Sri Mahaganapathi Navarna vedapada stava – ஶ்ரீ மஹாக³ணபதி நவார்ண வேத³பாத³ ஸ்தவ꞉

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → ஶ்ரீ மஹாக³ணபதி நவார்ண வேத³பாத³ ஸ்தவ꞉

ஶ்ரீகண்ட²தநய ஶ்ரீஶ ஶ்ரீகர ஶ்ரீத³ளார்சித ।
ஶ்ரீவிநாயக ஸர்வேஶ ஶ்ரியம் வாஸய மே குலே ॥ 1 ॥

க³ஜாநந க³ணாதீ⁴ஶ த்³விஜராஜவிபூ⁴ஷித ।
ப⁴ஜே த்வாம் ஸச்சிதா³நந்த³ ப்³ரஹ்மணாம் ப்³ரஹ்மணஸ்பதே ॥ 2 ॥

ணஷஷ்ட²வாச்யநாஶாய ரோகா³டவிகுடா²ரிணே ।
க்⁴ருணாபாலிதலோகாய வநாநாம் பதயே நம꞉ ॥ 3 ॥

தி⁴யம் ப்ரயச்ச²தே துப்⁴யமீப்ஸிதார்த²ப்ரதா³யிநே ।
தீ³ப்தபூ⁴ஷணபூ⁴ஷாய தி³ஶாம் ச பதயே நம꞉ ॥ 4 ॥

பஞ்சப்³ரஹ்மஸ்வரூபாய பஞ்சபாதகஹாரிணே ।
பஞ்சதத்த்வாத்மநே துப்⁴யம் பஶூநாம் பதயே நம꞉ ॥ 5 ॥

தடித்கோடிப்ரதீகாஶதநவே விஶ்வஸாக்ஷிணே ।
தப꞉ஸ்வாத்⁴யாயிநே துப்⁴யம் ஸேநாநிப்⁴யஶ்ச வோ நம꞉ ॥ 6 ॥

யே ப⁴ஜந்த்யக்ஷரம் த்வாம் தே ப்ராப்நுவந்த்யக்ஷராத்மதாம் ।
நைகரூபாய மஹதே முஷ்ணதாம் பதயே நம꞉ ॥ 7 ॥

நக³ஜாவரபுத்ராய ஸுரராஜார்சிதாய ச ।
ஸுகு³ணாய நமஸ்துப்⁴யம் ஸும்ருடீ³காய மீடு⁴ஷே ॥ 8 ॥

மஹாபாதகஸங்கா⁴தமஹாரணப⁴யாபஹ ।
த்வதீ³யக்ருபயா தே³வ ஸர்வாநவ யஜாமஹே ॥ 9 ॥

நவார்ணரத்நநிக³மபாத³ஸம்புடிதாம் ஸ்துதிம் ।
ப⁴க்த்யா பட²ந்தி யே தேஷாம் துஷ்டோ ப⁴வ க³ணாதி⁴ப ॥ 10 ॥

இதி ஶ்ரீ மஹாக³ணபதி நவார்ணவேத³பாத³ ஸ்தவ꞉ ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.