Narayaneeyam Dasakam 56 – ನಾರಾಯಣೀಯಂ ಷಟ್ಪಞ್ಚಾಶತ್ತಮದಶಕಮ್


<< ನಾರಾಯಣೀಯಂ ಪಞ್ಚಪಞ್ಚಾಶತ್ತಮದಶಕಮ್

ಷಟ್ಪಞ್ಚಾಶತ್ತಮದಶಕಮ್ (೫೬) – ಕಾಲಿಯಗರ್ವಶಮನಂ ತಥಾ ಭಗವದನುಗ್ರಹಮ್ |

ರುಚಿರಕಮ್ಪಿತಕುಣ್ಡಲಮಣ್ಡಲಃ
ಸುಚಿರಮೀಶ ನನರ್ತಿಥ ಪನ್ನಗೇ |
ಅಮರತಾಡಿತದುನ್ದುಭಿಸುನ್ದರಂ
ವಿಯತಿ ಗಾಯತಿ ದೈವತಯೌವತೇ || ೫೬-೧ ||

ನಮತಿ ಯದ್ಯದಮುಷ್ಯ ಶಿರೋ ಹರೇ
ಪರಿವಿಹಾಯ ತದುನ್ನತಮುನ್ನತಮ್ |
ಪರಿಮಥನ್ಪದಪಙ್ಕರುಹಾ ಚಿರಂ
ವ್ಯಹರಥಾಃ ಕರತಾಲಮನೋಹರಮ್ || ೫೬-೨ ||

ತ್ವದವಭಗ್ನವಿಭುಗ್ನಫಣಾಗಣೇ
ಗಲಿತಶೋಣಿತಶೋಣಿತಪಾಥಸಿ |
ಫಣಿಪತಾವವಸೀದತಿ ಸನ್ನತಾ-
ಸ್ತದಬಲಾಸ್ತವ ಮಾಧವ ಪಾದಯೋಃ || ೫೬-೩ ||

ಅಯಿ ಪುರೈವ ಚಿರಾಯ ಪರಿಶ್ರುತ-
ತ್ವದನುಭಾವವಿಲೀನಹೃದೋ ಹಿ ತಾಃ |
ಮುನಿಭಿರಪ್ಯನವಾಪ್ಯಪಥೈಃ ಸ್ತವೈ-
ರ್ನುನುವುರೀಶ ಭವನ್ತಮಯನ್ತ್ರಿತಮ್ || ೫೬-೪ ||

ಫಣಿವಧೂಜನಭಕ್ತಿವಿಲೋಕನ-
ಪ್ರವಿಕಸತ್ಕರುಣಾಕುಲಚೇತಸಾ |
ಫಣಿಪತಿರ್ಭವತಾಚ್ಯುತ ಜೀವಿತ-
ಸ್ತ್ವಯಿ ಸಮರ್ಪಿತಮೂರ್ತಿರವಾನಮತ್ || ೫೬-೫ ||

ರಮಣಕಂ ವ್ರಜ ವಾರಿಧಿಮಧ್ಯಗಂ
ಫಣಿರಿಪುರ್ನ ಕರೋತಿ ವಿರೋಧಿತಾಮ್ |
ಇತಿ ಭವದ್ವಚನಾನ್ಯತಿಮಾನಯನ್
ಫಣಿಪತಿರ್ನಿರಗಾದುರಗೈಃ ಸಮಮ್ || ೫೬-೬ ||

ಫಣಿವಧೂಜನದತ್ತಮಣಿವ್ರಜ-
ಜ್ವಲಿತಹಾರದುಕೂಲವಿಭೂಷಿತಃ |
ತಟಗತೈಃ ಪ್ರಮದಾಶ್ರುವಿಮಿಶ್ರಿತೈಃ
ಸಮಗಥಾಃ ಸ್ವಜನೈರ್ದಿವಸಾವಧೌ || ೫೬-೭ ||

ನಿಶಿ ಪುನಸ್ತಮಸಾ ವ್ರಜಮನ್ದಿರಂ
ವ್ರಜಿತುಮಕ್ಷಮ ಏವ ಜನೋತ್ಕರೇ |
ಸ್ವಪತಿ ತತ್ರ ಭವಚ್ಚರಣಾಶ್ರಯೇ
ದವಕೃಶಾನುರರುನ್ಧ ಸಮನ್ತತಃ || ೫೬-೮ ||

ಪ್ರಬುಧಿತಾನಥ ಪಾಲಯ ಪಾಲಯೇ-
ತ್ಯುದಯದಾರ್ತರವಾನ್ ಪಶುಪಾಲಕಾನ್ |
ಅವಿತುಮಾಶು ಪಪಾಥ ಮಹಾನಲಂ
ಕಿಮಿಹ ಚಿತ್ರಮಯಂ ಖಲು ತೇ ಮುಖಮ್ || ೫೬-೯ ||

ಶಿಖಿನಿ ವರ್ಣತ ಏವ ಹಿ ಪೀತತಾ
ಪರಿಲಸತ್ಯುಧನಾ ಕ್ರಿಯಯಾಽಪ್ಯಸೌ |
ಇತಿ ನುತಃ ಪಶುಪೈರ್ಮುದಿತೈರ್ವಿಭೋ
ಹರ ಹರೇ ದುರಿತೈಃ ಸಹ ಮೇ ಗದಾನ್ || ೫೬-೧೦ ||

ಇತಿ ಷಟ್ಪಞ್ಚಾಶತ್ತಮದಶಕಂ ಸಮಾಪ್ತಂ

ನಾರಾಯಣೀಯಂ ಸಪ್ತಪಞ್ಚಾಶತ್ತಮದಶಕಮ್ >>


ಸಂಪೂರ್ಣ ನಾರಾಯಣೀಯಂ ನೋಡಿ.


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

error: Not allowed