Deva Krita Shiva Stuti – śrī śiva stutiḥ (dēva kr̥tam)

dēvā ūcuḥ –
namassahasranētrāya namastē śūlapāṇinē |
namaḥ khaṭvāṅgahastāya namastē daṇḍadhāriṇē || 1 ||

tvaṁ dēvahutabhugjvālā kōṭibhānusamaprabhaḥ |
adarśanē vayaṁ dēva mūḍhavijñānatōdhunā || 2 ||

namastrinētrārtiharāya śaṁbhō
triśūlapāṇē vikr̥tāsyarūpa |
samasta dēvēśvara śuddhabhāva
prasīda rudrā:’cyuta sarvabhāva || 3 ||

bhagāsya dantāntaka bhīmarūpa
pralamba bhōgīndra luluntakaṇṭha |
viśāladēhācyuta nīlakaṇṭha
prasīda viśvēśvara viśvamūrtē || 4 ||

bhagākṣi saṁsphōṭana dakṣakarmā
gr̥hāṇa bhāgaṁ makhataḥ pradhānam |
prasīda dēvēśvara nīlakaṇṭha
prapāhi nassarvaguṇōpapanna || 5 ||

sītāṅgarāgā pratipannamūrtē
kapāladhāriṁ-stripuraghnadēva |
prapāhi nassarvabhayēṣu caikaṁ
umāpatē puṣkaranālajanma || 6 ||

paśyāmi tē dēhagatāṁ-tsurēśa
sargārayōvēdavarānananta |
sāṅgansavidyān sapadakramāmśca
sarvānnilīnāṁ-stvayi dēvadēva || 7 ||

bhava śarva mahādēva pinākin rudra tē hara |
natāssma sarvē viśvēśa trāhinaḥ paramēśvara || 8 ||

itthaṁ stutastadā dēvairdēvadēvō mahēśvaraḥ |
santōṣassarvadēvānāṁ vākyaṁ cēdamuvācaha || 9 ||

iti śrīvarāhapurāṇāntargata dēvakr̥ta śivastutiḥ |


See more śrī śiva stotras for chanting.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: