Read in తెలుగు / ಕನ್ನಡ / தமிழ் / देवनागरी / English (IAST)
asya śrīsarvasāmrājya mēdhākālīsvarūpa kakārātmaka sahasranāmastōtra mantrasya mahākāla r̥ṣiḥ anuṣṭup chandaḥ śrīdakṣiṇa mahākālī dēvatā hrīṁ bījaṁ hūṁ śaktiḥ krīṁ kīlakaṁ kālīvaradānādyakhilēṣṭārthē pāṭhē viniyōgaḥ |
r̥ṣyādinyāsaḥ –
ōṁ mahākāla r̥ṣayē namaḥ śirasi |
anuṣṭup chandasē namaḥ mukhē |
śrī dakṣiṇa mahākālī dēvatāyai namaḥ hr̥dayē |
hrīṁ bījāya namaḥ guhyē |
hūṁ śaktayē namaḥ pādayōḥ |
krīṁ kīlakāya namō nābhau |
viniyōgāya namaḥ sarvāṅgē |
karanyāsaḥ –
ōṁ krāṁ aṅguṣṭhābhyāṁ namaḥ |
ōṁ krīṁ tarjanībhyāṁ namaḥ |
ōṁ krūṁ madhyamābhyāṁ namaḥ |
ōṁ kraiṁ anāmikābhyāṁ namaḥ |
ōṁ krauṁ kaniṣṭhikābhyāṁ namaḥ |
ōṁ kraḥ karatalakarapr̥ṣṭhābhyāṁ namaḥ |
hr̥dayādi nyāsaḥ –
ōṁ krāṁ hr̥dayāya namaḥ |
ōṁ krīṁ śirasē svāhā |
ōṁ krūṁ śikhāyai vaṣaṭ |
ōṁ kraiṁ kavacāya hum |
ōṁ krauṁ nētratrayāya vauṣaṭ |
ōṁ kraḥ astrāya phaṭ |
atha dhyānam |
karālavadanāṁ ghōrāṁ muktakēśīṁ caturbhujām |
kālikāṁ dakṣiṇāṁ divyāṁ muṇḍamālāvibhūṣitām || 1 ||
sadyaśchinnaśiraḥ khaḍgavāmōrdhvādhaḥ karāmbujām |
abhayaṁ varadaṁ caiva dakṣiṇādhōrdhvapāṇikām || 2 ||
mahāmēghaprabhāṁ śyāmāṁ tathā caiva digambarām |
kaṇṭhāvasaktamuṇḍālīgaladrudhiracarcitām || 3 ||
karṇāvataṁsatānīta śavayugmabhayānakām |
ghōradaṁṣṭrākarālāsyāṁ pīnōnnatapayōdharām || 4 ||
śavānāṁ karasaṅghātaiḥ kr̥takāñcīṁ hasanmukhīm |
sr̥kkādvayagaladraktadhārāvisphuritānanām || 5 ||
ghōrarūpāṁ mahāraudrīṁ śmaśānālayavāsinīm |
danturāṁ dakṣiṇavyāpimuktalambakacōccayām || 6 ||
śavarūpamahādēvahr̥dayōpari saṁsthitām |
śivābhirghōrarūpābhiścaturdikṣu samanvitām || 7 ||
mahākālēna sārdhōrdhamupaviṣṭaratāturām |
sukhaprasannavadanāṁ smērānanasarōruhām |
ēvaṁ sañcintayēddēvīṁ śmaśānālayavāsinīm || 8 ||
atha stōtram |
ōṁ krīṁ kālī krūṁ karālī ca kalyāṇī kamalā kalā |
kalāvatī kalāḍhyā ca kalāpūjyā kalātmikā || 1 ||
kalādr̥ṣṭā kalāpuṣṭā kalāmastā kalākarā |
kalākōṭisamābhāsā kalākōṭiprapūjitā || 2 ||
kalākarma kalādhārā kalāpārā kalāgamā |
kalādhārā kamalinī kakārā karuṇā kaviḥ || 3 ||
kakāravarṇasarvāṅgī kalākōṭiprabhūṣitā |
kakārakōṭiguṇitā kakārakōṭibhūṣaṇā || 4 ||
kakāravarṇahr̥dayā kakāramanumaṇḍitā |
kakāravarṇanilayā kakaśabdaparāyaṇā || 5 ||
kakāravarṇamukuṭā kakāravarṇabhūṣaṇā |
kakāravarṇarūpā ca kākaśabdaparāyaṇā || 6 ||
kavīrāsphālanaratā kamalākarapūjitā |
kamalākaranāthā ca kamalākararūpadhr̥k || 7 ||
kamalākarasiddhisthā kamalākarapāradā |
kamalākaramadhyasthā kamalākaratōṣitā || 8 ||
kathaṅkāraparālāpā kathaṅkāraparāyaṇā |
kathaṅkārapadāntasthā kathaṅkārapadārthabhūḥ || 9 ||
kamalākṣī kamalajā kamalākṣaprapūjitā |
kamalākṣavarōdyuktā kakārā karburākṣarā || 10 ||
karatārā karacchinnā karaśyāmā karārṇavā |
karapūjyā kararatā karadā karapūjitā || 11 ||
karatōyā karāmarṣā karmanāśā karapriyā |
karaprāṇā karakajā karakā karakāntarā || 12 ||
karakācalarūpā ca karakācalaśōbhinī |
karakācalaputrī ca karakācalatōṣitā || 13 ||
karakācalagēhasthā karakācalarakṣiṇī |
karakācalasammānyā karakācalakāriṇī || 14 ||
karakācalavarṣāḍhyā karakācalarañjitā |
karakācalakāntārā karakācalamālinī || 15 ||
karakācalabhōjyā ca karakācalarūpiṇī |
karāmalakasaṁsthā ca karāmalakasiddhidā || 16 ||
karāmalakasampūjyā karāmalakatāriṇī |
karāmalakakālī ca karāmalakarōcinī || 17 ||
karāmalakamātā ca karāmalakasēvinī |
karāmalakabaddhyēyā karāmalakadāyinī || 18 ||
kañjanētrā kañjagatiḥ kañjasthā kañjadhāriṇī |
kañjamālāpriyakarī kañjarūpā ca kañjajā || 19 ||
kañjajātiḥ kañjagatiḥ kañjahōmaparāyaṇā |
kañjamaṇḍalamadhyasthā kañjābharaṇabhūṣitā || 20 ||
kañjasammānaniratā kañjōtpattiparāyaṇā |
kañjarāśisamākārā kañjāraṇyanivāsinī || 21 ||
karañjavr̥kṣamadhyasthā karañjavr̥kṣavāsinī |
karañjaphalabhūṣāḍhyā karañjavanavāsinī || 22 ||
karañjamālābharaṇā karavālaparāyaṇā |
karavālaprahr̥ṣṭātmā karavālapriyāgatiḥ || 23 ||
karavālapriyākanthā karavālavihāriṇī |
karavālamayī karmā karavālapriyaṅkarī || 24 ||
kabandhamālābharaṇā kabandharāśimadhyagā |
kabandhakūṭasaṁsthānā kabandhānantabhūṣaṇā || 25 ||
kabandhanādasantuṣṭā kabandhāsanadhāriṇī |
kabandhagr̥hamadhyasthā kabandhavanavāsinī || 26 ||
kabandhakāñcīkaraṇī kabandharāśibhūṣaṇā |
kabandhamālājayadā kabandhadēhavāsinī || 27 ||
kabandhāsanamānyā ca kapālamālyadhāriṇī |
kapālamālāmadhyasthā kapālavratatōṣitā || 28 ||
kapāladīpasantuṣṭā kapāladīparūpiṇī |
kapāladīpavaradā kapālakajjalasthitā || 29 ||
kapālamālājayadā kapālajapatōṣiṇī |
kapālasiddhisaṁhr̥ṣṭā kapālabhōjanōdyatā || 30 ||
kapālavratasaṁsthānā kapālakamalālayā |
kavitvāmr̥tasārā ca kavitvāmr̥tasāgarā || 31 ||
kavitvasiddhisaṁhr̥ṣṭā kavitvādānakāriṇī |
kavipūjyā kavigatiḥ kavirūpā kavipriyā || 32 ||
kavibrahmānandarūpā kavitvavratatōṣitā |
kavimānasasaṁsthānā kavivāñchāprapūraṇī || 33 ||
kavikaṇṭhasthitā kaṁ hrīṁ kaṅkaṅkaṁ kavipūrtidā |
kajjalā kajjalādānamānasā kajjalapriyā || 34 ||
kapālakajjalasamā kajjalēśaprapūjitā |
kajjalārṇavamadhyasthā kajjalānandarūpiṇī || 35 ||
kajjalapriyasantuṣṭā kajjalapriyatōṣiṇī |
kapālamālābharaṇā kapālakarabhūṣaṇā || 36 ||
kapālakarabhūṣāḍhyā kapālacakramaṇḍitā |
kapālakōṭinilayā kapāladurgakāriṇī || 37 ||
kapālagirisaṁsthānā kapālacakravāsinī |
kapālapātrasantuṣṭā kapālārghyaparāyaṇā || 38 ||
kapālārghyapriyaprāṇā kapālārghyavarapradā |
kapālacakrarūpā ca kapālarūpamātragā || 39 ||
kadalī kadalīrūpā kadalīvanavāsinī |
kadalīpuṣpasamprītā kadalīphalamānasā || 40 ||
kadalīhōmasantuṣṭā kadalīdarśanōdyatā |
kadalīgarbhamadhyasthā kadalīvanasundarī || 41 ||
kadambapuṣpanilayā kadambavanamadhyagā |
kadambakusumāmōdā kadambavanatōṣiṇī || 42 ||
kadambapuṣpasampūjyā kadambapuṣpahōmadā |
kadambapuṣpamadhyasthā kadambaphalabhōjinī || 43 ||
kadambakānanāntaḥsthā kadambācalavāsinī |
kakṣapā kakṣapārādhyā kakṣapāsanasaṁsthitā || 44 ||
karṇapūrā karṇanāsā karṇāḍhyā kālabhairavī |
kalaprītā kalahadā kalahā kalahāturā || 45 ||
karṇayakṣī karṇavārtā kathinī karṇasundarī |
karṇapiśācinī karṇamañjarī kavikakṣadā || 46 ||
kavikakṣavirūpāḍhyā kavikakṣasvarūpiṇī |
kastūrīmr̥gasaṁsthānā kastūrīmr̥garūpiṇī || 47 ||
kastūrīmr̥gasantōṣā kastūrīmr̥gamadhyagā |
kastūrīrasanīlāṅgī kastūrīgandhatōṣitā || 48 ||
kastūrīpūjakaprāṇā kastūrīpūjakapriyā |
kastūrīprēmasantuṣṭā kastūrīprāṇadhāriṇī || 49 ||
kastūrīpūjakānandā kastūrīgandharūpiṇī |
kastūrīmālikārūpā kastūrībhōjanapriyā || 50 ||
kastūrītilakānandā kastūrītilakapriyā |
kastūrīhōmasantuṣṭā kastūrītarpaṇōdyatā || 51 ||
kastūrīmārjanōdyuktā kastūrīcakrapūjitā |
kastūrīpuṣpasampūjyā kastūrīcarvaṇōdyatā || 52 ||
kastūrīgarbhamadhyasthā kastūrīvastradhāriṇī |
kastūrikāmōdaratā kastūrīvanavāsinī || 53 ||
kastūrīvanasaṁrakṣā kastūrīprēmadhāriṇī |
kastūrīśaktinilayā kastūrīśaktikuṇḍagā || 54 ||
kastūrīkuṇḍasaṁsnātā kastūrīkuṇḍamajjanā |
kastūrījīvasantuṣṭā kastūrījīvadhāriṇī || 55 ||
kastūrīparamāmōdā kastūrījīvanakṣamā |
kastūrījātibhāvasthā kastūrīgandhacumbanā || 56 ||
kastūrīgandhasaṁśōbhāvirājitakapālabhūḥ |
kastūrīmadanāntaḥsthā kastūrīmadaharṣadā || 57 ||
kastūrīkavitānāḍhyā kastūrīgr̥hamadhyagā |
kastūrīsparśakaprāṇā kastūrīnindakāntakā || 58 ||
kastūryāmōdarasikā kastūrīkrīḍanōdyatā |
kastūrīdānaniratā kastūrīvaradāyinī || 59 ||
kastūrīsthāpanāsaktā kastūrīsthānarañjinī |
kastūrīkuśalaprāṇā kastūrīstutivanditā || 60 ||
kastūrīvandakārādhyā kastūrīsthānavāsinī |
kaharūpā kahāḍhyā ca kahānandā kahātmabhūḥ || 61 ||
kahapūjyā kahātyākhyā kahahēyā kahātmikā |
kahamālākaṇṭhabhūṣā kahamantrajapōdyatā || 62 ||
kahanāmasmr̥tiparā kahanāmaparāyaṇā |
kahapārāyaṇaratā kahadēvī kahēśvarī || 63 ||
kahahētu kahānandā kahanādaparāyaṇā |
kahamātā kahāntaḥsthā kahamantrā kahēśvarī || 64 ||
kahagēyā kahārādhyā kahadhyānaparāyaṇā |
kahatantrā kahakahā kahacaryāparāyaṇā || 65 ||
kahācārā kahagatiḥ kahatāṇḍavakāriṇī |
kahāraṇyā kaharatiḥ kahaśaktiparāyaṇā || 66 ||
kaharājyanatā karmasākṣiṇī karmasundarī |
karmavidyā karmagatiḥ karmatantraparāyaṇā || 67 ||
karmamātrā karmagātrā karmadharmaparāyaṇā |
karmarēkhānāśakartrī karmarēkhāvinōdinī || 68 ||
karmarēkhāmōhakarī karmakīrtiparāyaṇā |
karmavidyā karmasārā karmādhārā ca karmabhūḥ || 69 ||
karmakārī karmahārī karmakautukasundarī |
karmakālī karmatārā karmacchinnā ca karmadā || 70 ||
karmacāṇḍālinī karmavēdamātā ca karmabhūḥ |
karmakāṇḍaratānantā karmakāṇḍānumānitā || 71 ||
karmakāṇḍaparīṇāhā kamaṭhī kamaṭhākr̥tiḥ |
kamaṭhārādhyahr̥dayā kamaṭhākaṇṭhasundarī || 72 ||
kamaṭhāsanasaṁsēvyā kamaṭhī karmatatparā |
karuṇākarakāntā ca karuṇākaravanditā || 73 ||
kaṭhōrakaramālā ca kaṭhōrakucadhāriṇī |
kapardinī kapaṭinī kaṭhinā kaṅkabhūṣaṇā || 74 ||
karabhōrūḥ kaṭhinadā karabhā karabhālayā |
kalabhāṣāmayī kalpā kalpanā kalpadāyinī || 75 ||
kamalasthā kalāmālā kamalāsyā kvaṇatprabhā |
kakudminī kaṣṭavatī karaṇīyakathārcitā || 76 ||
kacārcitā kacatanuḥ kacasundaradhāriṇī |
kaṭhōrakucasaṁlagnā kaṭisūtravirājitā || 77 ||
karṇabhakṣapriyā kandā kathā kandagatiḥ kaliḥ |
kalighnī kalidūtī ca kavināyakapūjitā || 78 ||
kaṇakakṣāniyantrī ca kaścitkavivarārcitā |
kartrī ca kartr̥kābhūṣā kāriṇī karṇaśatrupā || 79 ||
karaṇēśī karaṇapā kalavācā kalānidhiḥ |
kalanā kalanādhārā kārikā karakā karā || 80 ||
kalajñēyā karkarāśiḥ karkarāśiprapūjitā |
kanyārāśiḥ kanyakā ca kanyakāpriyabhāṣiṇī || 81 ||
kanyakādānasantuṣṭā kanyakādānatōṣiṇī |
kanyādānakarānandā kanyādānagrahēṣṭadā || 82 ||
karṣaṇā kakṣadahanā kāmitā kamalāsanā |
karamālānandakartrī karamālāpratōṣitā || 83 ||
karamālāśayānandā karamālāsamāgamā |
karamālāsiddhidātrī karamālākarapriyā || 84 ||
karapriyā kararatā karadānaparāyaṇā |
kalānandā kaligatiḥ kalipūjyā kaliprasūḥ || 85 ||
kalanādaninādasthā kalanādavarapradā |
kalanādasamājasthā kahōlā ca kahōladā || 86 ||
kahōlagēhamadhyasthā kahōlavaradāyinī |
kahōlakavitādhārā kahōlar̥ṣimānitā || 87 ||
kahōlamānasārādhyā kahōlavākyakāriṇī |
kartr̥rūpā kartr̥mayī kartr̥mātā ca kartarī || 88 ||
kanīyā kanakārādhyā kanīnakamayī tathā |
kanīyānandanilayā kanakānandatōṣitā || 89 ||
kanīyakakarā kāṣṭhā kathārṇavakarī karī |
karigamyā karigatiḥ karidhvajaparāyaṇā || 90 ||
karināthapriyā kaṇṭhā kathānakapratōṣitā |
kamanīyā kamanakā kamanīyavibhūṣaṇā || 91 ||
kamanīyasamājasthā kamanīyavratapriyā |
kamanīyaguṇārādhyā kapilā kapilēśvarī || 92 ||
kapilārādhyahr̥dayā kapilāpriyavādinī |
kahacakramantravarṇā kahacakraprasūnakā || 93 ||
kaēīlahrīṁsvarūpā ca kaēīlahrīṁvarapradā |
kaēīlahrīṁsiddhidātrī kaēīlahrīṁsvarūpiṇī || 94 ||
kaēīlahrīṁmantravarṇā kaēīlahrīmprasūkalā |
kaēvargā kapāṭasthā kapāṭōdghāṭanakṣamā || 95 ||
kaṅkālī ca kapālī ca kaṅkālapriyabhāṣiṇī |
kaṅkālabhairavārādhyā kaṅkālamānasaṁsthitā || 96 ||
kaṅkālamōhaniratā kaṅkālamōhadāyinī |
kaluṣaghnī kaluṣahā kaluṣārtivināśinī || 97 ||
kalipuṣpā kalādānā kaśipuḥ kaśyapārcitā |
kaśyapā kaśyapārādhyā kalipūrṇakalēvarā || 98 ||
kalēvarakarī kāñcī kavargā ca karālakā |
karālabhairavārādhyā karālabhairavēśvarī || 99 ||
karālā kalanādhārā kapardīśavarapradā |
kapardīśaprēmalatā kapardimālikāyutā || 100 ||
kapardijapamālāḍhyā karavīraprasūnadā |
karavīrapriyaprāṇā karavīraprapūjitā || 101 ||
karṇikārasamākārā karṇikāraprapūjitā |
karīṣāgnisthitā karṣā karṣamātrasuvarṇadā || 102 ||
kalaśā kalaśārādhyā kaṣāyā karigānadā |
kapilā kalakaṇṭhī ca kalikalpalatā matā || 103 ||
kalpamātā kalpalatā kalpakārī ca kalpabhūḥ |
karpūrāmōdarucirā karpūrāmōdadhāriṇī || 104 ||
karpūramālābharaṇā karpūravāsapūrtidā |
karpūramālājayadā karpūrārṇavamadhyagā || 105 ||
karpūratarpaṇaratā kaṭakāmbaradhāriṇī |
kapaṭēśvavarasampūjyā kapaṭēśvararūpiṇī || 106 ||
kaṭuḥ kapidhvajārādhyā kalāpapuṣpadhāriṇī |
kalāpapuṣparucirā kalāpapuṣpapūjitā || 107 ||
krakacā krakacārādhyā kathambrūmā karālatā |
kathaṅkāravinirmuktā kālī kālakriyā kratuḥ || 108 ||
kāminī kāminīpūjyā kāminīpuṣpadhāriṇī |
kāminīpuṣpanilayā kāminīpuṣpapūrṇimā || 109 ||
kāminīpuṣpapūjārhā kāminīpuṣpabhūṣaṇā |
kāminīpuṣpatilakā kāminīkuṇḍacumbanā || 110 ||
kāminīyōgasantuṣṭā kāminīyōgabhōgadā |
kāminīkuṇḍasammagnā kāminīkuṇḍamadhyagā || 111 ||
kāminīmānasārādhyā kāminīmānatōṣitā |
kāminīmānasañcārā kālikā kālakālikā || 112 ||
kāmā ca kāmadēvī ca kāmēśī kāmasambhavā |
kāmabhāvā kāmaratā kāmārtā kāmamañjarī || 113 ||
kāmamañjīraraṇitā kāmadēvapriyāntarā |
kāmakālī kāmakalā kālikā kamalārcitā || 114 ||
kādikā kamalā kālī kālānalasamaprabhā |
kalpāntadahanā kāntā kāntārapriyavāsinī || 115 ||
kālapūjyā kālaratā kālamātā ca kālinī |
kālavīrā kālaghōrā kālasiddhā ca kāladā || 116 ||
kālāñjanasamākārā kālañjaranivāsinī |
kālar̥ddhiḥ kālavr̥ddhiḥ kārāgr̥havimōcinī || 117 ||
kādividyā kādimātā kādisthā kādisundarī |
kāśī kāñcī ca kāñcīśā kāśīśavaradāyinī || 118 ||
krīmbījā caiva krīṁ bījahr̥dayāya namaḥ smr̥tā |
kāmyā kāmyagatiḥ kāmyasiddhidātrī ca kāmabhūḥ || 119 ||
kāmākhyā kāmarūpā ca kāmacāpavimōcinī |
kāmadēvakalārāmā kāmadēvakalālayā || 120 ||
kāmarātriḥ kāmadātrī kāntārācalavāsinī |
kāmarūpā kāmagatiḥ kāmayōgaparāyaṇā || 121 ||
kāmasammardanaratā kāmagēhavikāśinī |
kālabhairavabhāryā ca kālabhairavakāminī || 122 ||
kālabhairavayōgasthā kālabhairavabhōgadā |
kāmadhēnuḥ kāmadōgdhrī kāmamātā ca kāntidā || 123 ||
kāmukā kāmukārādhyā kāmukānandavardhinī |
kārtavīryā kārtikēyā kārtikēyaprapūjitā || 124 ||
kāryā kāraṇadā kāryakāriṇī kāraṇāntarā |
kāntigamyā kāntimayī kāntyā kātyāyanī ca kā || 125 ||
kāmasārā ca kāśmīrā kāśmīrācāratatparā |
kāmarūpācāraratā kāmarūpapriyaṁvadā || 126 ||
kāmarūpācārasiddhiḥ kāmarūpamanōmayī |
kārtikī kārtikārādhyā kāñcanāraprasūnabhūḥ || 127 ||
kāñcanāraprasūnābhā kāñcanāraprapūjitā |
kāñcarūpā kāñcabhūmiḥ kāṁsyapātraprabhōjinī || 128 ||
kāṁsyadhvanimayī kāmasundarī kāmacumbanā |
kāśapuṣpapratīkāśā kāmadrumasamāgamā || 129 ||
kāmapuṣpā kāmabhūmiḥ kāmapūjyā ca kāmadā |
kāmadēhā kāmagēhā kāmabījaparāyaṇā || 130 ||
kāmadhvajasamārūḍhā kāmadhvajasamāsthitā |
kāśyapī kāśyapārādhyā kāśyapānandadāyinī || 131 ||
kālindījalasaṅkāśā kālindījalapūjitā |
kādēvapūjāniratā kādēvaparamārthadā || 132 ||
karmaṇā karmaṇākārā kāmakarmaṇakāriṇī |
kārmaṇatrōṭanakarī kākinī kāraṇāhvayā || 133 ||
kāvyāmr̥tā ca kāliṅgā kāliṅgamardanōdyatā |
kālāguruvibhūṣāḍhyā kālāguruvibhūtidā || 134 ||
kālāgurusugandhā ca kālāgurupratarpaṇā |
kāvērīnīrasamprītā kāvērītīravāsinī || 135 ||
kālacakrabhramākārā kālacakranivāsinī |
kānanā kānanādhārā kāruḥ kāruṇikāmayī || 136 ||
kāmpilyavāsinī kāṣṭhā kāmapatnī ca kāmabhūḥ |
kādambarīpānaratā tathā kādambarī kalā || 137 ||
kāmavandyā ca kāmēśī kāmarājaprapūjitā |
kāmarājēśvarīvidyā kāmakautukasundarī || 138 ||
kāmbōjajā kāñchinadā kāṁsyakāñcanakāriṇī |
kāñcanādrisamākārā kāñcanādripradānadā || 139 ||
kāmakīrtiḥ kāmakēśī kārikā kāntarāśrayā |
kāmabhēdī ca kāmārtināśinī kāmabhūmikā || 140 ||
kālanirṇāśinī kāvyavanitā kāmarūpiṇī |
kāyasthākāmasandīptiḥ kāvyadā kālasundarī || 141 ||
kāmēśī kāraṇavarā kāmēśīpūjanōdyatā |
kāñcīnūpurabhūṣāḍhyā kuṅkumābharaṇānvitā || 142 ||
kālacakrā kālagatiḥ kālacakramanōbhavā |
kundamadhyā kundapuṣpā kundapuṣpapriyā kujā || 143 ||
kujamātā kujārādhyā kuṭhāravaradhāriṇī |
kuñjarasthā kuśaratā kuśēśayavilōcanā || 144 ||
kunaṭī kurarī kudrā kuraṅgī kuṭajāśrayā |
kumbhīnasavibhūṣā ca kumbhīnasavadhōdyatā || 145 ||
kumbhakarṇamanōllāsā kulacūḍāmaṇiḥ kulā |
kulālagr̥hakanyā ca kulacūḍāmaṇipriyā || 146 ||
kulapūjyā kulārādhyā kulapūjāparāyaṇā |
kulabhūṣā tathā kukṣiḥ kurarīgaṇasēvitā || 147 ||
kulapuṣpā kularatā kulapuṣpaparāyaṇā |
kulavastrā kulārādhyā kulakuṇḍasamaprabhā || 148 ||
kulakuṇḍasamōllāsā kuṇḍapuṣpaparāyaṇā |
kuṇḍapuṣpaprasannāsyā kuṇḍagōlōdbhavātmikā || 149 ||
kuṇḍagōlōdbhavādhārā kuṇḍagōlamayī kuhūḥ |
kuṇḍagōlapriyaprāṇā kuṇḍagōlaprapūjitā || 150 ||
kuṇḍagōlamanōllāsā kuṇḍagōlabalapradā |
kuṇḍadēvaratā kruddhā kulasiddhikarā parā || 151 ||
kulakuṇḍasamākārā kulakuṇḍasamānabhūḥ |
kuṇḍasiddhiḥ kuṇḍar̥ddhiḥ kumārīpūjanōdyatā || 152 ||
kumārīpūjakaprāṇā kumārīpūjakālayā |
kumārīkāmasantuṣṭā kumārīpūjanōtsukā || 153 ||
kumārīvratasantuṣṭā kumārīrūpadhāriṇī |
kumārībhōjanaprītā kumārī ca kumāradā || 154 ||
kumāramātā kuladā kulayōniḥ kulēśvarī |
kulaliṅgā kulānandā kularamyā kutarkadhr̥k || 155 ||
kuntī ca kulakāntā ca kulamārgaparāyaṇā |
kullā ca kurukullā ca kullukā kulakāmadā || 156 ||
kuliśāṅgī kubjikā ca kubjikānandavardhinī |
kulīnā kuñjaragatiḥ kuñjarēśvaragāminī || 157 ||
kulapālī kulavatī tathaiva kuladīpikā |
kulayōgēśvarī kuṇḍā kuṅkumāruṇavigrahā || 158 ||
kuṅkumānandasantōṣā kuṅkumārṇavavāsinī |
kuṅkumākusumaprītā kulabhūḥ kulasundarī || 159 ||
kumudvatī kumudinī kuśalā kulaṭālayā |
kulaṭālayamadhyasthā kulaṭāsaṅgatōṣitā || 160 ||
kulaṭābhavanōdyuktā kuśāvartā kulārṇavā |
kulārṇavācāraratā kuṇḍalī kuṇḍalākr̥tiḥ || 161 ||
kumatiśca kulaśrēṣṭhā kulacakraparāyaṇā |
kūṭasthā kūṭadr̥ṣṭiśca kuntalā kuntalākr̥tiḥ || 162 ||
kuśalākr̥tirūpā ca kūrcabījadharā ca kūḥ |
kuṁ kuṁ kuṁ kuṁ śabdaratā kruṁ kruṁ kruṁ kruṁ parāyaṇā || 163 ||
kuṁ kuṁ kuṁ śabdanilayā kukkurālayavāsinī |
kukkurāsaṅgasamyuktā kukkurānantavigrahā || 164 ||
kūrcārambhā kūrcabījā kūrcajāpaparāyaṇā |
kulinī kulasaṁsthānā kūrcakaṇṭhaparāgatiḥ || 165 ||
kūrcavīṇābhāladēśā kūrcamastakabhūṣitā |
kulavr̥kṣagatā kūrmā kūrmācalanivāsinī || 166 ||
kulabinduḥ kulaśivā kulaśaktiparāyaṇā |
kulabindumaṇiprakhyā kuṅkumadrumavāsinī || 167 ||
kucamardanasantuṣṭā kucajāpaparāyaṇā |
kucasparśanasantuṣṭā kucāliṅganaharṣadā || 168 ||
kumatighnī kubērārcyā kucabhūḥ kulanāyikā |
kugāyanā kucadharā kumātā kundadantinī || 169 ||
kugēyā kuharābhāsā kugēyākughnadārikā |
kīrtiḥ kirātinī klinnā kinnarā kinnarīkriyā || 170 ||
krīṅkārā krīñjapāsaktā krīṁ hūṁ strīṁ mantrarūpiṇī |
kirmīritadr̥śāpāṅgī kiśōrī ca kirīṭinī || 171 ||
kīṭabhāṣā kīṭayōniḥ kīṭamātā ca kīṭadā |
kiṁśukā kīrabhāṣā ca kriyāsārā kriyāvatī || 172 ||
kīṅkīṁśabdaparā klāṁ klīṁ klūṁ klaiṁ klauṁ mantrarūpiṇī |
kāṁ kīṁ kūṁ kaiṁ svarūpā ca kaḥ phaṭ mantrasvarūpiṇī || 173 ||
kētakībhūṣaṇānandā kētakībharaṇānvitā |
kaikadā kēśinī kēśī kēśisūdanatatparā || 174 ||
kēśarūpā kēśamuktā kaikēyī kauśikī tathā |
kairavā kairavāhlādā kēśarā kēturūpiṇī || 175 ||
kēśavārādhyahr̥dayā kēśavāsaktamānasā |
klaibyavināśinī klaiṁ ca klaiṁ bījajapatōṣitā || 176 ||
kauśalyā kōśalākṣī ca kōśā ca kōmalā tathā |
kōlāpuranivāsā ca kōlāsuravināśinī || 177 ||
kōṭirūpā kōṭiratā krōdhinī krōdharūpiṇī |
kēkā ca kōkilā kōṭiḥ kōṭimantraparāyaṇā || 178 ||
kōṭyanantamantrayuktā kairūpā kēralāśrayā |
kēralācāranipuṇā kēralēndragr̥hasthitā || 179 ||
kēdārāśramasaṁsthā ca kēdārēśvarapūjitā |
krōdharūpā krōdhapadā krōdhamātā ca kauśikī || 180 ||
kōdaṇḍadhāriṇī krauñcā kauśalyā kaulamārgagā |
kaulinī kaulikārādhyā kaulikāgāravāsinī || 181 ||
kautukī kaumudī kaulā kaumārī kauravārcitā |
kauṇḍinyā kauśikī krōdhajvālābhāsurarūpiṇī || 182 ||
kōṭikālānalajvālā kōṭimārtaṇḍavigrahā |
kr̥ttikā kr̥ṣṇavarṇā ca kr̥ṣṇā kr̥tyā kriyāturā || 183 ||
kr̥śāṅgī kr̥takr̥tyā ca kraḥ phaṭ svāhā svarūpiṇī |
krauṁ krauṁ hūṁ phaṭ mantravarṇā krīṁ hrīṁ hūṁ phaṭ namaḥ svadhā || 184 ||
krīṁ krīṁ hrīṁ hrīṁ tathā hrūṁ hrūṁ phaṭ svāhā mantrarūpiṇī |
iti śrīsarvasāmrājyamēdhānāma sahasrakam || 185 ||
iti śrīrudrayāmalē kālītantrē kakārādi śrī kālī sahasranāma stōtram |
See more śrī kālikā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
