Read in తెలుగు / ಕನ್ನಡ / தமிழ் / देवनागरी / English (IAST)
త్వదిచ్ఛయా దేవి పులస్త్యవాచా
పరాశరాద్విష్ణుపురాణకర్తుః |
మునేర్హరిర్లోకహితాయ దీపా-
-ద్యథా ప్రదీపోఽజని కృష్ణనామా || ౬-౧ ||
వేదం చతుర్ధా వ్యదధత్స కృష్ణ-
-ద్వైపాయనో వ్యాస ఇతి ప్రసిద్ధః |
వేదాంతసూత్రాణి పురాణజాలం
మహేతిహాసం చ మహాంశ్చకార || ౬-౨ ||
తపః ప్రవృత్తః కళవింకపోతం
మాత్రా స సంలాళితమాశ్రమాంతే |
పశ్యన్నధన్యామనపత్యతాం స్వాం
సపుత్రభాగ్యాతిశయం చ దధ్యౌ || ౬-౩ ||
సత్పుత్రలాభాయ తపశ్చికీర్షు-
-స్తీవ్రం మహామేరుసమీపమేత్య |
ఆరాధనీయః క ఇతి క్షణం స
చింతాతురో లోకగురుః స్థితోఽభూత్ || ౬-౪ ||
శ్రీనారదస్తత్ర సమాగతస్త్వ-
-త్కృపాకటాక్షాంకురవన్మహర్షిః |
అర్ఘ్యాదిసంపూజిత ఆసనస్థో
వ్యాసేన పృష్టః ప్రహసన్నివాహ || ౬-౫ ||
కిం చింతయా కృష్ణ భజస్వ దేవీం
కృపావతీ వాంఛితదానదక్షా |
అహేతురేషా ఖలు సర్వహేతు-
-ర్నిరస్తసామ్యాతిశయా నిరీహా || ౬-౬ ||
సైషా మహాశక్తిరితి ప్రసిద్ధా
యదాజ్ఞయా బ్రహ్మరమేశరుద్రాః |
బ్రహ్మాండసర్గస్థితిసంహృతీశ్చ
కుర్వంతి కాలే న చ తే స్వతంత్రాః || ౬-౭ ||
యస్యాశ్చ తే శక్తిభిరేవ సర్వ-
-కర్మాణి కుర్వంతి సురాసురాద్యాః |
మర్త్యా మృగాః కృష్ణ పతత్రిణశ్చ
శక్తేర్విధేయాః క ఇహావిధేయః || ౬-౮ ||
ప్రత్యక్షముఖ్యైర్న చ సా ప్రమాణై-
-ర్జ్ఞేయా తపోభిః కఠినైర్వ్రతైశ్చ |
న వేదశాస్త్రాధ్యయనేన చాపి
భక్త్యైవ జానాతి పుమాన్ మహేశీమ్ || ౬-౯ ||
తామేవ భక్త్యా సతతం భజస్వ
సర్వార్థదాం కృష్ణ తవాస్తు భద్రమ్ |
ఇత్యూచుషి బ్రహ్మసుతే గతే స
వ్యాసస్తపోఽర్థం గిరిమారురోహ || ౬-౧౦ ||
ఇహాస్మి పర్యాకులచిత్తవృత్తి-
-ర్గురుం న పశ్యామి మహత్తమం చ |
సన్మార్గతో మాం నయ విశ్వమాతః
ప్రసీద మే త్వాం శరణం వ్రజామి || ౬-౧౧ ||
సప్తమ దశకమ్ (౭) – శుకోత్పత్తిః >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
