Read in తెలుగు / ಕನ್ನಡ / தமிழ் / देवनागरी / English (IAST)
jātā sutēlā manusaptamasya
samprārthitō:’nēna munirvasiṣṭhaḥ |
śambhōḥ kaṭākṣēṇa sutāṁ kumāraṁ
cakrē sa kālēna babhūva rājā || 5-1 ||
sudyumnanāmā mr̥gayāvihārī
gatō hayārūḍha ilāvr̥taṁ saḥ |
strītvaṁ punaḥ prāpya sutaṁ himāṁśō-
-rvavrē patiṁ putramasūta caiṣā || 5-2 ||
nyavēdayatsā guravē vasiṣṭhā-
-yaiṣā kadācinnijapuṁstvakāmam |
tatsādhanārthaṁ haramēva dadhyau
muniḥ prasannastamuvāca śambhuḥ || 5-3 ||
ilāvr̥taṁ mā puruṣaḥ prayātu
prayāti cētsō:’stvabalā tadaiva |
ēvaṁ mayā niścitamēva saumya
gauryāḥ prasādāya bhavān priyō mē || 5-4 ||
na pakṣabhēdō:’tra mamāsti gaurī
bhavāṁśca tr̥ptau bhavatāṁ madīyau |
itaḥ paraṁ tasya manōrapatyaṁ
māsaṁ pumān syādvanitā ca māsam || 5-5 ||
ēvaṁ śivōktēna manōrapatyaṁ
labdhvā ca puṁstvaṁ dharaṇīṁ śaśāsa |
strītvē ca harmyēṣu nināya kālaṁ
janō na cainaṁ nr̥pamabhyanandat || 5-6 ||
purūravasyātmasutē:’rpayitvā
rājyaṁ viraktō vanamētya bhūpaḥ |
śrīnāradāllabdhanavārṇamantrō
bhaktyā sa dadhyau bhavatāriṇīṁ tvām || 5-7 ||
siṁhādhirūḍhāmaruṇābjanētrāṁ
tvāṁ suprasannāmabhivīkṣya natvā |
stutvā ca bhaktyā sthirapuṁstvamēṣa
lēbhē:’tha sāyujyamavāpa cāntē || 5-8 ||
śauryaṁ na vīryaṁ na ca pauruṣaṁ mē
naivāsti ca strīsahajā titikṣā |
mūḍhō na jānāmyaśubhaṁ śubhaṁ ca
dēyaṁ tvayā mē śubhamēva mātaḥ || 5-9 ||
paśyāni mātaḥ pravarān guruṁstē
kāruṇyatō māṁ supathā nayantu |
satsaṅgasambhāvitacittavr̥tti-
-rbhavāni tē dēvi namaḥ prasīda || 5-10 ||
ṣaṣṭha daśakam (6) – vyāsanāradasamāgamam >>
See dēvī nārāyaṇīyam for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
