Read in తెలుగు / ಕನ್ನಡ / தமிழ் / देवनागरी / English (IAST)
ದೇವಾ ಊಚುಃ |
ನಮಃ ಸಹಸ್ರನೇತ್ರಾಯ ನಮಸ್ತೇ ಶೂಲಪಾಣಿನೇ |
ನಮಃ ಖಟ್ವಾಂಗಹಸ್ತಾಯ ನಮಸ್ತೇ ದಂಡಧಾರಿಣೇ || ೧ ||
ತ್ವಂ ದೇವಹುತಭುಗ್ಜ್ವಾಲಾ ಕೋಟಿಭಾನುಸಮಪ್ರಭಃ |
ಅದರ್ಶನೇ ವಯಂ ದೇವ ಮೂಢವಿಜ್ಞಾನತೋಧುನಾ || ೨ ||
ನಮಸ್ತ್ರಿನೇತ್ರಾರ್ತಿಹರಾಯ ಶಂಭೋ
ತ್ರಿಶೂಲಪಾಣೇ ವಿಕೃತಾಸ್ಯರೂಪ |
ಸಮಸ್ತ ದೇವೇಶ್ವರ ಶುದ್ಧಭಾವ
ಪ್ರಸೀದ ರುದ್ರಾಽಚ್ಯುತ ಸರ್ವಭಾವ || ೩ ||
ಭಗಾಸ್ಯ ದಂತಾಂತಕ ಭೀಮರೂಪ
ಪ್ರಲಂಬ ಭೋಗೀಂದ್ರ ಲುಲುಂತಕಂಠ |
ವಿಶಾಲದೇಹಾಚ್ಯುತ ನೀಲಕಂಠ
ಪ್ರಸೀದ ವಿಶ್ವೇಶ್ವರ ವಿಶ್ವಮೂರ್ತೇ || ೪ ||
ಭಗಾಕ್ಷಿ ಸಂಸ್ಫೋಟನ ದಕ್ಷಕರ್ಮಾ
ಗೃಹಾಣ ಭಾಗಂ ಮಖತಃ ಪ್ರಧಾನಮ್ |
ಪ್ರಸೀದ ದೇವೇಶ್ವರ ನೀಲಕಂಠ
ಪ್ರಪಾಹಿ ನಃ ಸರ್ವಗುಣೋಪಪನ್ನ || ೫ ||
ಸೀತಾಂಗರಾಗಾ ಪ್ರತಿಪನ್ನಮೂರ್ತೇ
ಕಪಾಲಧಾರಿಂಸ್ತ್ರಿಪುರಘ್ನದೇವ |
ಪ್ರಪಾಹಿ ನಃ ಸರ್ವಭಯೇಷು ಚೈಕಂ
ಉಮಾಪತೇ ಪುಷ್ಕರನಾಳಜನ್ಮ || ೬ ||
ಪಶ್ಯಾಮಿ ತೇ ದೇಹಗತಾನ್ ಸುರೇಶ
ಸರ್ಗಾರಯೋವೇದವರಾನನಂತ |
ಸಾಂಗನ್ ಸವಿದ್ಯಾನ್ ಸಪದಕ್ರಮಾಂಶ್ಚ
ಸರ್ವಾನ್ನಿಲೀನಾಂಸ್ತ್ವಯಿ ದೇವದೇವ || ೭ ||
ಭವ ಶರ್ವ ಮಹಾದೇವ ಪಿನಾಕಿನ್ ರುದ್ರ ತೇ ಹರ |
ನತಾಃ ಸ್ಮ ಸರ್ವೇ ವಿಶ್ವೇಶ ತ್ರಾಹಿ ನಃ ಪರಮೇಶ್ವರ || ೮ ||
ಇತಿ ಶ್ರೀವರಾಹಪುರಾಣಾಂತರ್ಗತ ದೇವಕೃತ ಶಿವಸ್ತುತಿಃ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
