Sri Surya Chandrakala Stotram – śrī sūryacandrakalā stōtram

stōtranidhi → śrī sūrya stōtrāṇi → śrī sūryacandrakalā stōtram

divānātha niśānāthau tau cchāyārōhiṇipriyau |
kaśyapā:’trisamudbhūtau sūryacandrau gatirmama || 1 ||

graharājau puṣpavantau siṁhakarkaṭakādhipau |
atyuṣṇānuṣṇakiraṇau sūryacandrau gatirmama || 2 ||

ēkacakratricakrāḍhyarathau lōkaikasākṣiṇau |
lasatpadmagadāhastau sūryacandrau gatirmama || 3 ||

dvādaśātmā sudhātmānau divākaraniśākarau |
saptamī daśamī jātau sūryacandrau gatirmama || 4 ||

adityākhyānasūyākhya dēvīgarbhasamudbhavau |
ārōgyāhlādakartārau sūryacandrau gatirmama || 5 ||

mahātmānau cakravākacakōraprītikārakau |
sahasraṣōḍaśakalau sūryacandrau gatirmama || 6 ||

kaliṅgayamunādhīśau kamalōtpalabāndhavau |
māṇikyamuktāsuprītau sūryacandrau gatirmama || 7 ||

śanitārēyajanakau vārdhiśōṣakatōṣakau |
vr̥ṣṭisasyākarakarau sūryacandrau gatirmama || 8 ||

viṣṇunētrātmakau rudrarathacakrātmakāvubhau |
rāmakr̥ṣṇānvayakarau sūryacandrau gatirmama || 9 ||

harisaptāśvadhavalau daśāśvau pāpahāriṇau |
siddhāntavyākr̥tikarau sūryacandrau gatirmama || 10 ||

suvartulacatuṣkōṇamaṇḍalāḍhyau tamōpahau |
gōdhūmataṇḍulaprītau sūryacandrau gatirmama || 11 ||

lōkēśāvātapajjyōtsnāśālinau rāhusūcakau |
mandēhadēvajētārau sūryacandrau gatirmama || 12 ||

aruṇākhyasubandhvākhyasārathī vyōmacāriṇau |
mahādhvaraprakartārau sūryacandrau gatirmama || 13 ||

arkapālāśasuprītau prabhākarasudhākarau |
yamunānarmadātārau sūryacandrau gatirmama || 14 ||

pāṣāṇajvālavidrāvakāriṇau kālasūcakau |
viśākhākr̥ttikājātau sūryacandrau gatirmama || 15 ||

upēndralakṣmīsahajau grahanakṣatranāyakau |
kṣatradvijamahārājau sūryacandrau gatirmama || 16 ||

śrīcāmuṇḍākr̥pāpātra śrīkr̥ṣṇēndravinirmitam |
vilasatpuṣpavat stōtra kalāślōkavirājitam || 17 ||

idaṁ pāpaharaṁ stōtraṁ sadā bhaktyā paṭhanti yē |
tē labhantē putrapautrādyāyurārōgyasampadaḥ || 18 ||

iti śrī sūryacandrakalā stōtram |

---

See more śrī sūrya stōtrāṇi for chanting. See more navagraha stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related