Read in తెలుగు / ಕನ್ನಡ / தமிழ் / देवनागरी / English (IAST)
జాతా సుతేళా మనుసప్తమస్య
సంప్రార్థితోఽనేన మునిర్వసిష్ఠః |
శంభోః కటాక్షేణ సుతాం కుమారం
చక్రే స కాలేన బభూవ రాజా || ౫-౧ ||
సుద్యుమ్ననామా మృగయావిహారీ
గతో హయారూఢ ఇళావృతం సః |
స్త్రీత్వం పునః ప్రాప్య సుతం హిమాంశో-
-ర్వవ్రే పతిం పుత్రమసూత చైషా || ౫-౨ ||
న్యవేదయత్సా గురవే వసిష్ఠా-
-యైషా కదాచిన్నిజపుంస్త్వకామమ్ |
తత్సాధనార్థం హరమేవ దధ్యౌ
మునిః ప్రసన్నస్తమువాచ శంభుః || ౫-౩ ||
ఇళావృతం మా పురుషః ప్రయాతు
ప్రయాతి చేత్సోఽస్త్వబలా తదైవ |
ఏవం మయా నిశ్చితమేవ సౌమ్య
గౌర్యాః ప్రసాదాయ భవాన్ ప్రియో మే || ౫-౪ ||
న పక్షభేదోఽత్ర మమాస్తి గౌరీ
భవాంశ్చ తృప్తౌ భవతాం మదీయౌ |
ఇతః పరం తస్య మనోరపత్యం
మాసం పుమాన్ స్యాద్వనితా చ మాసమ్ || ౫-౫ ||
ఏవం శివోక్తేన మనోరపత్యం
లబ్ధ్వా చ పుంస్త్వం ధరణీం శశాస |
స్త్రీత్వే చ హర్మ్యేషు నినాయ కాలం
జనో న చైనం నృపమభ్యనందత్ || ౫-౬ ||
పురూరవస్యాత్మసుతేఽర్పయిత్వా
రాజ్యం విరక్తో వనమేత్య భూపః |
శ్రీనారదాల్లబ్ధనవార్ణమంత్రో
భక్త్యా స దధ్యౌ భవతారిణీం త్వామ్ || ౫-౭ ||
సింహాధిరూఢామరుణాబ్జనేత్రాం
త్వాం సుప్రసన్నామభివీక్ష్య నత్వా |
స్తుత్వా చ భక్త్యా స్థిరపుంస్త్వమేష
లేభేఽథ సాయుజ్యమవాప చాంతే || ౫-౮ ||
శౌర్యం న వీర్యం న చ పౌరుషం మే
నైవాస్తి చ స్త్రీసహజా తితిక్షా |
మూఢో న జానామ్యశుభం శుభం చ
దేయం త్వయా మే శుభమేవ మాతః || ౫-౯ ||
పశ్యాని మాతః ప్రవరాన్ గురుంస్తే
కారుణ్యతో మాం సుపథా నయంతు |
సత్సంగసంభావితచిత్తవృత్తి-
-ర్భవాని తే దేవి నమః ప్రసీద || ౫-౧౦ ||
షష్ఠ దశకమ్ (౬) – వ్యాసనారదసమాగమమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక : "శ్రీ నరసింహ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
