Read in తెలుగు / ಕನ್ನಡ / தமிழ் / देवनागरी / English (IAST)
agastya uvāca |
hayagrīva mahāprājña mama jñānapradāyaka |
lalitā kavacaṁ brūhi karuṇāmayi cēttava || 1 ||
hayagrīva uvāca |
nidānaṁ śrēyasāmētallalitāvarmasañjñitam |
paṭhatāṁ sarvasiddhissyāttadidaṁ bhaktitaśśr̥ṇu || 2 ||
lalitā pātu śirō mē lalāṭamambā madhumatīrūpā |
bhrūyugmaṁ ca bhavānī puṣpaśarā pātu lōcanadvandvam || 3 ||
pāyānnāsāṁ bālā subhagā dantāṁśca sundarī jihvām |
adharōṣṭhamādiśaktiścakrēśī pātu mē sadā cubukam || 4 ||
kāmēśvaryavatu karṇau kāmākṣī pātu mē gaṇḍayōryugmam |
śr̥ṅgāranāyikākhyā vaktraṁ siṁhāsanēśvaryavatu galaṁ || 5 ||
skandaprasūśca pātu skandhau bāhū ca pāṭalāṅgī mē |
pāṇī ca padmanilayā pāyādaniśaṁ nakhāvaliṁ vijayā || 6 ||
kōdaṇḍinī ca vakṣaḥ kukṣiṁ pāyātkulācalāttabhavā |
kalyāṇītvavatu lagnaṁ kaṭiṁ ca pāyātkalādharaśikhaṇḍā || 7 ||
ūrudvayaṁ ca pāyādumā mr̥ḍānī ca jānunī rakṣēt |
jaṅghē ca ṣōḍaśī mē pāyātpādau ca pāśasr̥ṇihastā || 8 ||
prātaḥ pātu parā māṁ madhyāhnē pātu māṁ maṇigr̥hāntasthā |
śarvāṇyavatu ca sāyaṁ pāyādrātrau ca bhairavī satatam || 9 ||
bhāryāṁ rakṣatu gaurī pāyātputrāṁśca bindugrahapīṭhā |
śrīvidyā ca yaśō mē śīlaṁ cāvyācciraṁ mahārājñī || 10 ||
pavanamayi pāvakamayi kṣōṇīmayi vyōmamayi kr̥pīṭamayi |
śrīmayi śaśimayi ravimayi samayamayi prāṇamayi śivamayītyādi || 11 ||
kālī kapālinī śūlinī bhairavī mātaṅgī pañcamī tripurē |
vāgdēvī vindhyavāsinī bālē bhuvanēśi pālaya ciraṁ mām || 12 ||
abhinavasindūrābhāmamba tvāṁ cintayanti yē hr̥dayē |
upari nipatanti tēṣāmutpalanayanā kaṭākṣakallōlāḥ || 13 ||
vargāṣṭapaṅktikābhirvaśinī mukhābhiradhikr̥tāṁ bhavatīm |
cintayatāṁ pītavarṇāṁ pāpōniryātya yatnatō vadanāt || 14 ||
kanakalatāvadgaurīṁ karṇa vyālōla kuṇḍala dvitayām |
prahasitamukhīṁ ca bhavatīṁ dhyāyantōyē bhavanti mūrdhanyāḥ || 15 ||
śīrṣāṁbhōruhamadhyē śītalapīyūṣavarṣiṇīṁ bhavatīm |
anudinamanucintayatāmāyuṣyaṁ bhavati puṣkalamavanyām || 16 ||
madhurasmitāṁ madāruṇanayanāṁ mātaṅgakuṁbhavakṣōjām |
candrāvataṁsinīṁ tvāṁ satataṁ paśyanti sukr̥tinaḥ kēcit || 17 ||
lalitāyāḥ stavaratnaṁ lalitapadābhiḥ praṇītamāryābhiḥ |
anudinamanucintayatāṁ phalānivaktuṁ pragalbhatē na śivaḥ || 18 ||
pūjā hōmastarpaṇaṁ syānmantraśaktiprabhāvataḥ |
puṣpājya tōyābhāvēpi japamātrēṇa siddhyati || 19 ||
iti śrīlalitāryākavacastōtraratnam |
See more śrī lalitā stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
