Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಸರ್ವಸಾಮ್ರಾಜ್ಯ ಮೇಧಾಕಾಳೀಸ್ವರೂಪ ಕಕಾರಾತ್ಮಕ ಸಹಸ್ರನಾಮಸ್ತೋತ್ರ ಮಂತ್ರಸ್ಯ ಮಹಾಕಾಲ ಋಷಿಃ ಅನುಷ್ಟುಪ್ ಛಂದಃ ಶ್ರೀದಕ್ಷಿಣ ಮಹಾಕಾಳೀ ದೇವತಾ ಹ್ರೀಂ ಬೀಜಂ ಹೂಂ ಶಕ್ತಿಃ ಕ್ರೀಂ ಕೀಲಕಂ ಕಾಳೀವರದಾನಾದ್ಯಖಿಲೇಷ್ಟಾರ್ಥೇ ಪಾಠೇ ವಿನಿಯೋಗಃ |
ಋಷ್ಯಾದಿನ್ಯಾಸಃ –
ಓಂ ಮಹಾಕಾಲ ಋಷಯೇ ನಮಃ ಶಿರಸಿ |
ಅನುಷ್ಟುಪ್ ಛಂದಸೇ ನಮಃ ಮುಖೇ |
ಶ್ರೀ ದಕ್ಷಿಣ ಮಹಾಕಾಳೀ ದೇವತಾಯೈ ನಮಃ ಹೃದಯೇ |
ಹ್ರೀಂ ಬೀಜಾಯ ನಮಃ ಗುಹ್ಯೇ |
ಹೂಂ ಶಕ್ತಯೇ ನಮಃ ಪಾದಯೋಃ |
ಕ್ರೀಂ ಕೀಲಕಾಯ ನಮೋ ನಾಭೌ |
ವಿನಿಯೋಗಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಓಂ ಕ್ರಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಕ್ರೀಂ ತರ್ಜನೀಭ್ಯಾಂ ನಮಃ |
ಓಂ ಕ್ರೂಂ ಮಧ್ಯಮಾಭ್ಯಾಂ ನಮಃ |
ಓಂ ಕ್ರೈಂ ಅನಾಮಿಕಾಭ್ಯಾಂ ನಮಃ |
ಓಂ ಕ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಕ್ರಃ ಕರತಲಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿ ನ್ಯಾಸಃ –
ಓಂ ಕ್ರಾಂ ಹೃದಯಾಯ ನಮಃ |
ಓಂ ಕ್ರೀಂ ಶಿರಸೇ ಸ್ವಾಹಾ |
ಓಂ ಕ್ರೂಂ ಶಿಖಾಯೈ ವಷಟ್ |
ಓಂ ಕ್ರೈಂ ಕವಚಾಯ ಹುಮ್ |
ಓಂ ಕ್ರೌಂ ನೇತ್ರತ್ರಯಾಯ ವೌಷಟ್ |
ಓಂ ಕ್ರಃ ಅಸ್ತ್ರಾಯ ಫಟ್ |
ಅಥ ಧ್ಯಾನಮ್ |
ಕರಾಳವದನಾಂ ಘೋರಾಂ ಮುಕ್ತಕೇಶೀಂ ಚತುರ್ಭುಜಾಮ್ |
ಕಾಳಿಕಾಂ ದಕ್ಷಿಣಾಂ ದಿವ್ಯಾಂ ಮುಂಡಮಾಲಾವಿಭೂಷಿತಾಮ್ || ೧ ||
ಸದ್ಯಶ್ಛಿನ್ನಶಿರಃ ಖಡ್ಗವಾಮೋರ್ಧ್ವಾಧಃ ಕರಾಂಬುಜಾಮ್ |
ಅಭಯಂ ವರದಂ ಚೈವ ದಕ್ಷಿಣಾಧೋರ್ಧ್ವಪಾಣಿಕಾಮ್ || ೨ ||
ಮಹಾಮೇಘಪ್ರಭಾಂ ಶ್ಯಾಮಾಂ ತಥಾ ಚೈವ ದಿಗಂಬರಾಮ್ |
ಕಂಠಾವಸಕ್ತಮುಂಡಾಲೀಗಲದ್ರುಧಿರಚರ್ಚಿತಾಮ್ || ೩ ||
ಕರ್ಣಾವತಂಸತಾನೀತ ಶವಯುಗ್ಮಭಯಾನಕಾಮ್ |
ಘೋರದಂಷ್ಟ್ರಾಕರಾಳಾಸ್ಯಾಂ ಪೀನೋನ್ನತಪಯೋಧರಾಮ್ || ೪ ||
ಶವಾನಾಂ ಕರಸಂಘಾತೈಃ ಕೃತಕಾಂಚೀಂ ಹಸನ್ಮುಖೀಮ್ |
ಸೃಕ್ಕಾದ್ವಯಗಲದ್ರಕ್ತಧಾರಾವಿಸ್ಫುರಿತಾನನಾಮ್ || ೫ ||
ಘೋರರೂಪಾಂ ಮಹಾರೌದ್ರೀಂ ಶ್ಮಶಾನಾಲಯವಾಸಿನೀಮ್ |
ದಂತುರಾಂ ದಕ್ಷಿಣವ್ಯಾಪಿಮುಕ್ತಲಂಬಕಚೋಚ್ಚಯಾಮ್ || ೬ ||
ಶವರೂಪಮಹಾದೇವಹೃದಯೋಪರಿ ಸಂಸ್ಥಿತಾಮ್ |
ಶಿವಾಭಿರ್ಘೋರರೂಪಾಭಿಶ್ಚತುರ್ದಿಕ್ಷು ಸಮನ್ವಿತಾಮ್ || ೭ ||
ಮಹಾಕಾಲೇನ ಸಾರ್ಧೋರ್ಧಮುಪವಿಷ್ಟರತಾತುರಾಮ್ |
ಸುಖಪ್ರಸನ್ನವದನಾಂ ಸ್ಮೇರಾನನಸರೋರುಹಾಮ್ |
ಏವಂ ಸಂಚಿಂತಯೇದ್ದೇವೀಂ ಶ್ಮಶಾನಾಲಯವಾಸಿನೀಮ್ || ೮ ||
ಅಥ ಸ್ತೋತ್ರಮ್ |
ಓಂ ಕ್ರೀಂ ಕಾಳೀ ಕ್ರೂಂ ಕರಾಳೀ ಚ ಕಳ್ಯಾಣೀ ಕಮಲಾ ಕಳಾ |
ಕಳಾವತೀ ಕಳಾಢ್ಯಾ ಚ ಕಳಾಪೂಜ್ಯಾ ಕಳಾತ್ಮಿಕಾ || ೧ ||
ಕಳಾದೃಷ್ಟಾ ಕಳಾಪುಷ್ಟಾ ಕಳಾಮಸ್ತಾ ಕಳಾಕರಾ |
ಕಳಾಕೋಟಿಸಮಾಭಾಸಾ ಕಳಾಕೋಟಿಪ್ರಪೂಜಿತಾ || ೨ ||
ಕಳಾಕರ್ಮ ಕಳಾಧಾರಾ ಕಳಾಪಾರಾ ಕಳಾಗಮಾ |
ಕಳಾಧಾರಾ ಕಮಲಿನೀ ಕಕಾರಾ ಕರುಣಾ ಕವಿಃ || ೩ ||
ಕಕಾರವರ್ಣಸರ್ವಾಂಗೀ ಕಳಾಕೋಟಿಪ್ರಭೂಷಿತಾ |
ಕಕಾರಕೋಟಿಗುಣಿತಾ ಕಕಾರಕೋಟಿಭೂಷಣಾ || ೪ ||
ಕಕಾರವರ್ಣಹೃದಯಾ ಕಕಾರಮನುಮಂಡಿತಾ |
ಕಕಾರವರ್ಣನಿಲಯಾ ಕಕಶಬ್ದಪರಾಯಣಾ || ೫ ||
ಕಕಾರವರ್ಣಮುಕುಟಾ ಕಕಾರವರ್ಣಭೂಷಣಾ |
ಕಕಾರವರ್ಣರೂಪಾ ಚ ಕಾಕಶಬ್ದಪರಾಯಣಾ || ೬ ||
ಕವೀರಾಸ್ಫಾಲನರತಾ ಕಮಲಾಕರಪೂಜಿತಾ |
ಕಮಲಾಕರನಾಥಾ ಚ ಕಮಲಾಕರರೂಪಧೃಕ್ || ೭ ||
ಕಮಲಾಕರಸಿದ್ಧಿಸ್ಥಾ ಕಮಲಾಕರಪಾರದಾ |
ಕಮಲಾಕರಮಧ್ಯಸ್ಥಾ ಕಮಲಾಕರತೋಷಿತಾ || ೮ ||
ಕಥಂಕಾರಪರಾಲಾಪಾ ಕಥಂಕಾರಪರಾಯಣಾ |
ಕಥಂಕಾರಪದಾಂತಸ್ಥಾ ಕಥಂಕಾರಪದಾರ್ಥಭೂಃ || ೯ ||
ಕಮಲಾಕ್ಷೀ ಕಮಲಜಾ ಕಮಲಾಕ್ಷಪ್ರಪೂಜಿತಾ |
ಕಮಲಾಕ್ಷವರೋದ್ಯುಕ್ತಾ ಕಕಾರಾ ಕರ್ಬುರಾಕ್ಷರಾ || ೧೦ ||
ಕರತಾರಾ ಕರಚ್ಛಿನ್ನಾ ಕರಶ್ಯಾಮಾ ಕರಾರ್ಣವಾ |
ಕರಪೂಜ್ಯಾ ಕರರತಾ ಕರದಾ ಕರಪೂಜಿತಾ || ೧೧ ||
ಕರತೋಯಾ ಕರಾಮರ್ಷಾ ಕರ್ಮನಾಶಾ ಕರಪ್ರಿಯಾ |
ಕರಪ್ರಾಣಾ ಕರಕಜಾ ಕರಕಾ ಕರಕಾಂತರಾ || ೧೨ ||
ಕರಕಾಚಲರೂಪಾ ಚ ಕರಕಾಚಲಶೋಭಿನೀ |
ಕರಕಾಚಲಪುತ್ರೀ ಚ ಕರಕಾಚಲತೋಷಿತಾ || ೧೩ ||
ಕರಕಾಚಲಗೇಹಸ್ಥಾ ಕರಕಾಚಲರಕ್ಷಿಣೀ |
ಕರಕಾಚಲಸಮ್ಮಾನ್ಯಾ ಕರಕಾಚಲಕಾರಿಣೀ || ೧೪ ||
ಕರಕಾಚಲವರ್ಷಾಢ್ಯಾ ಕರಕಾಚಲರಂಜಿತಾ |
ಕರಕಾಚಲಕಾಂತಾರಾ ಕರಕಾಚಲಮಾಲಿನೀ || ೧೫ ||
ಕರಕಾಚಲಭೋಜ್ಯಾ ಚ ಕರಕಾಚಲರೂಪಿಣೀ |
ಕರಾಮಲಕಸಂಸ್ಥಾ ಚ ಕರಾಮಲಕಸಿದ್ಧಿದಾ || ೧೬ ||
ಕರಾಮಲಕಸಂಪೂಜ್ಯಾ ಕರಾಮಲಕತಾರಿಣೀ |
ಕರಾಮಲಕಕಾಳೀ ಚ ಕರಾಮಲಕರೋಚಿನೀ || ೧೭ ||
ಕರಾಮಲಕಮಾತಾ ಚ ಕರಾಮಲಕಸೇವಿನೀ |
ಕರಾಮಲಕಬದ್ಧ್ಯೇಯಾ ಕರಾಮಲಕದಾಯಿನೀ || ೧೮ ||
ಕಂಜನೇತ್ರಾ ಕಂಜಗತಿಃ ಕಂಜಸ್ಥಾ ಕಂಜಧಾರಿಣೀ |
ಕಂಜಮಾಲಾಪ್ರಿಯಕರೀ ಕಂಜರೂಪಾ ಚ ಕಂಜಜಾ || ೧೯ ||
ಕಂಜಜಾತಿಃ ಕಂಜಗತಿಃ ಕಂಜಹೋಮಪರಾಯಣಾ |
ಕಂಜಮಂಡಲಮಧ್ಯಸ್ಥಾ ಕಂಜಾಭರಣಭೂಷಿತಾ || ೨೦ ||
ಕಂಜಸಮ್ಮಾನನಿರತಾ ಕಂಜೋತ್ಪತ್ತಿಪರಾಯಣಾ |
ಕಂಜರಾಶಿಸಮಾಕಾರಾ ಕಂಜಾರಣ್ಯನಿವಾಸಿನೀ || ೨೧ ||
ಕರಂಜವೃಕ್ಷಮಧ್ಯಸ್ಥಾ ಕರಂಜವೃಕ್ಷವಾಸಿನೀ |
ಕರಂಜಫಲಭೂಷಾಢ್ಯಾ ಕರಂಜವನವಾಸಿನೀ || ೨೨ ||
ಕರಂಜಮಾಲಾಭರಣಾ ಕರವಾಲಪರಾಯಣಾ |
ಕರವಾಲಪ್ರಹೃಷ್ಟಾತ್ಮಾ ಕರವಾಲಪ್ರಿಯಾಗತಿಃ || ೨೩ ||
ಕರವಾಲಪ್ರಿಯಾಕಂಥಾ ಕರವಾಲವಿಹಾರಿಣೀ |
ಕರವಾಲಮಯೀ ಕರ್ಮಾ ಕರವಾಲಪ್ರಿಯಂಕರೀ || ೨೪ ||
ಕಬಂಧಮಾಲಾಭರಣಾ ಕಬಂಧರಾಶಿಮಧ್ಯಗಾ |
ಕಬಂಧಕೂಟಸಂಸ್ಥಾನಾ ಕಬಂಧಾನಂತಭೂಷಣಾ || ೨೫ ||
ಕಬಂಧನಾದಸಂತುಷ್ಟಾ ಕಬಂಧಾಸನಧಾರಿಣೀ |
ಕಬಂಧಗೃಹಮಧ್ಯಸ್ಥಾ ಕಬಂಧವನವಾಸಿನೀ || ೨೬ ||
ಕಬಂಧಕಾಂಚೀಕರಣೀ ಕಬಂಧರಾಶಿಭೂಷಣಾ |
ಕಬಂಧಮಾಲಾಜಯದಾ ಕಬಂಧದೇಹವಾಸಿನೀ || ೨೭ ||
ಕಬಂಧಾಸನಮಾನ್ಯಾ ಚ ಕಪಾಲಮಾಲ್ಯಧಾರಿಣೀ |
ಕಪಾಲಮಾಲಾಮಧ್ಯಸ್ಥಾ ಕಪಾಲವ್ರತತೋಷಿತಾ || ೨೮ ||
ಕಪಾಲದೀಪಸಂತುಷ್ಟಾ ಕಪಾಲದೀಪರೂಪಿಣೀ |
ಕಪಾಲದೀಪವರದಾ ಕಪಾಲಕಜ್ಜಲಸ್ಥಿತಾ || ೨೯ ||
ಕಪಾಲಮಾಲಾಜಯದಾ ಕಪಾಲಜಪತೋಷಿಣೀ |
ಕಪಾಲಸಿದ್ಧಿಸಂಹೃಷ್ಟಾ ಕಪಾಲಭೋಜನೋದ್ಯತಾ || ೩೦ ||
ಕಪಾಲವ್ರತಸಂಸ್ಥಾನಾ ಕಪಾಲಕಮಲಾಲಯಾ |
ಕವಿತ್ವಾಮೃತಸಾರಾ ಚ ಕವಿತ್ವಾಮೃತಸಾಗರಾ || ೩೧ ||
ಕವಿತ್ವಸಿದ್ಧಿಸಂಹೃಷ್ಟಾ ಕವಿತ್ವಾದಾನಕಾರಿಣೀ |
ಕವಿಪೂಜ್ಯಾ ಕವಿಗತಿಃ ಕವಿರೂಪಾ ಕವಿಪ್ರಿಯಾ || ೩೨ ||
ಕವಿಬ್ರಹ್ಮಾನಂದರೂಪಾ ಕವಿತ್ವವ್ರತತೋಷಿತಾ |
ಕವಿಮಾನಸಸಂಸ್ಥಾನಾ ಕವಿವಾಂಛಾಪ್ರಪೂರಣೀ || ೩೩ ||
ಕವಿಕಂಠಸ್ಥಿತಾ ಕಂ ಹ್ರೀಂ ಕಂಕಂಕಂ ಕವಿಪೂರ್ತಿದಾ |
ಕಜ್ಜಲಾ ಕಜ್ಜಲಾದಾನಮಾನಸಾ ಕಜ್ಜಲಪ್ರಿಯಾ || ೩೪ ||
ಕಪಾಲಕಜ್ಜಲಸಮಾ ಕಜ್ಜಲೇಶಪ್ರಪೂಜಿತಾ |
ಕಜ್ಜಲಾರ್ಣವಮಧ್ಯಸ್ಥಾ ಕಜ್ಜಲಾನಂದರೂಪಿಣೀ || ೩೫ ||
ಕಜ್ಜಲಪ್ರಿಯಸಂತುಷ್ಟಾ ಕಜ್ಜಲಪ್ರಿಯತೋಷಿಣೀ |
ಕಪಾಲಮಾಲಾಭರಣಾ ಕಪಾಲಕರಭೂಷಣಾ || ೩೬ ||
ಕಪಾಲಕರಭೂಷಾಢ್ಯಾ ಕಪಾಲಚಕ್ರಮಂಡಿತಾ |
ಕಪಾಲಕೋಟಿನಿಲಯಾ ಕಪಾಲದುರ್ಗಕಾರಿಣೀ || ೩೭ ||
ಕಪಾಲಗಿರಿಸಂಸ್ಥಾನಾ ಕಪಾಲಚಕ್ರವಾಸಿನೀ |
ಕಪಾಲಪಾತ್ರಸಂತುಷ್ಟಾ ಕಪಾಲಾರ್ಘ್ಯಪರಾಯಣಾ || ೩೮ ||
ಕಪಾಲಾರ್ಘ್ಯಪ್ರಿಯಪ್ರಾಣಾ ಕಪಾಲಾರ್ಘ್ಯವರಪ್ರದಾ |
ಕಪಾಲಚಕ್ರರೂಪಾ ಚ ಕಪಾಲರೂಪಮಾತ್ರಗಾ || ೩೯ ||
ಕದಳೀ ಕದಳೀರೂಪಾ ಕದಳೀವನವಾಸಿನೀ |
ಕದಳೀಪುಷ್ಪಸಂಪ್ರೀತಾ ಕದಳೀಫಲಮಾನಸಾ || ೪೦ ||
ಕದಳೀಹೋಮಸಂತುಷ್ಟಾ ಕದಳೀದರ್ಶನೋದ್ಯತಾ |
ಕದಳೀಗರ್ಭಮಧ್ಯಸ್ಥಾ ಕದಳೀವನಸುಂದರೀ || ೪೧ ||
ಕದಂಬಪುಷ್ಪನಿಲಯಾ ಕದಂಬವನಮಧ್ಯಗಾ |
ಕದಂಬಕುಸುಮಾಮೋದಾ ಕದಂಬವನತೋಷಿಣೀ || ೪೨ ||
ಕದಂಬಪುಷ್ಪಸಂಪೂಜ್ಯಾ ಕದಂಬಪುಷ್ಪಹೋಮದಾ |
ಕದಂಬಪುಷ್ಪಮಧ್ಯಸ್ಥಾ ಕದಂಬಫಲಭೋಜಿನೀ || ೪೩ ||
ಕದಂಬಕಾನನಾಂತಃಸ್ಥಾ ಕದಂಬಾಚಲವಾಸಿನೀ |
ಕಕ್ಷಪಾ ಕಕ್ಷಪಾರಾಧ್ಯಾ ಕಕ್ಷಪಾಸನಸಂಸ್ಥಿತಾ || ೪೪ ||
ಕರ್ಣಪೂರಾ ಕರ್ಣನಾಸಾ ಕರ್ಣಾಢ್ಯಾ ಕಾಲಭೈರವೀ |
ಕಳಪ್ರೀತಾ ಕಲಹದಾ ಕಲಹಾ ಕಲಹಾತುರಾ || ೪೫ ||
ಕರ್ಣಯಕ್ಷೀ ಕರ್ಣವಾರ್ತಾ ಕಥಿನೀ ಕರ್ಣಸುಂದರೀ |
ಕರ್ಣಪಿಶಾಚಿನೀ ಕರ್ಣಮಂಜರೀ ಕವಿಕಕ್ಷದಾ || ೪೬ ||
ಕವಿಕಕ್ಷವಿರೂಪಾಢ್ಯಾ ಕವಿಕಕ್ಷಸ್ವರೂಪಿಣೀ |
ಕಸ್ತೂರೀಮೃಗಸಂಸ್ಥಾನಾ ಕಸ್ತೂರೀಮೃಗರೂಪಿಣೀ || ೪೭ ||
ಕಸ್ತೂರೀಮೃಗಸಂತೋಷಾ ಕಸ್ತೂರೀಮೃಗಮಧ್ಯಗಾ |
ಕಸ್ತೂರೀರಸನೀಲಾಂಗೀ ಕಸ್ತೂರೀಗಂಧತೋಷಿತಾ || ೪೮ ||
ಕಸ್ತೂರೀಪೂಜಕಪ್ರಾಣಾ ಕಸ್ತೂರೀಪೂಜಕಪ್ರಿಯಾ |
ಕಸ್ತೂರೀಪ್ರೇಮಸಂತುಷ್ಟಾ ಕಸ್ತೂರೀಪ್ರಾಣಧಾರಿಣೀ || ೪೯ ||
ಕಸ್ತೂರೀಪೂಜಕಾನಂದಾ ಕಸ್ತೂರೀಗಂಧರೂಪಿಣೀ |
ಕಸ್ತೂರೀಮಾಲಿಕಾರೂಪಾ ಕಸ್ತೂರೀಭೋಜನಪ್ರಿಯಾ || ೫೦ ||
ಕಸ್ತೂರೀತಿಲಕಾನಂದಾ ಕಸ್ತೂರೀತಿಲಕಪ್ರಿಯಾ |
ಕಸ್ತೂರೀಹೋಮಸಂತುಷ್ಟಾ ಕಸ್ತೂರೀತರ್ಪಣೋದ್ಯತಾ || ೫೧ ||
ಕಸ್ತೂರೀಮಾರ್ಜನೋದ್ಯುಕ್ತಾ ಕಸ್ತೂರೀಚಕ್ರಪೂಜಿತಾ |
ಕಸ್ತೂರೀಪುಷ್ಪಸಂಪೂಜ್ಯಾ ಕಸ್ತೂರೀಚರ್ವಣೋದ್ಯತಾ || ೫೨ ||
ಕಸ್ತೂರೀಗರ್ಭಮಧ್ಯಸ್ಥಾ ಕಸ್ತೂರೀವಸ್ತ್ರಧಾರಿಣೀ |
ಕಸ್ತೂರಿಕಾಮೋದರತಾ ಕಸ್ತೂರೀವನವಾಸಿನೀ || ೫೩ ||
ಕಸ್ತೂರೀವನಸಂರಕ್ಷಾ ಕಸ್ತೂರೀಪ್ರೇಮಧಾರಿಣೀ |
ಕಸ್ತೂರೀಶಕ್ತಿನಿಲಯಾ ಕಸ್ತೂರೀಶಕ್ತಿಕುಂಡಗಾ || ೫೪ ||
ಕಸ್ತೂರೀಕುಂಡಸಂಸ್ನಾತಾ ಕಸ್ತೂರೀಕುಂಡಮಜ್ಜನಾ |
ಕಸ್ತೂರೀಜೀವಸಂತುಷ್ಟಾ ಕಸ್ತೂರೀಜೀವಧಾರಿಣೀ || ೫೫ ||
ಕಸ್ತೂರೀಪರಮಾಮೋದಾ ಕಸ್ತೂರೀಜೀವನಕ್ಷಮಾ |
ಕಸ್ತೂರೀಜಾತಿಭಾವಸ್ಥಾ ಕಸ್ತೂರೀಗಂಧಚುಂಬನಾ || ೫೬ ||
ಕಸ್ತೂರೀಗಂಧಸಂಶೋಭಾವಿರಾಜಿತಕಪಾಲಭೂಃ |
ಕಸ್ತೂರೀಮದನಾಂತಃಸ್ಥಾ ಕಸ್ತೂರೀಮದಹರ್ಷದಾ || ೫೭ ||
ಕಸ್ತೂರೀಕವಿತಾನಾಢ್ಯಾ ಕಸ್ತೂರೀಗೃಹಮಧ್ಯಗಾ |
ಕಸ್ತೂರೀಸ್ಪರ್ಶಕಪ್ರಾಣಾ ಕಸ್ತೂರೀನಿಂದಕಾಂತಕಾ || ೫೮ ||
ಕಸ್ತೂರ್ಯಾಮೋದರಸಿಕಾ ಕಸ್ತೂರೀಕ್ರೀಡನೋದ್ಯತಾ |
ಕಸ್ತೂರೀದಾನನಿರತಾ ಕಸ್ತೂರೀವರದಾಯಿನೀ || ೫೯ ||
ಕಸ್ತೂರೀಸ್ಥಾಪನಾಸಕ್ತಾ ಕಸ್ತೂರೀಸ್ಥಾನರಂಜಿನೀ |
ಕಸ್ತೂರೀಕುಶಲಪ್ರಾಣಾ ಕಸ್ತೂರೀಸ್ತುತಿವಂದಿತಾ || ೬೦ ||
ಕಸ್ತೂರೀವಂದಕಾರಾಧ್ಯಾ ಕಸ್ತೂರೀಸ್ಥಾನವಾಸಿನೀ |
ಕಹರೂಪಾ ಕಹಾಢ್ಯಾ ಚ ಕಹಾನಂದಾ ಕಹಾತ್ಮಭೂಃ || ೬೧ ||
ಕಹಪೂಜ್ಯಾ ಕಹಾತ್ಯಾಖ್ಯಾ ಕಹಹೇಯಾ ಕಹಾತ್ಮಿಕಾ |
ಕಹಮಾಲಾಕಂಠಭೂಷಾ ಕಹಮಂತ್ರಜಪೋದ್ಯತಾ || ೬೨ ||
ಕಹನಾಮಸ್ಮೃತಿಪರಾ ಕಹನಾಮಪರಾಯಣಾ |
ಕಹಪಾರಾಯಣರತಾ ಕಹದೇವೀ ಕಹೇಶ್ವರೀ || ೬೩ ||
ಕಹಹೇತು ಕಹಾನಂದಾ ಕಹನಾದಪರಾಯಣಾ |
ಕಹಮಾತಾ ಕಹಾಂತಃಸ್ಥಾ ಕಹಮಂತ್ರಾ ಕಹೇಶ್ವರೀ || ೬೪ ||
ಕಹಗೇಯಾ ಕಹಾರಾಧ್ಯಾ ಕಹಧ್ಯಾನಪರಾಯಣಾ |
ಕಹತಂತ್ರಾ ಕಹಕಹಾ ಕಹಚರ್ಯಾಪರಾಯಣಾ || ೬೫ ||
ಕಹಾಚಾರಾ ಕಹಗತಿಃ ಕಹತಾಂಡವಕಾರಿಣೀ |
ಕಹಾರಣ್ಯಾ ಕಹರತಿಃ ಕಹಶಕ್ತಿಪರಾಯಣಾ || ೬೬ ||
ಕಹರಾಜ್ಯನತಾ ಕರ್ಮಸಾಕ್ಷಿಣೀ ಕರ್ಮಸುಂದರೀ |
ಕರ್ಮವಿದ್ಯಾ ಕರ್ಮಗತಿಃ ಕರ್ಮತಂತ್ರಪರಾಯಣಾ || ೬೭ ||
ಕರ್ಮಮಾತ್ರಾ ಕರ್ಮಗಾತ್ರಾ ಕರ್ಮಧರ್ಮಪರಾಯಣಾ |
ಕರ್ಮರೇಖಾನಾಶಕರ್ತ್ರೀ ಕರ್ಮರೇಖಾವಿನೋದಿನೀ || ೬೮ ||
ಕರ್ಮರೇಖಾಮೋಹಕರೀ ಕರ್ಮಕೀರ್ತಿಪರಾಯಣಾ |
ಕರ್ಮವಿದ್ಯಾ ಕರ್ಮಸಾರಾ ಕರ್ಮಾಧಾರಾ ಚ ಕರ್ಮಭೂಃ || ೬೯ ||
ಕರ್ಮಕಾರೀ ಕರ್ಮಹಾರೀ ಕರ್ಮಕೌತುಕಸುಂದರೀ |
ಕರ್ಮಕಾಳೀ ಕರ್ಮತಾರಾ ಕರ್ಮಚ್ಛಿನ್ನಾ ಚ ಕರ್ಮದಾ || ೭೦ ||
ಕರ್ಮಚಾಂಡಾಲಿನೀ ಕರ್ಮವೇದಮಾತಾ ಚ ಕರ್ಮಭೂಃ |
ಕರ್ಮಕಾಂಡರತಾನಂತಾ ಕರ್ಮಕಾಂಡಾನುಮಾನಿತಾ || ೭೧ ||
ಕರ್ಮಕಾಂಡಪರೀಣಾಹಾ ಕಮಠೀ ಕಮಠಾಕೃತಿಃ |
ಕಮಠಾರಾಧ್ಯಹೃದಯಾ ಕಮಠಾಕಂಠಸುಂದರೀ || ೭೨ ||
ಕಮಠಾಸನಸಂಸೇವ್ಯಾ ಕಮಠೀ ಕರ್ಮತತ್ಪರಾ |
ಕರುಣಾಕರಕಾಂತಾ ಚ ಕರುಣಾಕರವಂದಿತಾ || ೭೩ ||
ಕಠೋರಕರಮಾಲಾ ಚ ಕಠೋರಕುಚಧಾರಿಣೀ |
ಕಪರ್ದಿನೀ ಕಪಟಿನೀ ಕಠಿನಾ ಕಂಕಭೂಷಣಾ || ೭೪ ||
ಕರಭೋರೂಃ ಕಠಿನದಾ ಕರಭಾ ಕರಭಾಲಯಾ |
ಕಲಭಾಷಾಮಯೀ ಕಲ್ಪಾ ಕಲ್ಪನಾ ಕಲ್ಪದಾಯಿನೀ || ೭೫ ||
ಕಮಲಸ್ಥಾ ಕಳಾಮಾಲಾ ಕಮಲಾಸ್ಯಾ ಕ್ವಣತ್ಪ್ರಭಾ |
ಕಕುದ್ಮಿನೀ ಕಷ್ಟವತೀ ಕರಣೀಯಕಥಾರ್ಚಿತಾ || ೭೬ ||
ಕಚಾರ್ಚಿತಾ ಕಚತನುಃ ಕಚಸುಂದರಧಾರಿಣೀ |
ಕಠೋರಕುಚಸಂಲಗ್ನಾ ಕಟಿಸೂತ್ರವಿರಾಜಿತಾ || ೭೭ ||
ಕರ್ಣಭಕ್ಷಪ್ರಿಯಾ ಕಂದಾ ಕಥಾ ಕಂದಗತಿಃ ಕಲಿಃ |
ಕಲಿಘ್ನೀ ಕಲಿದೂತೀ ಚ ಕವಿನಾಯಕಪೂಜಿತಾ || ೭೮ ||
ಕಣಕಕ್ಷಾನಿಯಂತ್ರೀ ಚ ಕಶ್ಚಿತ್ಕವಿವರಾರ್ಚಿತಾ |
ಕರ್ತ್ರೀ ಚ ಕರ್ತೃಕಾಭೂಷಾ ಕಾರಿಣೀ ಕರ್ಣಶತ್ರುಪಾ || ೭೯ ||
ಕರಣೇಶೀ ಕರಣಪಾ ಕಲವಾಚಾ ಕಳಾನಿಧಿಃ |
ಕಲನಾ ಕಲನಾಧಾರಾ ಕಾರಿಕಾ ಕರಕಾ ಕರಾ || ೮೦ ||
ಕಲಜ್ಞೇಯಾ ಕರ್ಕರಾಶಿಃ ಕರ್ಕರಾಶಿಪ್ರಪೂಜಿತಾ |
ಕನ್ಯಾರಾಶಿಃ ಕನ್ಯಕಾ ಚ ಕನ್ಯಕಾಪ್ರಿಯಭಾಷಿಣೀ || ೮೧ ||
ಕನ್ಯಕಾದಾನಸಂತುಷ್ಟಾ ಕನ್ಯಕಾದಾನತೋಷಿಣೀ |
ಕನ್ಯಾದಾನಕರಾನಂದಾ ಕನ್ಯಾದಾನಗ್ರಹೇಷ್ಟದಾ || ೮೨ ||
ಕರ್ಷಣಾ ಕಕ್ಷದಹನಾ ಕಾಮಿತಾ ಕಮಲಾಸನಾ |
ಕರಮಾಲಾನಂದಕರ್ತ್ರೀ ಕರಮಾಲಾಪ್ರತೋಷಿತಾ || ೮೩ ||
ಕರಮಾಲಾಶಯಾನಂದಾ ಕರಮಾಲಾಸಮಾಗಮಾ |
ಕರಮಾಲಾಸಿದ್ಧಿದಾತ್ರೀ ಕರಮಾಲಾಕರಪ್ರಿಯಾ || ೮೪ ||
ಕರಪ್ರಿಯಾ ಕರರತಾ ಕರದಾನಪರಾಯಣಾ |
ಕಳಾನಂದಾ ಕಲಿಗತಿಃ ಕಲಿಪೂಜ್ಯಾ ಕಲಿಪ್ರಸೂಃ || ೮೫ ||
ಕಲನಾದನಿನಾದಸ್ಥಾ ಕಲನಾದವರಪ್ರದಾ |
ಕಲನಾದಸಮಾಜಸ್ಥಾ ಕಹೋಲಾ ಚ ಕಹೋಲದಾ || ೮೬ ||
ಕಹೋಲಗೇಹಮಧ್ಯಸ್ಥಾ ಕಹೋಲವರದಾಯಿನೀ |
ಕಹೋಲಕವಿತಾಧಾರಾ ಕಹೋಲಋಷಿಮಾನಿತಾ || ೮೭ ||
ಕಹೋಲಮಾನಸಾರಾಧ್ಯಾ ಕಹೋಲವಾಕ್ಯಕಾರಿಣೀ |
ಕರ್ತೃರೂಪಾ ಕರ್ತೃಮಯೀ ಕರ್ತೃಮಾತಾ ಚ ಕರ್ತರೀ || ೮೮ ||
ಕನೀಯಾ ಕನಕಾರಾಧ್ಯಾ ಕನೀನಕಮಯೀ ತಥಾ |
ಕನೀಯಾನಂದನಿಲಯಾ ಕನಕಾನಂದತೋಷಿತಾ || ೮೯ ||
ಕನೀಯಕಕರಾ ಕಾಷ್ಠಾ ಕಥಾರ್ಣವಕರೀ ಕರೀ |
ಕರಿಗಮ್ಯಾ ಕರಿಗತಿಃ ಕರಿಧ್ವಜಪರಾಯಣಾ || ೯೦ ||
ಕರಿನಾಥಪ್ರಿಯಾ ಕಂಠಾ ಕಥಾನಕಪ್ರತೋಷಿತಾ |
ಕಮನೀಯಾ ಕಮನಕಾ ಕಮನೀಯವಿಭೂಷಣಾ || ೯೧ ||
ಕಮನೀಯಸಮಾಜಸ್ಥಾ ಕಮನೀಯವ್ರತಪ್ರಿಯಾ |
ಕಮನೀಯಗುಣಾರಾಧ್ಯಾ ಕಪಿಲಾ ಕಪಿಲೇಶ್ವರೀ || ೯೨ ||
ಕಪಿಲಾರಾಧ್ಯಹೃದಯಾ ಕಪಿಲಾಪ್ರಿಯವಾದಿನೀ |
ಕಹಚಕ್ರಮಂತ್ರವರ್ಣಾ ಕಹಚಕ್ರಪ್ರಸೂನಕಾ || ೯೩ ||
ಕಏಈಲಹ್ರೀಂಸ್ವರೂಪಾ ಚ ಕಏಈಲಹ್ರೀಂವರಪ್ರದಾ |
ಕಏಈಲಹ್ರೀಂಸಿದ್ಧಿದಾತ್ರೀ ಕಏಈಲಹ್ರೀಂಸ್ವರೂಪಿಣೀ || ೯೪ ||
ಕಏಈಲಹ್ರೀಂಮಂತ್ರವರ್ಣಾ ಕಏಈಲಹ್ರೀಂಪ್ರಸೂಕಲಾ |
ಕಏವರ್ಗಾ ಕಪಾಟಸ್ಥಾ ಕಪಾಟೋದ್ಘಾಟನಕ್ಷಮಾ || ೯೫ ||
ಕಂಕಾಳೀ ಚ ಕಪಾಲೀ ಚ ಕಂಕಾಳಪ್ರಿಯಭಾಷಿಣೀ |
ಕಂಕಾಳಭೈರವಾರಾಧ್ಯಾ ಕಂಕಾಳಮಾನಸಂಸ್ಥಿತಾ || ೯೬ ||
ಕಂಕಾಳಮೋಹನಿರತಾ ಕಂಕಾಳಮೋಹದಾಯಿನೀ |
ಕಲುಷಘ್ನೀ ಕಲುಷಹಾ ಕಲುಷಾರ್ತಿವಿನಾಶಿನೀ || ೯೭ ||
ಕಲಿಪುಷ್ಪಾ ಕಲಾದಾನಾ ಕಶಿಪುಃ ಕಶ್ಯಪಾರ್ಚಿತಾ |
ಕಶ್ಯಪಾ ಕಶ್ಯಪಾರಾಧ್ಯಾ ಕಲಿಪೂರ್ಣಕಲೇವರಾ || ೯೮ ||
ಕಲೇವರಕರೀ ಕಾಂಚೀ ಕವರ್ಗಾ ಚ ಕರಾಳಕಾ |
ಕರಾಳಭೈರವಾರಾಧ್ಯಾ ಕರಾಳಭೈರವೇಶ್ವರೀ || ೯೯ ||
ಕರಾಳಾ ಕಲನಾಧಾರಾ ಕಪರ್ದೀಶವರಪ್ರದಾ |
ಕಪರ್ದೀಶಪ್ರೇಮಲತಾ ಕಪರ್ದಿಮಾಲಿಕಾಯುತಾ || ೧೦೦ ||
ಕಪರ್ದಿಜಪಮಾಲಾಢ್ಯಾ ಕರವೀರಪ್ರಸೂನದಾ |
ಕರವೀರಪ್ರಿಯಪ್ರಾಣಾ ಕರವೀರಪ್ರಪೂಜಿತಾ || ೧೦೧ ||
ಕರ್ಣಿಕಾರಸಮಾಕಾರಾ ಕರ್ಣಿಕಾರಪ್ರಪೂಜಿತಾ |
ಕರೀಷಾಗ್ನಿಸ್ಥಿತಾ ಕರ್ಷಾ ಕರ್ಷಮಾತ್ರಸುವರ್ಣದಾ || ೧೦೨ ||
ಕಲಶಾ ಕಲಶಾರಾಧ್ಯಾ ಕಷಾಯಾ ಕರಿಗಾನದಾ |
ಕಪಿಲಾ ಕಲಕಂಠೀ ಚ ಕಲಿಕಲ್ಪಲತಾ ಮತಾ || ೧೦೩ ||
ಕಲ್ಪಮಾತಾ ಕಲ್ಪಲತಾ ಕಲ್ಪಕಾರೀ ಚ ಕಲ್ಪಭೂಃ |
ಕರ್ಪೂರಾಮೋದರುಚಿರಾ ಕರ್ಪೂರಾಮೋದಧಾರಿಣೀ || ೧೦೪ ||
ಕರ್ಪೂರಮಾಲಾಭರಣಾ ಕರ್ಪೂರವಾಸಪೂರ್ತಿದಾ |
ಕರ್ಪೂರಮಾಲಾಜಯದಾ ಕರ್ಪೂರಾರ್ಣವಮಧ್ಯಗಾ || ೧೦೫ ||
ಕರ್ಪೂರತರ್ಪಣರತಾ ಕಟಕಾಂಬರಧಾರಿಣೀ |
ಕಪಟೇಶ್ವವರಸಂಪೂಜ್ಯಾ ಕಪಟೇಶ್ವರರೂಪಿಣೀ || ೧೦೬ ||
ಕಟುಃ ಕಪಿಧ್ವಜಾರಾಧ್ಯಾ ಕಲಾಪಪುಷ್ಪಧಾರಿಣೀ |
ಕಲಾಪಪುಷ್ಪರುಚಿರಾ ಕಲಾಪಪುಷ್ಪಪೂಜಿತಾ || ೧೦೭ ||
ಕ್ರಕಚಾ ಕ್ರಕಚಾರಾಧ್ಯಾ ಕಥಂಬ್ರೂಮಾ ಕರಾಲತಾ |
ಕಥಂಕಾರವಿನಿರ್ಮುಕ್ತಾ ಕಾಳೀ ಕಾಲಕ್ರಿಯಾ ಕ್ರತುಃ || ೧೦೮ ||
ಕಾಮಿನೀ ಕಾಮಿನೀಪೂಜ್ಯಾ ಕಾಮಿನೀಪುಷ್ಪಧಾರಿಣೀ |
ಕಾಮಿನೀಪುಷ್ಪನಿಲಯಾ ಕಾಮಿನೀಪುಷ್ಪಪೂರ್ಣಿಮಾ || ೧೦೯ ||
ಕಾಮಿನೀಪುಷ್ಪಪೂಜಾರ್ಹಾ ಕಾಮಿನೀಪುಷ್ಪಭೂಷಣಾ |
ಕಾಮಿನೀಪುಷ್ಪತಿಲಕಾ ಕಾಮಿನೀಕುಂಡಚುಂಬನಾ || ೧೧೦ ||
ಕಾಮಿನೀಯೋಗಸಂತುಷ್ಟಾ ಕಾಮಿನೀಯೋಗಭೋಗದಾ |
ಕಾಮಿನೀಕುಂಡಸಮ್ಮಗ್ನಾ ಕಾಮಿನೀಕುಂಡಮಧ್ಯಗಾ || ೧೧೧ ||
ಕಾಮಿನೀಮಾನಸಾರಾಧ್ಯಾ ಕಾಮಿನೀಮಾನತೋಷಿತಾ |
ಕಾಮಿನೀಮಾನಸಂಚಾರಾ ಕಾಳಿಕಾ ಕಾಲಕಾಳಿಕಾ || ೧೧೨ ||
ಕಾಮಾ ಚ ಕಾಮದೇವೀ ಚ ಕಾಮೇಶೀ ಕಾಮಸಂಭವಾ |
ಕಾಮಭಾವಾ ಕಾಮರತಾ ಕಾಮಾರ್ತಾ ಕಾಮಮಂಜರೀ || ೧೧೩ ||
ಕಾಮಮಂಜೀರರಣಿತಾ ಕಾಮದೇವಪ್ರಿಯಾಂತರಾ |
ಕಾಮಕಾಳೀ ಕಾಮಕಳಾ ಕಾಳಿಕಾ ಕಮಲಾರ್ಚಿತಾ || ೧೧೪ ||
ಕಾದಿಕಾ ಕಮಲಾ ಕಾಳೀ ಕಾಲಾನಲಸಮಪ್ರಭಾ |
ಕಲ್ಪಾಂತದಹನಾ ಕಾಂತಾ ಕಾಂತಾರಪ್ರಿಯವಾಸಿನೀ || ೧೧೫ ||
ಕಾಲಪೂಜ್ಯಾ ಕಾಲರತಾ ಕಾಲಮಾತಾ ಚ ಕಾಳಿನೀ |
ಕಾಲವೀರಾ ಕಾಲಘೋರಾ ಕಾಲಸಿದ್ಧಾ ಚ ಕಾಲದಾ || ೧೧೬ ||
ಕಾಲಾಂಜನಸಮಾಕಾರಾ ಕಾಲಂಜರನಿವಾಸಿನೀ |
ಕಾಲಋದ್ಧಿಃ ಕಾಲವೃದ್ಧಿಃ ಕಾರಾಗೃಹವಿಮೋಚಿನೀ || ೧೧೭ ||
ಕಾದಿವಿದ್ಯಾ ಕಾದಿಮಾತಾ ಕಾದಿಸ್ಥಾ ಕಾದಿಸುಂದರೀ |
ಕಾಶೀ ಕಾಂಚೀ ಚ ಕಾಂಚೀಶಾ ಕಾಶೀಶವರದಾಯಿನೀ || ೧೧೮ ||
ಕ್ರೀಂಬೀಜಾ ಚೈವ ಕ್ರೀಂ ಬೀಜಹೃದಯಾಯ ನಮಃ ಸ್ಮೃತಾ |
ಕಾಮ್ಯಾ ಕಾಮ್ಯಗತಿಃ ಕಾಮ್ಯಸಿದ್ಧಿದಾತ್ರೀ ಚ ಕಾಮಭೂಃ || ೧೧೯ ||
ಕಾಮಾಖ್ಯಾ ಕಾಮರೂಪಾ ಚ ಕಾಮಚಾಪವಿಮೋಚಿನೀ |
ಕಾಮದೇವಕಳಾರಾಮಾ ಕಾಮದೇವಕಳಾಲಯಾ || ೧೨೦ ||
ಕಾಮರಾತ್ರಿಃ ಕಾಮದಾತ್ರೀ ಕಾಂತಾರಾಚಲವಾಸಿನೀ |
ಕಾಮರೂಪಾ ಕಾಮಗತಿಃ ಕಾಮಯೋಗಪರಾಯಣಾ || ೧೨೧ ||
ಕಾಮಸಮ್ಮರ್ದನರತಾ ಕಾಮಗೇಹವಿಕಾಶಿನೀ |
ಕಾಲಭೈರವಭಾರ್ಯಾ ಚ ಕಾಲಭೈರವಕಾಮಿನೀ || ೧೨೨ ||
ಕಾಲಭೈರವಯೋಗಸ್ಥಾ ಕಾಲಭೈರವಭೋಗದಾ |
ಕಾಮಧೇನುಃ ಕಾಮದೋಗ್ಧ್ರೀ ಕಾಮಮಾತಾ ಚ ಕಾಂತಿದಾ || ೧೨೩ ||
ಕಾಮುಕಾ ಕಾಮುಕಾರಾಧ್ಯಾ ಕಾಮುಕಾನಂದವರ್ಧಿನೀ |
ಕಾರ್ತವೀರ್ಯಾ ಕಾರ್ತಿಕೇಯಾ ಕಾರ್ತಿಕೇಯಪ್ರಪೂಜಿತಾ || ೧೨೪ ||
ಕಾರ್ಯಾ ಕಾರಣದಾ ಕಾರ್ಯಕಾರಿಣೀ ಕಾರಣಾಂತರಾ |
ಕಾಂತಿಗಮ್ಯಾ ಕಾಂತಿಮಯೀ ಕಾಂತ್ಯಾ ಕಾತ್ಯಾಯನೀ ಚ ಕಾ || ೧೨೫ ||
ಕಾಮಸಾರಾ ಚ ಕಾಶ್ಮೀರಾ ಕಾಶ್ಮೀರಾಚಾರತತ್ಪರಾ |
ಕಾಮರೂಪಾಚಾರರತಾ ಕಾಮರೂಪಪ್ರಿಯಂವದಾ || ೧೨೬ ||
ಕಾಮರೂಪಾಚಾರಸಿದ್ಧಿಃ ಕಾಮರೂಪಮನೋಮಯೀ |
ಕಾರ್ತಿಕೀ ಕಾರ್ತಿಕಾರಾಧ್ಯಾ ಕಾಂಚನಾರಪ್ರಸೂನಭೂಃ || ೧೨೭ ||
ಕಾಂಚನಾರಪ್ರಸೂನಾಭಾ ಕಾಂಚನಾರಪ್ರಪೂಜಿತಾ |
ಕಾಂಚರೂಪಾ ಕಾಂಚಭೂಮಿಃ ಕಾಂಸ್ಯಪಾತ್ರಪ್ರಭೋಜಿನೀ || ೧೨೮ ||
ಕಾಂಸ್ಯಧ್ವನಿಮಯೀ ಕಾಮಸುಂದರೀ ಕಾಮಚುಂಬನಾ |
ಕಾಶಪುಷ್ಪಪ್ರತೀಕಾಶಾ ಕಾಮದ್ರುಮಸಮಾಗಮಾ || ೧೨೯ ||
ಕಾಮಪುಷ್ಪಾ ಕಾಮಭೂಮಿಃ ಕಾಮಪೂಜ್ಯಾ ಚ ಕಾಮದಾ |
ಕಾಮದೇಹಾ ಕಾಮಗೇಹಾ ಕಾಮಬೀಜಪರಾಯಣಾ || ೧೩೦ ||
ಕಾಮಧ್ವಜಸಮಾರೂಢಾ ಕಾಮಧ್ವಜಸಮಾಸ್ಥಿತಾ |
ಕಾಶ್ಯಪೀ ಕಾಶ್ಯಪಾರಾಧ್ಯಾ ಕಾಶ್ಯಪಾನಂದದಾಯಿನೀ || ೧೩೧ ||
ಕಾಳಿಂದೀಜಲಸಂಕಾಶಾ ಕಾಳಿಂದೀಜಲಪೂಜಿತಾ |
ಕಾದೇವಪೂಜಾನಿರತಾ ಕಾದೇವಪರಮಾರ್ಥದಾ || ೧೩೨ ||
ಕರ್ಮಣಾ ಕರ್ಮಣಾಕಾರಾ ಕಾಮಕರ್ಮಣಕಾರಿಣೀ |
ಕಾರ್ಮಣತ್ರೋಟನಕರೀ ಕಾಕಿನೀ ಕಾರಣಾಹ್ವಯಾ || ೧೩೩ ||
ಕಾವ್ಯಾಮೃತಾ ಚ ಕಾಳಿಂಗಾ ಕಾಳಿಂಗಮರ್ದನೋದ್ಯತಾ |
ಕಾಲಾಗುರುವಿಭೂಷಾಢ್ಯಾ ಕಾಲಾಗುರುವಿಭೂತಿದಾ || ೧೩೪ ||
ಕಾಲಾಗುರುಸುಗಂಧಾ ಚ ಕಾಲಾಗುರುಪ್ರತರ್ಪಣಾ |
ಕಾವೇರೀನೀರಸಂಪ್ರೀತಾ ಕಾವೇರೀತೀರವಾಸಿನೀ || ೧೩೫ ||
ಕಾಲಚಕ್ರಭ್ರಮಾಕಾರಾ ಕಾಲಚಕ್ರನಿವಾಸಿನೀ |
ಕಾನನಾ ಕಾನನಾಧಾರಾ ಕಾರುಃ ಕಾರುಣಿಕಾಮಯೀ || ೧೩೬ ||
ಕಾಂಪಿಲ್ಯವಾಸಿನೀ ಕಾಷ್ಠಾ ಕಾಮಪತ್ನೀ ಚ ಕಾಮಭೂಃ |
ಕಾದಂಬರೀಪಾನರತಾ ತಥಾ ಕಾದಂಬರೀ ಕಳಾ || ೧೩೭ ||
ಕಾಮವಂದ್ಯಾ ಚ ಕಾಮೇಶೀ ಕಾಮರಾಜಪ್ರಪೂಜಿತಾ |
ಕಾಮರಾಜೇಶ್ವರೀವಿದ್ಯಾ ಕಾಮಕೌತುಕಸುಂದರೀ || ೧೩೮ ||
ಕಾಂಬೋಜಜಾ ಕಾಂಛಿನದಾ ಕಾಂಸ್ಯಕಾಂಚನಕಾರಿಣೀ |
ಕಾಂಚನಾದ್ರಿಸಮಾಕಾರಾ ಕಾಂಚನಾದ್ರಿಪ್ರದಾನದಾ || ೧೩೯ ||
ಕಾಮಕೀರ್ತಿಃ ಕಾಮಕೇಶೀ ಕಾರಿಕಾ ಕಾಂತರಾಶ್ರಯಾ |
ಕಾಮಭೇದೀ ಚ ಕಾಮಾರ್ತಿನಾಶಿನೀ ಕಾಮಭೂಮಿಕಾ || ೧೪೦ ||
ಕಾಲನಿರ್ಣಾಶಿನೀ ಕಾವ್ಯವನಿತಾ ಕಾಮರೂಪಿಣೀ |
ಕಾಯಸ್ಥಾಕಾಮಸಂದೀಪ್ತಿಃ ಕಾವ್ಯದಾ ಕಾಲಸುಂದರೀ || ೧೪೧ ||
ಕಾಮೇಶೀ ಕಾರಣವರಾ ಕಾಮೇಶೀಪೂಜನೋದ್ಯತಾ |
ಕಾಂಚೀನೂಪುರಭೂಷಾಢ್ಯಾ ಕುಂಕುಮಾಭರಣಾನ್ವಿತಾ || ೧೪೨ ||
ಕಾಲಚಕ್ರಾ ಕಾಲಗತಿಃ ಕಾಲಚಕ್ರಮನೋಭವಾ |
ಕುಂದಮಧ್ಯಾ ಕುಂದಪುಷ್ಪಾ ಕುಂದಪುಷ್ಪಪ್ರಿಯಾ ಕುಜಾ || ೧೪೩ ||
ಕುಜಮಾತಾ ಕುಜಾರಾಧ್ಯಾ ಕುಠಾರವರಧಾರಿಣೀ |
ಕುಂಜರಸ್ಥಾ ಕುಶರತಾ ಕುಶೇಶಯವಿಲೋಚನಾ || ೧೪೪ ||
ಕುನಟೀ ಕುರರೀ ಕುದ್ರಾ ಕುರಂಗೀ ಕುಟಜಾಶ್ರಯಾ |
ಕುಂಭೀನಸವಿಭೂಷಾ ಚ ಕುಂಭೀನಸವಧೋದ್ಯತಾ || ೧೪೫ ||
ಕುಂಭಕರ್ಣಮನೋಲ್ಲಾಸಾ ಕುಲಚೂಡಾಮಣಿಃ ಕುಲಾ |
ಕುಲಾಲಗೃಹಕನ್ಯಾ ಚ ಕುಲಚೂಡಾಮಣಿಪ್ರಿಯಾ || ೧೪೬ ||
ಕುಲಪೂಜ್ಯಾ ಕುಲಾರಾಧ್ಯಾ ಕುಲಪೂಜಾಪರಾಯಣಾ |
ಕುಲಭೂಷಾ ತಥಾ ಕುಕ್ಷಿಃ ಕುರರೀಗಣಸೇವಿತಾ || ೧೪೭ ||
ಕುಲಪುಷ್ಪಾ ಕುಲರತಾ ಕುಲಪುಷ್ಪಪರಾಯಣಾ |
ಕುಲವಸ್ತ್ರಾ ಕುಲಾರಾಧ್ಯಾ ಕುಲಕುಂಡಸಮಪ್ರಭಾ || ೧೪೮ ||
ಕುಲಕುಂಡಸಮೋಲ್ಲಾಸಾ ಕುಂಡಪುಷ್ಪಪರಾಯಣಾ |
ಕುಂಡಪುಷ್ಪಪ್ರಸನ್ನಾಸ್ಯಾ ಕುಂಡಗೋಲೋದ್ಭವಾತ್ಮಿಕಾ || ೧೪೯ ||
ಕುಂಡಗೋಲೋದ್ಭವಾಧಾರಾ ಕುಂಡಗೋಲಮಯೀ ಕುಹೂಃ |
ಕುಂಡಗೋಲಪ್ರಿಯಪ್ರಾಣಾ ಕುಂಡಗೋಲಪ್ರಪೂಜಿತಾ || ೧೫೦ ||
ಕುಂಡಗೋಲಮನೋಲ್ಲಾಸಾ ಕುಂಡಗೋಲಬಲಪ್ರದಾ |
ಕುಂಡದೇವರತಾ ಕ್ರುದ್ಧಾ ಕುಲಸಿದ್ಧಿಕರಾ ಪರಾ || ೧೫೧ ||
ಕುಲಕುಂಡಸಮಾಕಾರಾ ಕುಲಕುಂಡಸಮಾನಭೂಃ |
ಕುಂಡಸಿದ್ಧಿಃ ಕುಂಡಋದ್ಧಿಃ ಕುಮಾರೀಪೂಜನೋದ್ಯತಾ || ೧೫೨ ||
ಕುಮಾರೀಪೂಜಕಪ್ರಾಣಾ ಕುಮಾರೀಪೂಜಕಾಲಯಾ |
ಕುಮಾರೀಕಾಮಸಂತುಷ್ಟಾ ಕುಮಾರೀಪೂಜನೋತ್ಸುಕಾ || ೧೫೩ ||
ಕುಮಾರೀವ್ರತಸಂತುಷ್ಟಾ ಕುಮಾರೀರೂಪಧಾರಿಣೀ |
ಕುಮಾರೀಭೋಜನಪ್ರೀತಾ ಕುಮಾರೀ ಚ ಕುಮಾರದಾ || ೧೫೪ ||
ಕುಮಾರಮಾತಾ ಕುಲದಾ ಕುಲಯೋನಿಃ ಕುಲೇಶ್ವರೀ |
ಕುಲಲಿಂಗಾ ಕುಲಾನಂದಾ ಕುಲರಮ್ಯಾ ಕುತರ್ಕಧೃಕ್ || ೧೫೫ ||
ಕುಂತೀ ಚ ಕುಲಕಾಂತಾ ಚ ಕುಲಮಾರ್ಗಪರಾಯಣಾ |
ಕುಲ್ಲಾ ಚ ಕುರುಕುಲ್ಲಾ ಚ ಕುಲ್ಲುಕಾ ಕುಲಕಾಮದಾ || ೧೫೬ ||
ಕುಲಿಶಾಂಗೀ ಕುಬ್ಜಿಕಾ ಚ ಕುಬ್ಜಿಕಾನಂದವರ್ಧಿನೀ |
ಕುಲೀನಾ ಕುಂಜರಗತಿಃ ಕುಂಜರೇಶ್ವರಗಾಮಿನೀ || ೧೫೭ ||
ಕುಲಪಾಲೀ ಕುಲವತೀ ತಥೈವ ಕುಲದೀಪಿಕಾ |
ಕುಲಯೋಗೇಶ್ವರೀ ಕುಂಡಾ ಕುಂಕುಮಾರುಣವಿಗ್ರಹಾ || ೧೫೮ ||
ಕುಂಕುಮಾನಂದಸಂತೋಷಾ ಕುಂಕುಮಾರ್ಣವವಾಸಿನೀ |
ಕುಂಕುಮಾಕುಸುಮಪ್ರೀತಾ ಕುಲಭೂಃ ಕುಲಸುಂದರೀ || ೧೫೯ ||
ಕುಮುದ್ವತೀ ಕುಮುದಿನೀ ಕುಶಲಾ ಕುಲಟಾಲಯಾ |
ಕುಲಟಾಲಯಮಧ್ಯಸ್ಥಾ ಕುಲಟಾಸಂಗತೋಷಿತಾ || ೧೬೦ ||
ಕುಲಟಾಭವನೋದ್ಯುಕ್ತಾ ಕುಶಾವರ್ತಾ ಕುಲಾರ್ಣವಾ |
ಕುಲಾರ್ಣವಾಚಾರರತಾ ಕುಂಡಲೀ ಕುಂಡಲಾಕೃತಿಃ || ೧೬೧ ||
ಕುಮತಿಶ್ಚ ಕುಲಶ್ರೇಷ್ಠಾ ಕುಲಚಕ್ರಪರಾಯಣಾ |
ಕೂಟಸ್ಥಾ ಕೂಟದೃಷ್ಟಿಶ್ಚ ಕುಂತಲಾ ಕುಂತಲಾಕೃತಿಃ || ೧೬೨ ||
ಕುಶಲಾಕೃತಿರೂಪಾ ಚ ಕೂರ್ಚಬೀಜಧರಾ ಚ ಕೂಃ |
ಕುಂ ಕುಂ ಕುಂ ಕುಂ ಶಬ್ದರತಾ ಕ್ರುಂ ಕ್ರುಂ ಕ್ರುಂ ಕ್ರುಂ ಪರಾಯಣಾ || ೧೬೩ ||
ಕುಂ ಕುಂ ಕುಂ ಶಬ್ದನಿಲಯಾ ಕುಕ್ಕುರಾಲಯವಾಸಿನೀ |
ಕುಕ್ಕುರಾಸಂಗಸಂಯುಕ್ತಾ ಕುಕ್ಕುರಾನಂತವಿಗ್ರಹಾ || ೧೬೪ ||
ಕೂರ್ಚಾರಂಭಾ ಕೂರ್ಚಬೀಜಾ ಕೂರ್ಚಜಾಪಪರಾಯಣಾ |
ಕುಲಿನೀ ಕುಲಸಂಸ್ಥಾನಾ ಕೂರ್ಚಕಂಠಪರಾಗತಿಃ || ೧೬೫ ||
ಕೂರ್ಚವೀಣಾಭಾಲದೇಶಾ ಕೂರ್ಚಮಸ್ತಕಭೂಷಿತಾ |
ಕುಲವೃಕ್ಷಗತಾ ಕೂರ್ಮಾ ಕೂರ್ಮಾಚಲನಿವಾಸಿನೀ || ೧೬೬ ||
ಕುಲಬಿಂದುಃ ಕುಲಶಿವಾ ಕುಲಶಕ್ತಿಪರಾಯಣಾ |
ಕುಲಬಿಂದುಮಣಿಪ್ರಖ್ಯಾ ಕುಂಕುಮದ್ರುಮವಾಸಿನೀ || ೧೬೭ ||
ಕುಚಮರ್ದನಸಂತುಷ್ಟಾ ಕುಚಜಾಪಪರಾಯಣಾ |
ಕುಚಸ್ಪರ್ಶನಸಂತುಷ್ಟಾ ಕುಚಾಲಿಂಗನಹರ್ಷದಾ || ೧೬೮ ||
ಕುಮತಿಘ್ನೀ ಕುಬೇರಾರ್ಚ್ಯಾ ಕುಚಭೂಃ ಕುಲನಾಯಿಕಾ |
ಕುಗಾಯನಾ ಕುಚಧರಾ ಕುಮಾತಾ ಕುಂದದಂತಿನೀ || ೧೬೯ ||
ಕುಗೇಯಾ ಕುಹರಾಭಾಸಾ ಕುಗೇಯಾಕುಘ್ನದಾರಿಕಾ |
ಕೀರ್ತಿಃ ಕಿರಾತಿನೀ ಕ್ಲಿನ್ನಾ ಕಿನ್ನರಾ ಕಿನ್ನರೀಕ್ರಿಯಾ || ೧೭೦ ||
ಕ್ರೀಂಕಾರಾ ಕ್ರೀಂಜಪಾಸಕ್ತಾ ಕ್ರೀಂ ಹೂಂ ಸ್ತ್ರೀಂ ಮಂತ್ರರೂಪಿಣೀ |
ಕಿರ್ಮೀರಿತದೃಶಾಪಾಂಗೀ ಕಿಶೋರೀ ಚ ಕಿರೀಟಿನೀ || ೧೭೧ ||
ಕೀಟಭಾಷಾ ಕೀಟಯೋನಿಃ ಕೀಟಮಾತಾ ಚ ಕೀಟದಾ |
ಕಿಂಶುಕಾ ಕೀರಭಾಷಾ ಚ ಕ್ರಿಯಾಸಾರಾ ಕ್ರಿಯಾವತೀ || ೧೭೨ ||
ಕೀಂಕೀಂಶಬ್ದಪರಾ ಕ್ಲಾಂ ಕ್ಲೀಂ ಕ್ಲೂಂ ಕ್ಲೈಂ ಕ್ಲೌಂ ಮಂತ್ರರೂಪಿಣೀ |
ಕಾಂ ಕೀಂ ಕೂಂ ಕೈಂ ಸ್ವರೂಪಾ ಚ ಕಃ ಫಟ್ ಮಂತ್ರಸ್ವರೂಪಿಣೀ || ೧೭೩ ||
ಕೇತಕೀಭೂಷಣಾನಂದಾ ಕೇತಕೀಭರಣಾನ್ವಿತಾ |
ಕೈಕದಾ ಕೇಶಿನೀ ಕೇಶೀ ಕೇಶಿಸೂದನತತ್ಪರಾ || ೧೭೪ ||
ಕೇಶರೂಪಾ ಕೇಶಮುಕ್ತಾ ಕೈಕೇಯೀ ಕೌಶಿಕೀ ತಥಾ |
ಕೈರವಾ ಕೈರವಾಹ್ಲಾದಾ ಕೇಶರಾ ಕೇತುರೂಪಿಣೀ || ೧೭೫ ||
ಕೇಶವಾರಾಧ್ಯಹೃದಯಾ ಕೇಶವಾಸಕ್ತಮಾನಸಾ |
ಕ್ಲೈಬ್ಯವಿನಾಶಿನೀ ಕ್ಲೈಂ ಚ ಕ್ಲೈಂ ಬೀಜಜಪತೋಷಿತಾ || ೧೭೬ ||
ಕೌಶಲ್ಯಾ ಕೋಶಲಾಕ್ಷೀ ಚ ಕೋಶಾ ಚ ಕೋಮಲಾ ತಥಾ |
ಕೋಲಾಪುರನಿವಾಸಾ ಚ ಕೋಲಾಸುರವಿನಾಶಿನೀ || ೧೭೭ ||
ಕೋಟಿರೂಪಾ ಕೋಟಿರತಾ ಕ್ರೋಧಿನೀ ಕ್ರೋಧರೂಪಿಣೀ |
ಕೇಕಾ ಚ ಕೋಕಿಲಾ ಕೋಟಿಃ ಕೋಟಿಮಂತ್ರಪರಾಯಣಾ || ೧೭೮ ||
ಕೋಟ್ಯನಂತಮಂತ್ರಯುಕ್ತಾ ಕೈರೂಪಾ ಕೇರಲಾಶ್ರಯಾ |
ಕೇರಲಾಚಾರನಿಪುಣಾ ಕೇರಲೇಂದ್ರಗೃಹಸ್ಥಿತಾ || ೧೭೯ ||
ಕೇದಾರಾಶ್ರಮಸಂಸ್ಥಾ ಚ ಕೇದಾರೇಶ್ವರಪೂಜಿತಾ |
ಕ್ರೋಧರೂಪಾ ಕ್ರೋಧಪದಾ ಕ್ರೋಧಮಾತಾ ಚ ಕೌಶಿಕೀ || ೧೮೦ ||
ಕೋದಂಡಧಾರಿಣೀ ಕ್ರೌಂಚಾ ಕೌಶಲ್ಯಾ ಕೌಲಮಾರ್ಗಗಾ |
ಕೌಲಿನೀ ಕೌಲಿಕಾರಾಧ್ಯಾ ಕೌಲಿಕಾಗಾರವಾಸಿನೀ || ೧೮೧ ||
ಕೌತುಕೀ ಕೌಮುದೀ ಕೌಲಾ ಕೌಮಾರೀ ಕೌರವಾರ್ಚಿತಾ |
ಕೌಂಡಿನ್ಯಾ ಕೌಶಿಕೀ ಕ್ರೋಧಜ್ವಾಲಾಭಾಸುರರೂಪಿಣೀ || ೧೮೨ ||
ಕೋಟಿಕಾಲಾನಲಜ್ವಾಲಾ ಕೋಟಿಮಾರ್ತಂಡವಿಗ್ರಹಾ |
ಕೃತ್ತಿಕಾ ಕೃಷ್ಣವರ್ಣಾ ಚ ಕೃಷ್ಣಾ ಕೃತ್ಯಾ ಕ್ರಿಯಾತುರಾ || ೧೮೩ ||
ಕೃಶಾಂಗೀ ಕೃತಕೃತ್ಯಾ ಚ ಕ್ರಃ ಫಟ್ ಸ್ವಾಹಾ ಸ್ವರೂಪಿಣೀ |
ಕ್ರೌಂ ಕ್ರೌಂ ಹೂಂ ಫಟ್ ಮಂತ್ರವರ್ಣಾ ಕ್ರೀಂ ಹ್ರೀಂ ಹೂಂ ಫಟ್ ನಮಃ ಸ್ವಧಾ || ೧೮೪ ||
ಕ್ರೀಂ ಕ್ರೀಂ ಹ್ರೀಂ ಹ್ರೀಂ ತಥಾ ಹ್ರೂಂ ಹ್ರೂಂ ಫಟ್ ಸ್ವಾಹಾ ಮಂತ್ರರೂಪಿಣೀ |
ಇತಿ ಶ್ರೀಸರ್ವಸಾಮ್ರಾಜ್ಯಮೇಧಾನಾಮ ಸಹಸ್ರಕಮ್ || ೧೮೫ ||
ಇತಿ ಶ್ರೀರುದ್ರಯಾಮಲೇ ಕಾಳೀತಂತ್ರೇ ಕಕಾರಾದಿ ಶ್ರೀ ಕಾಳೀ ಸಹಸ್ರನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.