Read in తెలుగు / ಕನ್ನಡ / தமிழ் / देवनागरी / English (IAST)
[* ಪ್ರಾರ್ಥನ –
ಶ್ರೀಮನ್ಮರಕತಂ ಲಕ್ಷ್ಮೀಗಣೇಶಂ ಸತ್ಯಪೂಜಿತಮ್ |
ಕಾನಾಜೀಗೂಡ ನಿಲಯಂ ವಂದೇ ಸಂಕಷ್ಟಹಾರಕಮ್ |
*]
ಶ್ರೀಮನ್ಮನೋಜ್ಞ ನಿಗಮಾಗಮವಾಕ್ಯಗೀತ
ಶ್ರೀಪಾರ್ವತೀಪರಮಶಂಭುವರಾತ್ಮಜಾತ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಪೂತ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧ ||
ಶ್ರೀವತ್ಸದುಗ್ಧಮಯಸಾಗರಪೂರ್ಣಚಂದ್ರ
ವ್ಯಾಖ್ಯೇಯಭಕ್ತಸುಮನೋರ್ಚಿತಪಾದಪದ್ಮ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭೂಷ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨ ||
ಸೃಷ್ಟಿಸ್ಥಿತಿಪ್ರಳಯಕಾರಣಕರ್ಮಶೀಲ
ಅಷ್ಟೋತ್ತರಾಕ್ಷರಮನೂದ್ಭವಮಂತ್ರಲೋಲ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಖೇಲ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೩ ||
ಕಷ್ಟಪ್ರನಷ್ಟ ಪರಿಬಾಧಿತ ಭಕ್ತ ರಕ್ಷ
ಇಷ್ಟಾರ್ಥದಾನ ನಿರತೋದ್ಯಮಕಾರ್ಯದಕ್ಷ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಪೂತ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೪ ||
ಶ್ರೀವ್ಯಾಸಭಾರತವಿಲೇಖನಕಾರ್ಯದೀಕ್ಷಾ
ದಕ್ಷಾಭಿರಕ್ಷಣ ವಿಚಕ್ಷಣದೀಪ್ತಿಹಸ್ತ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೫ ||
ಧ್ಯಾನಾತ್ಮಭಕ್ತಜನತಾಹೃದಯಾಭಿರಾಮ
ಶ್ರೀನಾಮಪೂರಿತಸಹಸ್ರಸುನಾಮಧಾಮ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಸೀಮ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೬ ||
ವೈಧಾತೃವರ್ಧಿತಚರಾಚರಲೋಕಪಾಲ
ಆವಾಹನಾತ್ಮಕಸುಕೃತ್ಯಕಲಾಪತೋಷ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೭ ||
ವಿಶ್ವಂಭರಾತಲಸುಖಾಸನಸನ್ನಿವಿಷ್ಟ
ವಿಶ್ವಪ್ರಶಾಂತಿಪರಿರಕ್ಷಣಕರ್ಮತುಷ್ಟ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಹೃಷ್ಟ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೮ ||
ಗಂಗಾದಿಪುಣ್ಯಮಯವಾರಿತರಂಗಸಿಕ್ತ
ಸ್ವೀಯಾಂಘ್ರಿಸಾರಸಯುಗಪ್ರವಿಲಾಸದೇಹ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೯ ||
ಹಸ್ತದ್ವಯಾಂಬುರುಹಲೋಲನವಾರ್ಘ್ಯನೀರ
ಸ್ವಚ್ಛಪ್ರಭಾಪ್ರವಿಲಸನ್ಮುಖಚಂದ್ರಬಿಂಬ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೦ ||
ಬಿಂಬಾಧರಸ್ಪೃಗಮಲಾಮೃತಪೂರಿತಾಂಬು
ಸ್ವೀಕಾರ ರಾಜಿತ ವರಾಚಮನೀಯಶೋಭ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೧ ||
ಪಂಚಾಮೃತಾಮಲಫಲೋದಕ ಸಂಪ್ರಪೂರ್ಣ
ಸ್ನಾನೋಪಚಾರಪರಿತೋಷಿತಮಾನಸಾಬ್ಜ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೨ ||
ದಿಗ್ವಸ್ತ್ರರಾಜಪರಿಧಾನಿತದಿವ್ಯದೇಹ
ದೃಗ್ವಾಸಿತಾಖಿಲಫಲಪ್ರವಿಭಾಸಮಾನ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೩ ||
ಸೌಗಂಧ್ಯಜಾಲ ಹರಿಚಂದನದಿಗ್ಧದಿವ್ಯ
ಪ್ರೋದ್ಭಾಸಿತಾಮಲತನೂವಿಭವೈಕರಮ್ಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೪ ||
ಸ್ವಚ್ಛಪ್ರಭಾಸಿತ ವರಾಕ್ಷತರಾಜವರ್ಷಿ
ವ್ಯಾಕರ್ಷಣೀಯ ರುಚಿರಾಂಗವಿಲೋಕನೀಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೫ ||
ನಾನಾಸುಗಂಧ ವರಧೂಪಿತ ಧೂಪರಾಜ
ದ್ವಿಖ್ಯಾತಮೌಳಿಲಸದಾರ್ಷಸುತತ್ತ್ವದೇಹ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೬ ||
ಗಾಢಾಂಧಕಾರಪರಿಮಾರ್ಜನದಿವ್ಯತೇಜೋ
ಲಾಸ್ಯತ್ಪ್ರದೀಪರುಚಿಮದ್ವರತತ್ತ್ವಭಾಸ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೭ ||
ಸರ್ವರ್ತುಸಂಫಲಿತಕೋಟಿಫಲಪ್ರವೃಷ್ಟಿ
ಭ್ರಾಜನ್ನಿವೇದನ ವಿನೋದನ ಕರ್ಮಮೋದ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೮ ||
ಪೂಗೀಫಲಾದಿಕ ಸುಗಂಧವಿಲಾಸಹಾಸ
ದ್ರವ್ಯಾತ್ಮತಾಂಬುಲಿಕಸೇವನಕರ್ಮತೋಷ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೧೯ ||
ಶ್ರೇಷ್ಠಪ್ರದಕ್ಷಿಣ ಸುಕರ್ಮಕಲಾಪಮಗ್ನ
ಸಂಸೇವಕಾವಳಿ ಸುರಕ್ಷಣಕಾರ್ಯಲೀನ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೦ ||
ನೀರಾಜಿತಾಖಿಲಸುಗಂಧಸುವಸ್ತುಜಾಲ
ಪ್ರೋದ್ಭಾಸದೀಪವರಕಾಂತಿವಿಲಾಸದೀಪ್ತ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೧ ||
ದೂರ್ವಾಶಮೀಮರುವಕಾರ್ಜುನಜಾಜಿಬಿಲ್ವ
ದತ್ತೂರಚೂತತುಲಸೀವರಪತ್ರಸೇವ್ಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೨ ||
ಮಾಚೀಸುದಾಡಿಮವರಾರ್ಕಸಗಂಡಕೀಯ
ಪ್ರಖ್ಯಾತವಿಷ್ಣುಮಯಕಾಂತಸುಪತ್ರಸೇವ್ಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೩ ||
ಶ್ರೀಸಿಂಧುವಾರಸುಮನೋರ್ಚಿತದೇವದಾರು
ಸಂವಾಸಭಾಸಕರವೀರದಳೈಕಸೇವ್ಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೪ ||
ಅಶ್ವತ್ಥದಿವ್ಯಬದರೀಬೃಹತೀಸಮಂಚತ್
ದಿವ್ಯಾಪಮಾರ್ಗಿಕ ವನಸ್ಪತಿ ಪತ್ರಪೂಜ್ಯ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೫ ||
ಓಂಕಾರಪೂರ್ಣಭಗವನ್ನುತಿಪಾಠಗಮ್ಯ
ಶ್ರೀಕಾರಭಾವಿತಮನೋಹರದಿವ್ಯರೂಪ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೬ ||
ದೈನಂದಿನೋನ್ನಯನಚಂದ್ರಕಳಾತ್ಮರೂಪ
ಪ್ರಾಂಚತ್ಸುವರ್ಣಮಣಿರತ್ನರುಚಿಪ್ರಭಾಸ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭೂಷ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೭ ||
ಶ್ರೀಮೋತುಕೂರುವರವಂಶಜಸತ್ಯಶಾಸ್ತ್ರಿ
ಸ್ವಾಂತಾಂಬುಜಾತವರಪೂಜನಕರ್ಮಮೋದ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಭಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೮ ||
ಶ್ರೀಮನ್ನಟೇಶ್ವರಕವೀಶ್ವರ ಸಂಪ್ರಣೀತ
ಶ್ರೀಸುಪ್ರಭಾತಕವಿತಾಭರಣಪ್ರಬೋಧ |
ಶ್ರೀಸತ್ಯವಾಙ್ಮರಕತೋಲ್ಲಸದಾತ್ಮಹಾಸ
ಲಕ್ಷ್ಮೀಗಣೇಶ ಭಗವನ್ ತವ ಸುಪ್ರಭಾತಮ್ || ೨೯ ||
ಇತಿ ಶ್ರೀ ಮರಕತ ಲಕ್ಷ್ಮೀಗಣಪತಿ ಸುಪ್ರಭಾತಮ್ ಸಂಪೂರ್ಣಮ್ ||
ಮರಕತ ಶ್ರೀ ಲಕ್ಷ್ಮೀಗಣಪತಿ ಸ್ತೋತ್ರಂ >>
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
