Read in తెలుగు / ಕನ್ನಡ / தமிழ் / देवनागरी / English (IAST)
ಓಂ ಧರ್ಮಜಿಜ್ಞಾಸಾ | ಜ್ಞಾನಂ ಬುದ್ಧಿಶ್ಚ | ಜ್ಞಾನಾನ್ಮೋಕ್ಷಕಾರಣಮ್ | ಮೋಕ್ಷಾನ್ಮುಕ್ತಿಸ್ವರೂಪಮ್ | ತಥಾ ಬ್ರಹ್ಮಜ್ಞಾನಾದ್ಬುದ್ಧಿಶ್ಚ | ಲಿಙ್ಗೈಕ್ಯಂ ದೇಹೋ ಲಿಙ್ಗಭೇದೇ ನ | ಅಜ್ಞಾನಾತ್ ಜ್ಞಾನಂ ಬುದ್ಧಿಶ್ಚ | ಚತುರ್ವರ್ಣಾನಾಂ ಧಾರಣಾಂ ಕುರ್ಯಾತ್ | ಪಶುಪಕ್ಷಿಮೃಗಕೀಟಕಲಿಙ್ಗಧಾರಣಮುಚ್ಯತೇ | ಪಞ್ಚಬನ್ಧಸ್ವರೂಪೇಣ ಪಞ್ಚಬನ್ಧಾ ಜ್ಞಾನಸ್ವರೂಪಾಃ | ಪಿಣ್ಡಾಜ್ಜನನಮ್ | ತಜ್ಜನನಕಾಲೇ ಧಾರಣಮುಚ್ಯತೇ | “ಸರ್ವಲಿಙ್ಗಂ ಸ್ಥಾಪಯತಿ ಪಾಣಿಮನ್ತ್ರಂ ಪವಿತ್ರಮ್”, “ಅಯಂ ಮೇ ಹಸ್ತೋ ಭಗವಾನ್” ಇತಿ ಧಾರಯೇತ್ | “ಯಾ ತೇ ರುದ್ರ ಶಿವಾ ತನೂರಘೋರಾಽಪಾಪಕಾಶಿನೀ”, “ರುದ್ರಪತೇ ಜನಿಮಾ ಚಾರು ಚಿತ್ರಮ್”, “ವಯಂ ಸೋಮ ವ್ರತೇ ತವ | ಮನಸ್ತನೂಷು ಬಿಭ್ರತಃ | ಪ್ರಜಾವನ್ತೋ ಅಶೀಮಹಿ | “, “ತ್ರಿಯಂಬಕಂ ಯಜಾಮಹೇ” ಇತಿ ಧಾರಯೇತ್ | ಬ್ರಾಹ್ಮಣಾನಾಂ ಧಾರಣಾಂ ಕುರ್ಯಾತ್ | “ಪವಿತ್ರಂ ತೇ ವಿತತಂ ಬ್ರಹ್ಮಣಸ್ಪತೇ”, “ಸೋಮಾರುದ್ರಾ ಯುವಮೇತಾನ್ಯಸ್ಮೇ ವಿಶ್ವಾ ತನೂಷು ಭೇಷಜಾನಿ ಧತ್ತಮ್ | ಅವಸ್ಯತಂ ಮುಂಚತಂ ಯನ್ನೋ ಅಸ್ತಿ ತನೂಷು ಬದ್ಧಂ ಕೃತಮೇನೋ ಅಸ್ಮತ್ | ಸೋಮಾಪೂಷಣಾ ಜನನಾ ರಯೀಣಾಂ ಜನನಾ ದಿವೋ ಜನನಾ ಪೃಥಿವ್ಯಾಃ | ಜಾತೌ ವಿಶ್ವಸ್ಯ ಭುವನಸ್ಯ ಗೋಪೌ ದೇವಾ ಅಕೃಣ್ವನ್ನಮೃತಸ್ಯ ನಾಭಿಮ್ | ” ಇತಿ ಪ್ರಾಕಟ್ಯಂ ಕುರ್ಯಾತ್ | ನ ಕುರ್ಯಾತ್ಪಶುಭಾಷಣಮ್ | ಶ್ರೌತಾನಾಮುಪನಯನಕಾಲೇ ಧಾರಣಮ್ | ಚತುರ್ಥಾಶ್ರಮಃ ಸಂನ್ಯಾಸಾಃ | ಪಞ್ಚಮೋ ಲಿಙ್ಗಧಾರಣಮ್ | ಅತ್ಯಾಶ್ರಮಾಣಾಂ ಮಧ್ಯೇ ಲಿಙ್ಗಧಾರೀ ಶ್ರೇಷ್ಠೋ ಭವತಿ | ಶಿರಸಿ ಮಹಾದೇವಸ್ತಿಷ್ಠತು ಇತಿ ಧಾರಯೇತ್ | ಅನ್ಯಾಯೋ ನ್ಯಾಯಃ | ಪೃಥಿವ್ಯಾಪಸ್ತೇಜೋ ವಾಯುರಾಕಾಶ ಇತಿ ಪಞ್ಚಸ್ವರೂಪಂ ಲಿಙ್ಗಮ್ | ತ್ವಕ್ಛ್ರೋತ್ರನೇತ್ರಜಿಹ್ವಾಘ್ರಾಣಪಞ್ಚಸ್ವರೂಪಮಿತಿ ಲಿಙ್ಗಮ್ | ರೇತೋಬುದ್ಧ್ಯಾಪಮನಃ ಸ್ವರೂಪಮಿತಿ ಲಿಙ್ಗಮ್ | ಸಙ್ಕಲ್ಪ ಇತಿ ಲಿಙ್ಗಮ್ | ಜ್ಯೋತಿರಹಂ ವಿರಜಾ ವಿಪಾಪ್ಮಾಂ ಭೂಯಾಸಂ ಸ್ವರೂಪಮಿತಿ ಲಿಙ್ಗಮ್ | ವ್ರತಂ ಚರೇತ್ | ಸನ್ತಿಷ್ಠೇನ್ನಿಯಮೇನ | ಸರ್ವಂ ಶಾಂಭವೀರೂಪಮ್ | ಶಾಂಭವೀ ವಿದ್ಯೋಚ್ಯತೇ | ಚರೇದೇತಾನಿ ಸೂತ್ರಾಣಿ | ಪಞ್ಚಮುಖಂ ಪಞ್ಚಸ್ವರೂಪಂ ಪಞ್ಚಾಕ್ಷರಂ ಪಞ್ಚಸೂತ್ರಂ ಜ್ಞಾನಮ್ | ಸಿದ್ಧಿರ್ಭವತ್ಯೇವ | ಜ್ಞಾನಾದ್ಧಾರಣಂ ಲಿಙ್ಗದೇಹಪ್ರಕಾರ ಉಚ್ಯತೇ | ಶಿರಃಪಾಣಿಪಾದಪಾಯೂಪಸ್ಥಂ ಸರ್ವಂ ಲಿಙ್ಗಸ್ವರೂಪಮ್ | ಬ್ರಾಹ್ಮಣೋ ವದೇತ್ ||
ಓಂಕಾರೋ ಬಾಣಃ ಶಕ್ತಿರೇವ ಪೀಠಂ ಸಿನ್ದೂರವರ್ಣಂ ಸರ್ವಂ ಲಿಙ್ಗಸ್ವರೂಪಮ್ | ಕೈವಲ್ಯಂ ಕೇವಲಂ ವಿದ್ಯಾತ್ | ವ್ಯವಹಾರಪರಃ ಸ್ಯಾತ್ | ಪ್ರಾಣ ಏವ ಪ್ರಾಣಃ | ಪೂರ್ವಂ ಬ್ರಹ್ಮಾ ಪೀಠಮ್ | ವಿಷ್ಣುರ್ಬಾಣಃ | ರುದ್ರಃ ಸ್ವರೂಪಮ್ | ಸರ್ವಭೂತೈರಥಾಪರಿತ್ಯಾಜ್ಯಶ್ಚ | ವಿಗ್ರಹಮನುಗ್ರಹಲಿಙ್ಗೇಷು ಶಕ್ತಿಕಪಾಲೇಷು ಸರ್ವವಶಙ್ಕರಂ ವಿದ್ಯಾತ್ | ಜಾತಿವಿಷಯಾನ್ ತ್ಯಜೇತ್ | ಶ್ರೌತಾಶ್ರೌತೇಷು ಧಾರಣಮ್ | ವೇದೋಕ್ತವಿಧಿನಾ ಶ್ರೌತಂ ತದ್ರಹಿತಮಶ್ರೌತಮ್ | ಸರ್ವವರ್ಣೇಷು ಧಾರಣಂ ಕೈಲಾಸಸಿದ್ಧಿರ್ಭವತಿ | ಧಾರಣಂ ದೇಹೇ ಕೈಲಾಸಸ್ವರೂಪಮ್ | ಧಾರಣಂ ದೇಹೇ ಕೈವಲ್ಯಸ್ವರೂಪಮ್ | ಧಾರಣಂ ದೇಹೇ ಪ್ರಣವಸ್ವರೂಪಮ್ | ಧಾರಣಂ ದೇಹೇ ವೇದಸ್ವರೂಪಮ್ | ಧಾರಣಂ ದೇಹೇ ಬ್ರಹ್ಮಸ್ವರೂಪಮ್ | ಧಾರಣಂ ದೇಹೇ ಶಿವಸ್ವರೂಪಮ್ | ಶಿರಸಿ ಬಾಣಂ ಬಾಹುನಾಭಿಪೀಠಪ್ರಕೃತಿರೂಪಕಂ ದೇಹೇ ಧಾರಣಂ ಯಸ್ಯ ನ ವಿದ್ಯತೇ ತದ್ದೇಹಂ ನ ಪಶ್ಯೇತ್ | ಶಿರಃಕಪಾಲಂ ಕೇಶಾನ್ ನ ಕುರ್ಯಾತ್ | ಶಿರಃಪೀಠಂ ಲಿಙ್ಗಾತ್ಮಕಂ ಸರ್ವಮ್ | ಶಾಂಭವೀವಿಗ್ರಹ ಉಚ್ಯತೇ | ಪ್ರಾಣಾದಿಲಿಙ್ಗಸ್ವರೂಪಂ ಗುರೋಲಿಙ್ಗಮ್ | ಗುರುಸಂಭವಾತ್ಮಕಂ ಲಿಙ್ಗಂ ಪ್ರಗುರೋಃ | ತತಃ ಪ್ರಥಮಂ ಪ್ರಣಿಪತತಿ | ಪ್ರಣವಸ್ವರೂಪಂ ಲಿಙ್ಗಂ ಬ್ರಹ್ಮಲಿಙ್ಗಮ್ | ಪ್ರಕಾಶಾತ್ಮಕಂ ಲಿಙ್ಗಂ ವಿದ್ಯಾಲಿಙ್ಗಮ್ | ವಿದ್ಯಾಲಿಙ್ಗಂ ಜ್ಞಾನಸ್ವರೂಪಮ್ | ಲಿಙ್ಗಂ ಪ್ರಚರೇಚ್ಛಾಸ್ತ್ರಾತ್ | ಲಿಙ್ಗಸ್ವರೂಪೇಯಂ ಸಿದ್ವಿರ್ಭವಿಷ್ಯತಿ | ಸರ್ವದೇಹೇಷು ಲಿಙ್ಗಧಾರಣಂ ಭವತಿ | ಇತಿ ವೇದಪುರುಷೋ ಮನ್ಯತೇ | ಮಹಾಪುರುಷೋಪೇತಂ ಯೋ ವೇದ ಸ ಏವ ನಿತ್ಯಪೂತಸ್ಥಃ | ಸ ಏವ ನಿತ್ಯಪೂತಸ್ಥಃ ಸ್ಯಾದ್ದೈವಲೌಕಿಕಃ ಪುರುಷಃ | ಸ ಏವಾಮುಷ್ಮಿಕಪುರುಷ ಇತಿ ಮನ್ಯನ್ತೇ | ಜೀವಾತ್ಮಾ ಪರಮಾತ್ಮಾ ಚ ಸ ಏವೋಚ್ಯತೇ | ಇಷ್ಟಪ್ರಾಣಾಭಾವೇಷು ಲಿಙ್ಗಧಾರಣಂ ವದನ್ತಿ | ಇಷ್ಟೇ ಧಾರಣಮ್ | ತಿಸ್ರಃ ಪುರಸ್ತ್ರಿಪದಾ ವಿಶ್ವಚರ್ಷಣೀ | ಪುರನಾಶೇ ಲಿಙ್ಗಸ್ವರೂಪಾಜ್ಞಾಸಿದ್ಧಿರ್ಭವತ್ಯವಜ್ಞಾನೇಽಸತಿ | ಸಂಯುಕ್ತಂ ಲಿಙ್ಗಂ ಮೋಕ್ಷ ಏವ ಭವತ್ಯೇವ | ಮೋಕ್ಷಮೇವ ಧಾರಣಂ ವಿದ್ಯಾತ್ | ಉಶನ್ತೀವ ಮಾತರಂ ಕುರ್ಯಾತ್ |
ಇತ್ಯೇವಂ ವೇದೇತ್ಯುಪನಿಷತ್ | ಓಂ ತತ್ಸತ್ ||
ಇತಿ ಲಿಙ್ಗೋಪನಿಷತ್ ಸಮಾಪ್ತಾ |
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
