Read in తెలుగు / ಕನ್ನಡ / தமிழ் / देवनागरी / English (IAST)
ಕುಲಶೇಖರಪಾಂಡ್ಯ ಉವಾಚ –
ಮಹಾನೀಪಾರಣ್ಯಾಂತರ ಕನಕಪದ್ಮಾಕರತಟೀ
ಮಹೇಂದ್ರಾನೀತಾಷ್ಟದ್ವಿಪಧೃತವಿಮಾನಾಂತರಗತಮ್ |
ಮಹಾಲೀಲಾಭೂತಪ್ರಕಟಿತವಿಶಿಷ್ಟಾತ್ಮವಿಭವಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧ ||
ನಮನ್ನಾಳೀಕಾಕ್ಷಾಂಬುಜ ಭವಸುನಾಶೀರ ಮಕುಟೀ
ವಮನ್ಮಾಣಿಕ್ಯಾಂಶುಸ್ಫುರದರುಣಪಾದಾಬ್ಜಯುಗಳಮ್ |
ಅಮಂದಾನಂದಾಬ್ಧಿಂ ಹರಿನಯನಪದ್ಮಾರ್ಚಿತಪದಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೨ ||
ಮಹಾಮಾತಂಗಾಸೃಗ್ವರವಸನಮದೀಂದ್ರತನಯಾ
ಮಹಾಭಾಗ್ಯಂ ಮತ್ತಾಂಧಕಕರಟಿಕಂಠೀರವವರಮ್ |
ಮಹಾಭೋಗೀಂದ್ರೋದ್ಯತ್ಫಣಗಣಿಗಣಾಲಂಕೃತತನುಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೩ ||
ಸಮೀರಾಹಾರೇಂದ್ರಾಂಗದಮಖಿಲಲೋಕೈಕಜನನಂ
ಸಮೀರಾಹಾರಾತ್ಮಾ ಪ್ರಣತಜನಹೃತ್ಪದ್ಮನಿಲಯಮ್ |
ಸುಮೀನಾಕ್ಷೀ ವಕ್ತ್ರಾಂಬುಜ ತರುಣಸೂರಂ ಸುಮನಸಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೪ ||
ನತಾಘೌಘಾರಣ್ಯಾನಲಮನಿಲಭುಙ್ನಾಥವಲಯಂ
ಸುಧಾಂಶೋರರ್ಧಾಂಶಂ ಶಿರಸಿ ದಧತಂ ಜಹ್ನುತನಯಾಮ್ |
ವದಾನ್ಯಾನಾಮಾದ್ಯಂ ವರವಿಬುಧವಂದ್ಯಂ ವರಗುಣಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೫ ||
ಮಹಾದುಗ್ಧಾಂಬೋಧೌಮಥನಜವಸಂಭೂತಮಸಿತಂ
ಮಹಾಕಾಳಂ ಕಂಠೇ ಸಕಲಭಯಭಂಗಾಯ ದಧತಮ್ |
ಮಹಾಕಾರುಣ್ಯಾಬ್ಧಿಂ ಮಧುಮಥನ ದೃಗ್ದೂರಚರಣಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೬ ||
ದಶಾಸ್ಯಾಹಂಕಾರ ದ್ರುಮ ಕುಲಿಶಿತಾಂಗುಷ್ಠನಖರಂ
ನಿಶಾನಾಥ ಶ್ರೀಜಿನ್ನಿಜವದನಬಿಂಬಂ ನಿರವಧಿಮ್ |
ವಿಶಾಲಾಕ್ಷಂ ವಿಶ್ವಪ್ರಭವ ಭರಣೋಪಾಯಕರಣಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೭ ||
ಅನಾಕಾರಂಹಾರಿಕೃತಭುಜಗರಾಜಂ ಪುರಹರಂ
ಸನಾಥಂ ಶರ್ವಾಣ್ಯಾ ಸರಸಿರುಹಪತ್ರಾಯತದೃಶಮ್ |
ದಿನಾರಂಭಾದಿತ್ಯಾಯುತಶತನಿಭಾನಂದವಪುಷಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೮ ||
ಉಮಾಪೀನೋತ್ತುಂಗ ಸ್ತನತಟಲ ಸತ್ಕುಂಕುಮರಜ-
ಸ್ಸಮಾಹಾರಾತ್ಯಂತಾರುಣವಿಪುಲದೋರಂತರತಲಮ್ |
ರಮಾ ವಾಣೀಂದ್ರಾಣೀರತಿವಿರಚಿತಾರಾಧನವಿಧಿಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೯ ||
ಧರಾಪಾಥಸ್ಸ್ವಾಹಾಸಹಚರ ಜಗತ್ಪ್ರಾಣಶಶಭೃ-
ತ್ಸುರಾಧ್ವಾಹರ್ನಾದಾಧ್ವರ ಕರಶರೀರಂ ಶಶಿಧರಮ್ |
ಸುರಾಹಾರಾಸ್ವಾದಾತಿಶಯ ನಿಜವಾಚಂ ಸುಖಕರಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೦ ||
ಧರಾಪೀಠಂ ಧಾರಾಧರಕಲಶಮಾಕಾಶವಪುಷಂ
ಧರಾಭೃದ್ದೋದ್ದಂಡಂ ತಪನ ಶಶಿ ವೈಶ್ವಾನರದೃಶಮ್ |
ವಿರಾಜನ್ನಕ್ಷತ್ರ ಪ್ರಸವಮುದರೀಭೂತ ಜಲಧಿಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೧ ||
ಸುಪರ್ಣಾಂಕಾಂಭೋಜಾಸನ ದೃಗತಿ ದೂರಾಂಘ್ರಿಮಕುಟಂ
ಸುವರ್ಣಾಹಾರ ಸ್ರಕ್ಸುರವಿಟಪಿಶಾಖಾಯುತಭುಜಮ್ |
ಅಪರ್ಣಾಪಾದಾಬ್ಜಾಹತಿ ಚಲಿತ ಚಂದ್ರಾರ್ಥಿತ ಜಟಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೨ ||
ಮಖಾರಾತಿಂ ಮಂದಸ್ಮಿತ ಮಧುರಬಿಂಬಾಧರ ಲಸ-
ನ್ಮುಖಾಂಭೋಜಂ ಮುಗ್ಧಾಮೃತಕಿರಣಚೂಡಾಮಣಿಧರಮ್ |
ನಖಾಕೃಷ್ಟೇಭತ್ವಕ್ಪರಿವೃತ ಶರೀರಂ ಪಶುಪತಿಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೩ ||
ಸಹಸ್ರಾಬ್ಜೈಕೋನೇ ನಿಜನಯನಮುದ್ಧೃತ್ಯ ಜಯತೇ
ಸಹಸ್ರಾಖ್ಯಾಪೂರ್ತ್ಯೈ ಸರಸಿಜದೃಶೇ ಯೇನ ಕೃಪಯಾ |
ಸಹಸ್ರಾರಂ ದತ್ತಂ ತಪನ ನಿಯುತಾಭಂ ರಥಪದಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೪ ||
ರಥಾವನ್ಯಾಮ್ನಾಯಾಶ್ವಮಜರಥಕಾರಂ ರಣಪಟುಂ
ರಥಾಂಗಾದಿತ್ಯೇಂದುಂ ರಥಪದ ಧರಾಸ್ತ್ರಂ ರಥಿವರಮ್ |
ರಥಾಧಾರೇಷ್ವಾಸಂ ರಥಧರ ಗುಣಂ ರಮ್ಯಫಲದಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೫ ||
ಧರಾಕರ್ಷಾಪಾಸ್ತ ಪ್ರಚುರ ಭುಜಕಂಡೂಯನ ಜಲಂ
ಧರಾಹಾರ್ಯದ್ವೈಧೀ ಕರಣಹೃತಲೋಕತ್ರಯಭಯಮ್ |
ಸ್ಮರಾಕಾರಾಹಾರಾವೃತಚಟುಲ ಪಾಲಾನಲಕಣಂ
ಮಹಾದೇವಂ ವಂದೇ ಮಧುರಶಫರಾಕ್ಷೀಸಹಚರಮ್ || ೧೬ ||
ಸೋಮಸುಂದರನಾಥಸ್ಯ ಸ್ತೋತ್ರಂ ಭಕ್ತ್ಯಾ ಪಠಂತಿ ಯೇ |
ಶ್ರಿಯಾಪರಮಯಾ ಯುಕ್ತಾಶ್ಶಿವಮಂತೇ ಭಜಂತಿ ತೇ || ೧೭ ||
ಇತಿ ಶ್ರೀಹಾಲಾಸ್ಯಮಹಾತ್ಮ್ಯೇ ಕುಲಶೇಖರಪಾಂಡ್ಯಕೃತಾ ಶ್ರೀಶಿವಸ್ತುತಿಃ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
