Marakatha Sri Lakshmi Ganapathi Suprabhatam – மரகத ஶ்ரீ லக்ஷ்மீ க³ணபதி ஸுப்ரபா⁴தம்


ஶ்ரீமன்மனோஜ்ஞ நிக³மாக³மவாக்யகீ³த
ஶ்ரீபார்வதீபரமஶம்பு⁴வராத்மஜாத ।
ஶ்ரீஸத்யவாங்மரகதோல்லஸதா³த்மபூத
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 1 ॥

ஶ்ரீவத்ஸது³க்³த⁴மயஸாக³ரபூர்ணசந்த்³ர
வ்யாக்²யேயப⁴க்தஸுமனோர்சிதபாத³பத்³ம ।
ஶ்ரீஸத்யவாங்மரகதோல்லஸதா³த்மபூ⁴ஷ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 2 ॥

ஸ்ருஷ்டிஸ்தி²திப்ரலயகாரணகர்மஶீல
அஷ்டோத்தராக்ஷரமனூத்³ப⁴வமந்த்ரலோல ।
ஶ்ரீஸத்யவாங்மரகதோல்லஸதா³த்மகே²ல
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 3 ॥

கஷ்டப்ரனஷ்ட பரிபா³தி⁴த ப⁴க்த ரக்ஷ
இஷ்டார்த²தா³ன நிரதோத்³யமகார்யத³க்ஷ ।
ஶ்ரீஸத்யவாங்மரகதோல்லஸதா³த்மபூத
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 4 ॥

ஶ்ரீவ்யாஸபா⁴ரதவிலேக²னகார்யதீ³க்ஷா
த³க்ஷாபி⁴ரக்ஷண விசக்ஷணதீ³ப்திஹஸ்த ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 5 ॥

த்⁴யானாத்மப⁴க்தஜனதாஹ்ருத³யாபி⁴ராம
ஶ்ரீனாமபூரிதஸஹஸ்ரஸுனாமதா⁴ம ।
ஶ்ரீஸத்யவாங்மரகதோல்லஸதா³த்மஸீம
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 6 ॥

வைதா⁴த்ருவர்தி⁴தசராசரலோகபால
ஆவாஹனாத்மகஸுக்ருத்யகலாபதோஷ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 7 ॥

விஶ்வம்ப⁴ராதலஸுகா²ஸனஸன்னிவிஷ்ட
விஶ்வப்ரஶாந்திபரிரக்ஷணகர்மதுஷ்ட ।
ஶ்ரீஸத்யவாங்மரகதோல்லஸதா³த்மஹ்ருஷ்ட
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 8 ॥

க³ங்கா³தி³புண்யமயவாரிதரங்க³ஸிக்த
ஸ்வீயாங்க்⁴ரிஸாரஸயுக³ப்ரவிலாஸதே³ஹ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 9 ॥

ஹஸ்தத்³வயாம்பு³ருஹலோலனவார்க்⁴யனீர
ஸ்வச்ச²ப்ரபா⁴ப்ரவிலஸன்முக²சந்த்³ரபி³ம்ப³ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 10 ॥

பி³ம்பா³த⁴ரஸ்ப்ருக³மலாம்ருதபூரிதாம்பு³
ஸ்வீகார ராஜித வராசமனீயஶோப⁴ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 11 ॥

பஞ்சாம்ருதாமலப²லோத³க ஸம்ப்ரபூர்ண
ஸ்னானோபசாரபரிதோஷிதமானஸாப்³ஜ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 12 ॥

தி³க்³வஸ்த்ரராஜபரிதா⁴னிததி³வ்யதே³ஹ
த்³ருக்³வாஸிதாகி²லப²லப்ரவிபா⁴ஸமான ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 13 ॥

ஸௌக³ந்த்⁴யஜால ஹரிசந்த³னதி³க்³த⁴தி³வ்ய
ப்ரோத்³பா⁴ஸிதாமலதனூவிப⁴வைகரம்ய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 14 ॥

ஸ்வச்ச²ப்ரபா⁴ஸித வராக்ஷதராஜவர்ஷி
வ்யாகர்ஷணீய ருசிராங்க³விலோகனீய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 15 ॥

நானாஸுக³ந்த⁴ வரதூ⁴பித தூ⁴பராஜ
த்³விக்²யாதமௌலிலஸதா³ர்ஷஸுதத்த்வதே³ஹ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 16 ॥

கா³டா⁴ந்த⁴காரபரிமார்ஜனதி³வ்யதேஜோ
லாஸ்யத்ப்ரதீ³பருசிமத்³வரதத்த்வபா⁴ஸ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 17 ॥

ஸர்வர்துஸம்ப²லிதகோடிப²லப்ரவ்ருஷ்டி
ப்⁴ராஜன்னிவேத³ன வினோத³ன கர்மமோத³ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 18 ॥

பூகீ³ப²லாதி³க ஸுக³ந்த⁴விலாஸஹாஸ
த்³ரவ்யாத்மதாம்பு³லிகஸேவனகர்மதோஷ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 19 ॥

ஶ்ரேஷ்ட²ப்ரத³க்ஷிண ஸுகர்மகலாபமக்³ன
ஸம்ஸேவகாவலி ஸுரக்ஷணகார்யலீன ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 20 ॥

நீராஜிதாகி²லஸுக³ந்த⁴ஸுவஸ்துஜால
ப்ரோத்³பா⁴ஸதீ³பவரகாந்திவிலாஸதீ³ப்த ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 21 ॥

தூ³ர்வாஶமீமருவகார்ஜுனஜாஜிபி³ல்வ
த³த்தூரசூததுலஸீவரபத்ரஸேவ்ய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 22 ॥

மாசீஸுதா³டி³மவரார்கஸக³ண்ட³கீய
ப்ரக்²யாதவிஷ்ணுமயகாந்தஸுபத்ரஸேவ்ய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 23 ॥

ஶ்ரீஸிந்து⁴வாரஸுமனோர்சிததே³வதா³ரு
ஸம்வாஸபா⁴ஸகரவீரத³லைகஸேவ்ய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 24 ॥

அஶ்வத்த²தி³வ்யப³த³ரீப்³ருஹதீஸமஞ்சத்
தி³வ்யாபமார்கி³க வனஸ்பதி பத்ரபூஜ்ய ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 25 ॥

ஓங்காரபூர்ணப⁴க³வன்னுதிபாட²க³ம்ய
ஶ்ரீகாரபா⁴விதமனோஹரதி³வ்யரூப ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 26 ॥

தை³னந்தி³னோன்னயனசந்த்³ரகலாத்மரூப
ப்ராஞ்சத்ஸுவர்ணமணிரத்னருசிப்ரபா⁴ஸ ।
ஶ்ரீஸத்யவாங்மரகதோல்லஸதா³த்மபூ⁴ஷ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 27 ॥

ஶ்ரீமோதுகூருவரவம்ஶஜஸத்யஶாஸ்த்ரி
ஸ்வாந்தாம்பு³ஜாதவரபூஜனகர்மமோத³ ।
ஶ்ரீஸத்யவாங்மரகதோல்லஸதா³த்மபா⁴ஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 28 ॥

ஶ்ரீமன்னடேஶ்வரகவீஶ்வர ஸம்ப்ரணீத
ஶ்ரீஸுப்ரபா⁴தகவிதாப⁴ரணப்ரபோ³த⁴ ।
ஶ்ரீஸத்யவாங்மரகதோல்லஸதா³த்மஹாஸ
லக்ஷ்மீக³ணேஶ ப⁴க³வன் தவ ஸுப்ரபா⁴தம் ॥ 29 ॥

இதி ஶ்ரீ மரகத லக்ஷ்மீக³ணபதி ஸுப்ரபா⁴தம் ஸம்பூர்ணம் ॥

மரகத ஶ்ரீ லக்ஷ்மீக³ணபதி ஸ்தோத்ரம் >>


மேலும் ஶ்ரீ கணேஶ ஸ்தோத்திரங்கள் காண்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: