Read in తెలుగు / ಕನ್ನಡ / தமிழ் / देवनागरी / English (IAST)
<< ಚತುರ್ಥ ದಶಕಮ್ (೪) ಮಧುಕೈಟಭವಧಮ್
|| ಸುದ್ಯುಮ್ನಕಥಾ ||
ಜಾತಾ ಸುತೇಳಾ ಮನುಸಪ್ತಮಸ್ಯ
ಸಂಪ್ರಾರ್ಥಿತೋಽನೇನ ಮುನಿರ್ವಸಿಷ್ಠಃ |
ಶಂಭೋಃ ಕಟಾಕ್ಷೇಣ ಸುತಾಂ ಕುಮಾರಂ
ಚಕ್ರೇ ಸ ಕಾಲೇನ ಬಭೂವ ರಾಜಾ || ೫-೧ ||
ಸುದ್ಯುಮ್ನನಾಮಾ ಮೃಗಯಾವಿಹಾರೀ
ಗತೋ ಹಯಾರೂಢ ಇಳಾವೃತಂ ಸಃ |
ಸ್ತ್ರೀತ್ವಂ ಪುನಃ ಪ್ರಾಪ್ಯ ಸುತಂ ಹಿಮಾಂಶೋ-
-ರ್ವವ್ರೇ ಪತಿಂ ಪುತ್ರಮಸೂತ ಚೈಷಾ || ೫-೨ ||
ನ್ಯವೇದಯತ್ಸಾ ಗುರವೇ ವಸಿಷ್ಠಾ-
-ಯೈಷಾ ಕದಾಚಿನ್ನಿಜಪುಂಸ್ತ್ವಕಾಮಮ್ |
ತತ್ಸಾಧನಾರ್ಥಂ ಹರಮೇವ ದಧ್ಯೌ
ಮುನಿಃ ಪ್ರಸನ್ನಸ್ತಮುವಾಚ ಶಂಭುಃ || ೫-೩ ||
ಇಳಾವೃತಂ ಮಾ ಪುರುಷಃ ಪ್ರಯಾತು
ಪ್ರಯಾತಿ ಚೇತ್ಸೋಽಸ್ತ್ವಬಲಾ ತದೈವ |
ಏವಂ ಮಯಾ ನಿಶ್ಚಿತಮೇವ ಸೌಮ್ಯ
ಗೌರ್ಯಾಃ ಪ್ರಸಾದಾಯ ಭವಾನ್ ಪ್ರಿಯೋ ಮೇ || ೫-೪ ||
ನ ಪಕ್ಷಭೇದೋಽತ್ರ ಮಮಾಸ್ತಿ ಗೌರೀ
ಭವಾಂಶ್ಚ ತೃಪ್ತೌ ಭವತಾಂ ಮದೀಯೌ |
ಇತಃ ಪರಂ ತಸ್ಯ ಮನೋರಪತ್ಯಂ
ಮಾಸಂ ಪುಮಾನ್ ಸ್ಯಾದ್ವನಿತಾ ಚ ಮಾಸಮ್ || ೫-೫ ||
ಏವಂ ಶಿವೋಕ್ತೇನ ಮನೋರಪತ್ಯಂ
ಲಬ್ಧ್ವಾ ಚ ಪುಂಸ್ತ್ವಂ ಧರಣೀಂ ಶಶಾಸ |
ಸ್ತ್ರೀತ್ವೇ ಚ ಹರ್ಮ್ಯೇಷು ನಿನಾಯ ಕಾಲಂ
ಜನೋ ನ ಚೈನಂ ನೃಪಮಭ್ಯನಂದತ್ || ೫-೬ ||
ಪುರೂರವಸ್ಯಾತ್ಮಸುತೇಽರ್ಪಯಿತ್ವಾ
ರಾಜ್ಯಂ ವಿರಕ್ತೋ ವನಮೇತ್ಯ ಭೂಪಃ |
ಶ್ರೀನಾರದಾಲ್ಲಬ್ಧನವಾರ್ಣಮಂತ್ರೋ
ಭಕ್ತ್ಯಾ ಸ ದಧ್ಯೌ ಭವತಾರಿಣೀಂ ತ್ವಾಮ್ || ೫-೭ ||
ಸಿಂಹಾಧಿರೂಢಾಮರುಣಾಬ್ಜನೇತ್ರಾಂ
ತ್ವಾಂ ಸುಪ್ರಸನ್ನಾಮಭಿವೀಕ್ಷ್ಯ ನತ್ವಾ |
ಸ್ತುತ್ವಾ ಚ ಭಕ್ತ್ಯಾ ಸ್ಥಿರಪುಂಸ್ತ್ವಮೇಷ
ಲೇಭೇಽಥ ಸಾಯುಜ್ಯಮವಾಪ ಚಾಂತೇ || ೫-೮ ||
ಶೌರ್ಯಂ ನ ವೀರ್ಯಂ ನ ಚ ಪೌರುಷಂ ಮೇ
ನೈವಾಸ್ತಿ ಚ ಸ್ತ್ರೀಸಹಜಾ ತಿತಿಕ್ಷಾ |
ಮೂಢೋ ನ ಜಾನಾಮ್ಯಶುಭಂ ಶುಭಂ ಚ
ದೇಯಂ ತ್ವಯಾ ಮೇ ಶುಭಮೇವ ಮಾತಃ || ೫-೯ ||
ಪಶ್ಯಾನಿ ಮಾತಃ ಪ್ರವರಾನ್ ಗುರುಂಸ್ತೇ
ಕಾರುಣ್ಯತೋ ಮಾಂ ಸುಪಥಾ ನಯಂತು |
ಸತ್ಸಂಗಸಂಭಾವಿತಚಿತ್ತವೃತ್ತಿ-
-ರ್ಭವಾನಿ ತೇ ದೇವಿ ನಮಃ ಪ್ರಸೀದ || ೫-೧೦ ||
ಷಷ್ಠ ದಶಕಮ್ (೬) – ವ್ಯಾಸನಾರದಸಮಾಗಮಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
