಬೀಜರೂಪಿಣೀ |
ಛಾಯಾ ಸೂರ್ಯಸ್ಯ ಚಂದ್ರಸ್ಯ ರೋಹಿಣೀ ಸರ್ವಮೋಹಿನೀ || ೧೯ ||
ಶಚೀ ಶಕ್ರಸ್ಯ ಕಾಮಸ್ಯ ಕಾಮಿನೀ ರತಿರೀಶ್ವರೀ |
ವರುಣಾನೀ ಜಲೇಶಸ್ಯ ವಾಯೋಃ ಸ್ತ್ರೀ ಪ್ರಾಣವಲ್ಲಭಾ || ೨೦ ||
ವಹ್ನೇಃ ಪ್ರಿಯಾ ಹಿ ಸ್ವಾಹಾ ಚ ಕುಬೇರಸ್ಯ ಚ ಸುಂದರೀ |
ಯಮಸ್ಯ ತು ಸುಶೀಲಾ ಚ ನೈರೃತಸ್ಯ ಚ ಕೈಟಭೀ || ೨೧ ||
ಐಶಾನೀ ಸ್ಯಾಚ್ಛಶಿಕಲಾ ಶತರೂಪಾ ಮನೋಃ ಪ್ರಿಯಾ |
ದೇವಹೂತಿಃ ಕರ್ದಮಸ್ಯ ವಸಿಷ್ಠಸ್ಯಾಪ್ಯರುಂಧತೀ || ೨೨ ||
ಲೋಪಾಮುದ್ರಾಽಪ್ಯಗಸ್ತ್ಯಸ್ಯ ದೇವಮಾತಾಽದಿತಿಸ್ತಥಾ |
ಅಹಲ್ಯಾ ಗೌತಮಸ್ಯಾಪಿ ಸರ್ವಾಧಾರಾ ವಸುಂಧರಾ || ೨೩ ||
ಗಂಗಾ ಚ ತುಲಸೀ ಚಾಪಿ ಪೃಥಿವ್ಯಾಂ ಯಾಃ ಸರಿದ್ವರಾ |
ಏತಾಃ ಸರ್ವಾಶ್ಚ ಯಾ ಹ್ಯನ್ಯಾ ಸರ್ವಾಸ್ತ್ವತ್ಕಲಯಾಂಬಿಕೇ || ೨೪ ||
ಗೃಹಲಕ್ಷ್ಮೀರ್ಗೃಹೇ ನೄಣಾಂ ರಾಜಲಕ್ಷ್ಮೀಶ್ಚ ರಾಜಸು |
ತಪಸ್ವಿನಾಂ ತಪಸ್ಯಾ ತ್ವಂ ಗಾಯತ್ರೀ ಬ್ರಾಹ್ಮಣಸ್ಯ ಚ || ೨೫ ||
ಸತಾಂ ಸತ್ತ್ವಸ್ವರೂಪಾ ತ್ವಮಸತಾಂ ಕಲಹಾಂಕುರಾ |
ಜ್ಯೋತಿರೂಪಾ ನಿರ್ಗುಣಸ್ಯ ಶಕ್ತಿಸ್ತ್ವಂ ಸಗುಣಸ್ಯ ಚ || ೨೬ ||
ಸೂರ್ಯೇ ಪ್ರಭಾಸ್ವರೂಪಾ ತ್ವಂ ದಾಹಿಕಾ ಚ ಹುತಾಶನೇ |
ಜಲೇ ಶೈತ್ಯಸ್ವರೂಪಾ ಚ ಶೋಭಾರೂಪಾ ನಿಶಾಕರೇ || ೨೭ ||
ತ್ವಂ ಭೂಮೌ ಗಂಧರೂಪಾ ಚಾಪ್ಯಾಕಾಶೇ ಶಬ್ದರೂಪಿಣೀ |
ಕ್ಷುತ್ಪಿಪಾಸಾದಯಸ್ತ್ವಂ ಚ ಜೀವಿನಾಂ ಸರ್ವಶಕ್ತಯಃ || ೨೮ ||
ಸರ್ವಬೀಜಸ್ವರೂಪಾ ತ್ವಂ ಸಂಸಾರೇ ಸಾರರೂಪಿಣೀ |
ಸ್ಮೃತಿರ್ಮೇಧಾ ಚ ಬುದ್ಧಿರ್ವಾ ಜ್ಞಾನಶಕ್ತಿರ್ವಿಪಶ್ಚಿತಾಮ್ || ೨೯ ||
ಕೃಷ್ಣೇನ ವಿದ್ಯಾ ಯಾ ದತ್ತಾ ಸರ್ವಜ್ಞಾನಪ್ರಸೂಃ ಶುಭಾ |
ಶೂಲಿನೇ ಕೃಪಯಾ ಸಾ ತ್ವಂ ಯಯಾ ಮೃತ್ಯುಂಜಯಃ ಶಿವಃ || ೩೦ ||
ಸೃಷ್ಟಿಪಾಲನಸಂಹಾರಶಕ್ತಯಸ್ತ್ರಿವಿಧಾಶ್ಚ ಯಾಃ |
ಬ್ರಹ್ಮವಿಷ್ಣುಮಹೇಶಾನಾಂ ಸಾ ತ್ವಮೇವ ನಮೋಽಸ್ತು ತೇ || ೩೧ ||
ಮಧುಕೈಟಭಭೀತ್ಯಾ ಚ ತ್ರಸ್ತೋ ಧಾತಾ ಪ್ರಕಂಪಿತಃ |
ಸ್ತುತ್ವಾ ಮುಕ್ತಶ್ಚ ಯಾಂ ದೇವೀಂ ತಾಂ ಮೂರ್ಧ್ನಾ ಪ್ರಣಮಾಮ್ಯಹಮ್ || ೩೨ ||
ಮಧುಕೈಟಭಯೋರ್ಯುದ್ಧೇ ತ್ರಾತಾಽಸೌ ವಿಷ್ಣುರೀಶ್ವರೀಮ್ |
ಬಭೂವ ಶಕ್ತಿಮಾನ್ ಸ್ತುತ್ವಾ ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೩ ||
ತ್ರಿಪುರಸ್ಯ ಮಹಾಯುದ್ಧೇ ಸರಥೇ ಪತಿತೇ ಶಿವೇ |
ಯಾಂ ತುಷ್ಟುವುಃ ಸುರಾಃ ಸರ್ವೇ ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೪ ||
ವಿಷ್ಣುನಾ ವೃಷರೂಪೇಣ ಸ್ವಯಂ ಶಂಭುಃ ಸಮುತ್ಥಿತಃ |
ಜಘಾನ ತ್ರಿಪುರಂ ಸ್ತುತ್ವಾ ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೫ ||
ಯದಾಜ್ಞಯಾ ವಾತಿ ವಾತಃ ಸೂರ್ಯಸ್ತಪತಿ ಸಂತತಮ್ |
ವರ್ಷತೀಂದ್ರೋ ದಹತ್ಯಗ್ನಿಸ್ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೬ ||
ಯದಾಜ್ಞಯಾ ಹಿ ಕಾಲಶ್ಚ ಶಶ್ವದ್ಭ್ರಮತಿ ವೇಗತಃ |
ಮೃತ್ಯುಶ್ಚರತಿ ಜಂತೂನಾಂ ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೭ ||
ಸ್ರಷ್ಟಾ ಸೃಜತಿ ಸೃಷ್ಟಿಂ ಚ ಪಾತಾ ಪಾತಿ ಯದಾಜ್ಞಯಾ |
ಸಂಹರ್ತಾ ಸಂಹರೇತ್ಕಾಲೇ ತಾಂ ದುರ್ಗಾಂ ಪ್ರಣಮಾಮ್ಯಹಮ್ || ೩೮ ||
ಜ್ಯೋತಿಃಸ್ವರೂಪೋ ಭಗವಾನ್ ಶ್ರೀಕೃಷ್ಣೋ ನಿರ್ಗುಣಃ ಸ್ವಯಮ್ |
ಯಯಾ ವಿನಾ ನ ಶಕ್ತಶ್ಚ ಸೃಷ್ಟಿಂ ಕರ್ತುಂ ನಮಾಮಿ ತಾಮ್ || ೩೯ ||
ರಕ್ಷ ರಕ್ಷ ಜಗನ್ಮಾತರಪರಾಧಂ ಕ್ಷಮಸ್ವ ಮೇ |
ಶಿಶೂನಾಮಪರಾಧೇನ ಕುತೋ ಮಾತಾ ಹಿ ಕುಪ್ಯತಿ || ೪೦ ||
ಇತ್ಯುಕ್ತ್ವಾ ಪರಶುರಾಮಶ್ಚ ನತ್ವಾ ತಾಂ ಚ ರುರೋದ ಹ |
ತುಷ್ಟಾ ದುರ್ಗಾ ಸಂಭ್ರಮೇಣ ಚಾಭಯಂ ಚ ವರಂ ದದೌ || ೪೧ ||
ಅಮರೋ ಭವ ಹೇ ಪುತ್ರ ವತ್ಸ ಸುಸ್ಥಿರತಾಂ ವ್ರಜ |
ಶರ್ವಪ್ರಸಾದಾತ್ಸರ್ವತ್ರ ಜಯೋಽಸ್ತು ತವ ಸಂತತಮ್ || ೪೨ ||
ಸರ್ವಾಂತರಾತ್ಮಾ ಭಗವಾಂಸ್ತುಷ್ಟಃ ಸ್ಯಾತ್ಸಂತತಂ ಹರಿಃ |
ಭಕ್ತಿರ್ಭವತು ತೇ ಕೃಷ್ಣೇ ಶಿವದೇ ಚ ಶಿವೇ ಗುರೌ || ೪೩ ||
ಇಷ್ಟದೇವೇ ಗುರೌ ಯಸ್ಯ ಭಕ್ತಿರ್ಭವತಿ ಶಾಶ್ವತೀ |
ತಂ ಹಂತುಂ ನ ಹಿ ಶಕ್ತಾ ವಾ ರುಷ್ಟಾ ವಾ ಸರ್ವದೇವತಾಃ || ೪೪ ||
ಶ್ರೀಕೃಷ್ಣಸ್ಯ ಚ ಭಕ್ತಸ್ತ್ವಂ ಶಿಷ್ಯೋ ವೈ ಶಂಕರಸ್ಯ ಚ |
ಗುರುಪತ್ನೀಂ ಸ್ತೌಷಿ ಯಸ್ಮಾತ್ಕಸ್ತ್ವಾಂ ಹಂತುಮಿಹೇಶ್ವರಃ || ೪೫ ||
ಅಹೋ ನ ಕೃಷ್ಣಭಕ್ತಾನಾಮಶುಭಂ ವಿದ್ಯತೇ ಕ್ವಚಿತ್ |
ಅನ್ಯದೇವೇಷು ಯೇ ಭಕ್ತಾ ನ ಭಕ್ತಾ ವಾ ನಿರಂಕುಶಾಃ || ೪೬ ||
ಚಂದ್ರಮಾ ಬಲವಾಂಸ್ತುಷ್ಟೋ ಯೇಷಾಂ ಭಾಗ್ಯವತಾಂ ಭೃಗೋ |
ತೇಷಾಂ ತಾರಾಗಣಾ ರುಷ್ಟಾಃ ಕಿಂ ಕುರ್ವಂತಿ ಚ ದುರ್ಬಲಾಃ || ೪೭ ||
ಯಸ್ಮೈ ತುಷ್ಟಃ ಪಾಲಯತಿ ನರದೇವೋ ಮಹಾನ್ಸುಖೀ |
ತಸ್ಯ ಕಿಂ ವಾ ಕರಿಷ್ಯಂತಿ ರುಷ್ಟಾ ಭೃತ್ಯಾಶ್ಚ ದುರ್ಬಲಾಃ || ೪೮ ||
ಇತ್ಯುಕ್ತ್ವಾ ಪಾರ್ವತೀ ತುಷ್ಟಾ ದತ್ತ್ವಾ ರಾಮಾಯ ಚಾಶಿಷಮ್ |
ಜಗಾಮಾಂತಃಪುರಂ ತೂರ್ಣಂ ಹರಿಶಬ್ದೋ ಬಭೂವ ಹ || ೪೯ ||
ಸ್ತೋತ್ರಂ ವೈ ಕಾಣ್ವಶಾಖೋಕ್ತಂ ಪೂಜಾಕಾಲೇ ಚ ಯಃ ಪಠೇತ್ |
ಯಾತ್ರಾಕಾಲೇ ತಥಾಪ್ರಾತರ್ವಾಂಛಿತಾರ್ಥಂ ಲಭೇದ್ಧ್ರುವಮ್ || ೫೦ ||
ಪುತ್ರಾರ್ಥೀ ಲಭತೇ ಪುತ್ರಂ ಕನ್ಯಾರ್ಥೀ ಕನ್ಯಕಾಂ ಲಭೇತ್ |
ವಿದ್ಯಾರ್ಥೀ ಲಭತೇ ವಿದ್ಯಾಂ ಪ್ರಜಾರ್ಥೀ ಚಾಪ್ನುಯಾತ್ಪ್ರಜಾಃ || ೫೧ ||
ಭ್ರಷ್ಟರಾಜ್ಯೋ ಲಭೇದ್ರಾಜ್ಯಂ ನಷ್ಟವಿತ್ತೋ ಧನಂ ಲಭೇತ್ |
ಯಸ್ಯ ರುಷ್ಟೋ ಗುರುರ್ದೇವೋ ರಾಜಾ ವಾ ಬಾಂಧವೋಽಥವಾ || ೫೨ ||
ತಸ್ಯ ತುಷ್ಟಶ್ಚ ವರದಃ ಸ್ತೋತ್ರರಾಜಪ್ರಸಾದತಃ |
ದಸ್ಯುಗ್ರಸ್ತಃ ಫಣಿಗ್ರಸ್ತಃ ಶತ್ರುಗ್ರಸ್ತೋ ಭಯಾನಕಃ || ೫೩ ||
ವ್ಯಾಧಿಗ್ರಸ್ತೋ ಭವೇನ್ಮುಕ್ತಃ ಸ್ತೋತ್ರಸ್ಮರಣಮಾತ್ರತಃ |
ರಾಜದ್ವಾರೇ ಶ್ಮಶಾನೇ ಚ ಕಾರಾಗಾರೇ ಚ ಬಂಧನೇ || ೫೪ ||
ಜಲರಾಶೌ ನಿಮಗ್ನಶ್ಚ ಮುಕ್ತಸ್ತತ್ ಸ್ಮೃತಿಮಾತ್ರತಃ |
ಸ್ವಾಮಿಭೇದೇ ಪುತ್ರಭೇದೇ ಮಿತ್ರಭೇದೇ ಚ ದಾರುಣೇ || ೫೫ ||
ಸ್ತೋತ್ರಸ್ಮರಣಮಾತ್ರೇಣ ವಾಂಛಿತಾರ್ಥಂ ಲಭೇದ್ಧ್ರುವಮ್ |
ಕೃತ್ವಾ ಹವಿಷ್ಯಂ ವರ್ಷಂ ಚ ಸ್ತೋತ್ರರಾಜಂ ಶೃಣೋತಿ ಯಾ || ೫೬ ||
ಭಕ್ತ್ಯಾ ದುರ್ಗಾಂ ಚ ಸಂಪೂಜ್ಯ ಮಹಾವಂಧ್ಯಾ ಪ್ರಸೂಯತೇ |
ಲಭತೇ ಸಾ ದಿವ್ಯಪುತ್ರಂ ಜ್ಞಾನಿನಂ ಚಿರಜೀವಿನಮ್ || ೫೭ ||
ಅಸೌಭಾಗ್ಯಾ ಚ ಸೌಭಾಗ್ಯಂ ಷಣ್ಮಾಸಶ್ರವಣಾಲ್ಲಭೇತ್ |
ನವಮಾಸಂ ಕಾಕವಂಧ್ಯಾ ಮೃತವತ್ಸಾ ಚ ಭಕ್ತಿತಃ || ೫೮ ||
ಸ್ತೋತ್ರರಾಜಂ ಯಾ ಶೃಣೋತಿ ಸಾ ಪುತ್ರಂ ಲಭತೇ ಧ್ರುವಮ್ |
ಕನ್ಯಾಮಾತಾ ಪುತ್ರಹೀನಾ ಪಂಚಮಾಸಂ ಶೃಣೋತಿ ಯಾ |
ಘಟೇ ಸಂಪೂಜ್ಯ ದುರ್ಗಾಂ ಚ ಸಾ ಪುತ್ರಂ ಲಭತೇ ಧ್ರುವಮ್ || ೫೯ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಗಣಪತಿಖಂಡೇ ನಾರದನಾರಾಯಣಸಂವಾದೇ ಪಂಚಚತ್ವಾರಿಂಶೋಽಧ್ಯಾಯೇ ಪರಶುರಾಮಕೃತ ದುರ್ಗಾ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
