Read in తెలుగు / ಕನ್ನಡ / தமிழ் / देवनागरी / English (IAST)
ನಮಾಮಿ ಸರ್ವೇ ಶರಣಾರ್ಥಿನೋ ವಯಂ
ಮಹೇಶ್ವರ ತ್ರ್ಯಂಬಕ ಭೂತಭಾವನ |
ಉಮಾಪತೇ ವಿಶ್ವಪತೇ ಮರುತ್ಪತೇ
ಜಗತ್ಪತೇ ಶಂಕರ ಪಾಹಿ ನಸ್ಸ್ವಯಮ್ || ೧ ||
ಜಟಾಕಲಾಪಾಗ್ರ ಶಶಾಂಕದೀಧಿತಿ
ಪ್ರಕಾಶಿತಾಶೇಷಜಗತ್ತ್ರಯಾಮಲ |
ತ್ರಿಶೂಲಪಾಣೇ ಪುರುಷೋತ್ತಮಾಽಚ್ಯುತ
ಪ್ರಪಾಹಿನೋ ದೈತ್ಯಭಯಾದುಪಸ್ಥಿತಾತ್ || ೨ ||
ತ್ವಮಾದಿದೇವಃ ಪುರುಷೋತ್ತಮೋ ಹರಿ-
ರ್ಭವೋ ಮಹೇಶಸ್ತ್ರಿಪುರಾಂತಕೋ ವಿಭುಃ |
ಭಗಾಕ್ಷಹಾ ದೈತ್ಯರಿಪುಃ ಪುರಾತನೋ
ವೃಷಧ್ವಜಃ ಪಾಹಿ ಸುರೋತ್ತಮೋತ್ತಮ || ೩ ||
ಗಿರೀಶಜಾನಾಥ ಗಿರಿಪ್ರಿಯಾಪ್ರಿಯ
ಪ್ರಭೋ ಸಮಸ್ತಾಮರಲೋಕಪೂಜಿತ |
ಗಣೇಶ ಭೂತೇಶ ಶಿವಾಕ್ಷಯಾವ್ಯಯ
ಪ್ರಪಾಹಿ ನೋ ದೈತ್ಯವರಾಂತಕಾಽಚ್ಯುತ || ೪ ||
ಪೃಥ್ವ್ಯಾದಿತತ್ತ್ವೇಷು ಭವಾನ್ ಪ್ರತಿಷ್ಠಿತೋ
ಧ್ವನಿಸ್ವರೂಪೋ ಗಗನೇ ವಿಶೇಷತಃ |
ಲಿನೋ ದ್ವಿಧಾ ತೇಜಸಿ ಸ ತ್ರಿಧಾಜಲೇ
ಚತುಃಕ್ಷಿತೌ ಪಂಚಗುಣಪ್ರಧಾನಃ || ೫ ||
ಅಗ್ನಿಸ್ವರೂಪೋಸಿ ತರೌ ತಥೋಪಲೇ
ಸತ್ತ್ವಸ್ವರೂಪೋಸಿ ತಥಾ ತಿಲೇಷ್ವಪಿ |
ತೈಲಸ್ವರೂಪೋ ಭಗವಾನ್ ಮಹೇಶ್ವರಃ
ಪ್ರಪಾಹಿ ನೋ ದೈತ್ಯಗಣಾರ್ದಿತಾನ್ ಹರ || ೬ ||
ನಾಸೀದ್ಯದಾಕಾಂಡಮಿದಂ ತ್ರಿಲೋಚನ
ಪ್ರಭಾಕರೇಂದ್ರೇಂದು ವಿನಾಪಿ ವಾ ಕುತಃ |
ತದಾ ಭವಾನೇವ ವಿರುದ್ಧಲೋಚನ
ಪ್ರಮಾದಬಾಧಾದಿವಿವರ್ಜಿತಃ ಸ್ಥಿತಃ || ೭ ||
ಕಪಾಲಮಾಲಿನ್ ಶಶಿಖಂಡಶೇಖರ
ಶ್ಮಶಾನವಾಸಿನ್ ಸಿತಭಸ್ಮಗುಂಭಿತ |
ಫಣೀಂದ್ರಸಂವೀತತನೋಂತಕಾಂತಕ
ಪ್ರಪಾಹಿ ನೋ ದಕ್ಷಧಿಯಾ ಸುರೇಶ್ವರ || ೮ ||
ಭವಾನ್ ಪುಮಾನ್ ಶಕ್ತಿರಿಯಂ ಗಿರೇಸ್ಸುತಾ
ಸರ್ವಾಂಗರೂಪಾ ಭಗವನ್-ಸ್ತದಾತ್ವಯಿ |
ತ್ರಿಶೂಲರೂಪೇಣ ಜಗದ್ಭಯಂಕರೇ
ಸ್ಥಿತಂ ತ್ರಿನೇತ್ರೇಷು ಮಖಾಗ್ನಯಸ್ತ್ರಯಃ || ೯ ||
ಜಟಾಸ್ವರೂಪೇಣ ಸಮಸ್ತಸಾಗರಾಃ
ಕುಲಾಚಲಾಸ್ಸಿಂಧುವಹಾಶ್ಚ ಸರ್ವಶಃ |
ಶರೀರಜಂ ಜ್ಞಾನಮಿದಂ ತ್ವವಸ್ಥಿತಂ
ತದೇವ ಪಶ್ಯಂತಿ ಕುದೃಷ್ಟ ಯೋ ಜನಾಃ || ೧೦ ||
ನಾರಾಯಣಸ್ತ್ವಂ ಜಗತಾಂ ಸಮುದ್ಭವ-
ಸ್ತಥಾ ಭವಾನೇವ ಚತುರ್ಮುಖೋ ಮಹಾನ್ |
ಸತ್ತ್ವಾದಿಭೇದೇನ ತಥಾಗ್ನಿಭೇದಿತೋ
ಯುಗಾದಿಭೇದೇನ ಚ ಸಂಸ್ಥಿತಸ್ತ್ರಿಧಾ || ೧೧ ||
ಭವಂತಮೇತೇ ಸುರನಾಯಕಾಃ ಪ್ರಭೋ
ಭವಾರ್ಥಿನೋಽನ್ಯಸ್ಯ ವದಂತಿ ತೋಷಯನ್ |
ಯತಸ್ತತೋನೋ ಭವ ಭೂತಿಭೂಷಣ
ಪ್ರಪ್ರಾಹಿ ವಿಶ್ವೇಶ್ವರ ರುದ್ರ ತೇ ನಮಃ || ೧೨ ||
ಇತಿ ಶ್ರೀ ವರಾಹಪುರಾಣೇ ಇಂದ್ರಾದಿಕೃತ ಶಿವಸ್ತುತಿಃ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
