Read in తెలుగు / ಕನ್ನಡ / தமிழ் / देवनागरी / English (IAST)
kulaśēkharapāṇḍya uvāca –
mahānīpāraṇyāntara kanakapadmākarataṭī
mahēndrānītāṣṭadvipadhr̥tavimānāntaragatam |
mahālīlābhūtaprakaṭitaviśiṣṭātmavibhavaṁ
mahādēvaṁ vandē madhuraśapharākṣīsahacaram || 1 ||
namannālīkākṣāmbuja bhavasunāśīra makuṭī
vamanmāṇikyāmśusphuradaruṇapādābjayugalam |
amandānandābdhiṁ harinayanapadmārcitapadaṁ
mahādēvaṁ vandē madhuraśapharākṣīsahacaram || 2 ||
mahāmātaṅgāsr̥gvaravasanamadīndratanayā
mahābhāgyaṁ mattāndhakakaraṭikaṇṭhīravavaram |
mahābhōgīndrōdyatphaṇagaṇigaṇālaṅkr̥tatanuṁ
mahādēvaṁ vandē madhuraśapharākṣīsahacaram || 3 ||
samīrāhārēndrāṅgadamakhilalōkaikajananaṁ
samīrāhārātmā praṇatajanahr̥tpadmanilayam |
sumīnākṣī vaktrāmbuja taruṇasūraṁ sumanasaṁ
mahādēvaṁ vandē madhuraśapharākṣīsahacaram || 4 ||
natāghaughāraṇyānalamanilabhuṅnāthavalayaṁ
sudhāmśōrardhāmśaṁ śirasi dadhataṁ jahnutanayām |
vadānyānāmādyaṁ varavibudhavandyaṁ varaguṇaṁ
mahādēvaṁ vandē madhuraśapharākṣīsahacaram || 5 ||
mahādugdhāmbōdhaumathanajavasambhūtamasitaṁ
mahākālaṁ kaṇṭhē sakalabhayabhaṅgāya dadhatam |
mahākāruṇyābdhiṁ madhumathana dr̥gdūracaraṇaṁ
mahādēvaṁ vandē madhuraśapharākṣīsahacaram || 6 ||
daśāsyāhaṅkāra druma kuliśitāṅguṣṭhanakharaṁ
niśānātha śrījinnijavadanabimbaṁ niravadhim |
viśālākṣaṁ viśvaprabhava bharaṇōpāyakaraṇaṁ
mahādēvaṁ vandē madhuraśapharākṣīsahacaram || 7 ||
anākāraṁhārikr̥tabhujagarājaṁ puraharaṁ
sanāthaṁ śarvāṇyā sarasiruhapatrāyatadr̥śam |
dinārambhādityāyutaśatanibhānandavapuṣaṁ
mahādēvaṁ vandē madhuraśapharākṣīsahacaram || 8 ||
umāpīnōttuṅga stanataṭala satkuṅkumaraja-
ssamāhārātyantāruṇavipuladōrantaratalam |
ramā vāṇīndrāṇīrativiracitārādhanavidhiṁ
mahādēvaṁ vandē madhuraśapharākṣīsahacaram || 9 ||
dharāpāthassvāhāsahacara jagatprāṇaśaśabhr̥-
tsurādhvāharnādādhvara karaśarīraṁ śaśidharam |
surāhārāsvādātiśaya nijavācaṁ sukhakaraṁ
mahādēvaṁ vandē madhuraśapharākṣīsahacaram || 10 ||
dharāpīṭhaṁ dhārādharakalaśamākāśavapuṣaṁ
dharābhr̥ddōddaṇḍaṁ tapana śaśi vaiśvānaradr̥śam |
virājannakṣatra prasavamudarībhūta jaladhiṁ
mahādēvaṁ vandē madhuraśapharākṣīsahacaram || 11 ||
suparṇāṅkāṁbhōjāsana dr̥gati dūrāṅghrimakuṭaṁ
suvarṇāhāra sraksuraviṭapiśākhāyutabhujam |
aparṇāpādābjāhati calita candrārthita jaṭaṁ
mahādēvaṁ vandē madhuraśapharākṣīsahacaram || 12 ||
makhārātiṁ mandasmita madhurabimbādhara lasa-
nmukhāṁbhōjaṁ mugdhāmr̥takiraṇacūḍāmaṇidharam |
nakhākr̥ṣṭēbhatvakparivr̥ta śarīraṁ paśupatiṁ
mahādēvaṁ vandē madhuraśapharākṣīsahacaram || 13 ||
sahasrābjaikōnē nijanayanamuddhr̥tya jayatē
sahasrākhyāpūrtyai sarasijadr̥śē yēna kr̥payā |
sahasrāraṁ dattaṁ tapana niyutābhaṁ rathapadaṁ
mahādēvaṁ vandē madhuraśapharākṣīsahacaram || 14 ||
rathāvanyāmnāyāśvamajarathakāraṁ raṇapaṭuṁ
rathāṅgādityēnduṁ rathapada dharāstraṁ rathivaram |
rathādhārēṣvāsaṁ rathadhara guṇaṁ ramyaphaladaṁ
mahādēvaṁ vandē madhuraśapharākṣīsahacaram || 15 ||
dharākarṣāpāsta pracura bhujakaṇḍūyana jalaṁ
dharāhāryadvaidhī karaṇahr̥talōkatrayabhayam |
smarākārāhārāvr̥tacaṭula pālānalakaṇaṁ
mahādēvaṁ vandē madhuraśapharākṣīsahacaram || 16 ||
sōmasundaranāthasya stōtraṁ bhaktyā paṭhanti yē |
śriyāparamayā yuktāśśivamantē bhajanti tē || 17 ||
iti śrīhālāsyamahātmyē kulaśēkharapāṇḍyakr̥tā śrīśivastutiḥ |
See more śrī śiva stotras for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
