Read in తెలుగు / ಕನ್ನಡ / தமிழ் / देवनागरी / English (IAST)
కృష్ణస్య తస్యారణితః శుకాఖ్య-
-స్తవ ప్రసాదాదజనిష్ట పుత్రః |
హృష్టో మునిర్మంగళకర్మ చక్రే
తత్రాదితేయా వవృషుః సుమాని || ౭-౧ ||
కేచిజ్జగుః కేచన వాద్యఘోషం
చక్రుశ్చ నాకే ననృతుః స్త్రియశ్చ |
వాయుర్వవౌ స్పర్శసుఖః సుగంధః
శుకోద్భవే సర్వజనాః ప్రహృష్టాః || ౭-౨ ||
బాలః స సద్యో వవృధే సుచేతా
బృహస్పతేరాత్తసమస్తవిద్యః |
దత్వా వినీతో గురుదక్షిణాం చ
ప్రత్యాగతో హర్షయతి స్మ తాతమ్ || ౭-౩ ||
యువానమేకాంతతపఃప్రవృత్తం
వ్యాసః కదాచిచ్ఛుకమేవమూచే |
వేదాంశ్చ శాస్త్రాణి చ వేత్సి పుత్ర
కృత్వా వివాహం భవ సద్గృహస్థః || ౭-౪ ||
సర్వాశ్రమాణాం కవయో విశిష్టా
గృహాశ్రమం శ్రేష్ఠతరం వదంతి |
తమాశ్రితస్తిష్ఠతి లోక ఏష
యజస్వ దేవాన్ విధివత్పితౄంశ్చ || ౭-౫ ||
తవాస్తు సత్పుత్ర ఋణాదహం చ
ముచ్యేయ మాం త్వం సుఖినం కురుష్వ |
పుత్రః సుఖాయాత్ర పరత్ర చ స్యా-
-త్త్వాం పుత్ర తీవ్రైరలభే తపోభిః || ౭-౬ ||
కించ ప్రమాథీని సదేంద్రియాణి
హరంతి చిత్తం ప్రసభం నరస్య |
పశ్యన్ పితా మే జననీం తపస్వీ
పరాశరోఽపి స్మరమోహితోఽభూత్ || ౭-౭ ||
య ఆశ్రమాదాశ్రమమేతి తత్త-
-త్కర్మాణి కుర్వన్ స సుఖీ సదా స్యాత్ |
గృహాశ్రమో నైవ చ బంధహేతు-
-స్త్వయా చ ధీమన్ క్రియతాం వివాహః || ౭-౮ ||
ఏవం బ్రువాణోఽపి శుకం వివాహా-
-ద్యసక్తమాజ్ఞాయ పితేవ రాగీ |
పురాణకర్తా చ జగద్గురుః స
మాయానిమగ్నోఽశ్రువిలోచనోఽభూత్ || ౭-౯ ||
భోగేషు మే నిస్పృహతాఽస్తు మాతః
ప్రలోభితో మా కరవాణి పాపమ్ |
మా బాధతాం మాం తవ దేవి మాయా
మాయాధినాథే సతతం నమస్తే || ౭-౧౦ ||
అష్టమ దశకమ్ (౮) – పరమజ్ఞానోపదేశమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
