Read in తెలుగు / ಕನ್ನಡ / தமிழ் / देवनागरी / English (IAST)
<< ಚತುಸ್ತ್ರಿಂಶ ದಶಕಮ್ (೩೪) ಗೌತಮಶಾಪಮ್
|| ಅನುಗ್ರಹವೈಚಿತ್ರ್ಯಮ್ ||
ಭಾಗ್ಯೋದಯೇ ತ್ರೀಣಿ ಭವಂತಿ ನೂನಂ
ಮನುಷ್ಯತಾ ಸಜ್ಜನಸಂಗಮಶ್ಚ |
ತ್ವದೀಯಮಾಹಾತ್ಮ್ಯಕಥಾಶ್ರುತಿಶ್ಚ
ಯತಃ ಪುಮಾಂಸ್ತ್ವತ್ಪದಭಕ್ತಿಮೇತಿ || ೩೫-೧ ||
ತತಃ ಪ್ರಸೀದಸ್ಯಖಿಲಾರ್ಥಕಾಮಾನ್
ಭಕ್ತಸ್ಯ ಯಚ್ಛಸ್ಯಭಯಂ ಚ ಮಾತಃ |
ಕ್ಷಮಾಂ ಕೃತಾಗಸ್ಸು ಕರೋಷಿ ಚಾರ್ಯೋ-
-ರನ್ಯೋನ್ಯವೈರಂ ಶಮಯಸ್ಯನೀಹಾ || ೩೫-೨ ||
ದುಷ್ಕೀರ್ತಿಭೀತ್ಯಾ ಪೃಥಯಾ ಕುಮಾರ್ಯಾ
ತ್ಯಕ್ತಂ ತಟಿನ್ಯಾಂ ಸುತಮರ್ಕಲಬ್ಧಮ್ |
ಸಂಪ್ರಾರ್ಥಿತಾ ತ್ವಂ ಪರಿಪಾಲಯಂತೀ
ಪ್ರಾದರ್ಶಯಃ ಸ್ವಂ ಕರುಣಾಪ್ರವಾಹಮ್ || ೩೫-೩ ||
ಸುತಾನ್ ಕುರುಕ್ಷೇತ್ರರಣೇ ಹತಾನ್ ಸ್ವಾನ್
ದಿದೃಕ್ಷವೇ ಮಾತೃಗಣಾಯ ಕೃಷ್ಣಃ |
ಸಂಪ್ರಾರ್ಥಿತಸ್ತ್ವತ್ಕರುಣಾಭಿಷಿಕ್ತಃ
ಪ್ರದರ್ಶ್ಯ ಸರ್ವಾನ್ ಸಮತೋಷಯಚ್ಚ || ೩೫-೪ ||
ವಣಿಕ್ ಸುಶೀಲಃ ಖಲು ನಷ್ಟವಿತ್ತೋ
ವ್ರತಂ ಚರನ್ ಪ್ರಾಙ್ನವರಾತ್ರಮಾರ್ಯಃ |
ತ್ವಾಂ ದೇವಿ ಸಂಪೂಜ್ಯ ದರಿದ್ರಭಾವಾ-
-ನ್ಮುಕ್ತಃ ಕ್ರಮಾದ್ವಿತ್ತಸಮೃದ್ಧಿಮಾಪ || ೩೫-೫ ||
ದೇವದ್ರುಹೋ ದೇವಿ ರಣೇ ತ್ವಯೈವ
ದೈತ್ಯಾ ಹತಾ ಗರ್ಹಿತಧರ್ಮಶಾಸ್ತ್ರಾಃ |
ಪ್ರಹ್ಲಾದಮುಖ್ಯಾನಸುರಾನ್ ಸ್ವಭಕ್ತಾನ್
ದೇವಾಂಶ್ಚ ಸಂತ್ಯಕ್ತರಣಾನಕಾರ್ಷೀಃ || ೩೫-೬ ||
ಪುರಂದರೇ ಪಾಪತಿರೋಹಿತೇ ತ-
-ತ್ಸ್ಥಾನಾಧಿರೂಢಾನ್ನಹುಷಾತ್ಸ್ಮರಾರ್ತಾತ್ |
ಭೀತಾ ಶಚೀ ತ್ವಾಂ ಪರಿಪೂಜ್ಯ ದೃಷ್ಟ್ವಾ
ಪತಿಂ ಕ್ರಮಾದ್ಭೀತಿವಿಮುಕ್ತಿಮಾಪ || ೩೫-೭ ||
ಶಪ್ತೋ ವಸಿಷ್ಠೇನ ನಿಮಿರ್ವಿದೇಹೋ
ಭೂತ್ವಾಽಪಿ ದೇವಿ ತ್ವದನುಗ್ರಹೇಣ |
ಜ್ಞಾನಂ ಪರಂ ಪ್ರಾಪ ನಿಮೇಃ ಪ್ರಯೋಗಾ-
-ನ್ನಿಮೇಷಿಣೋ ಜೀವಗಣಾ ಭವಂತಿ || ೩೫-೮ ||
ಹಾ ಭಾರ್ಗವಾ ಲೋಭವಿಕೋಪಚಿತ್ತೈಃ
ಪ್ರಪೀಡಿತಾ ಹೈಹಯವಂಶಜಾತೈಃ |
ಹಿಮಾದ್ರಿಮಾಪ್ತಾ ಭವತೀಂ ಪ್ರಪೂಜ್ಯ
ಪ್ರಸಾದ್ಯ ಭೀತೇಃ ಖಲು ಮುಕ್ತಿಮಾಪುಃ || ೩೫-೯ ||
ದಸ್ರೌ ಯುವಾನಾಂ ಚ್ಯವನಂ ಪತಿಂ ಚ
ಸಮಾನರೂಪಾನಭಿದೃಶ್ಯ ಮುಗ್ಧಾ |
ಸತೀ ಸುಕನ್ಯಾ ತವ ಸಂಸ್ಮೃತಾಯಾ
ಭಕ್ತ್ಯಾ ಪ್ರಸಾದಾತ್ಸ್ವಪತಿಂ ವ್ಯಾಜಾನಾತ್ || ೩೫-೧೦ ||
ಸತ್ಯವ್ರತೋ ವಿಪ್ರವಧೂಂ ಪ್ರಸಹ್ಯ
ಹರ್ತಾ ನಿರಸ್ತೋ ಜನಕೇನ ರಾಜ್ಯಾತ್ |
ವಸಿಷ್ಠಶಪ್ತೋಽಪಿ ತವ ಪ್ರಸಾದಾ-
-ದ್ರಾಜ್ಯೇಽಭಿಷಿಕ್ತೋಽಥ ದಿವಂ ಗತಶ್ಚ || ೩೫-೧೧ ||
ಹಾ ಹಾ ಹರಿಶ್ಚಂದ್ರನೃಪೋ ವಿಪತ್ಸು
ಮಗ್ನಃ ಶತಾಕ್ಷೀಂ ಪರದೇವತಾಂ ತ್ವಾಮ್ |
ಸಂಸ್ಮೃತ್ಯ ಸದ್ಯಃ ಸ್ವವಿಪನ್ನಿವೃತ್ತಃ
ಕಾರುಣ್ಯತಸ್ತೇ ಸುರಲೋಕಮಾಪ || ೩೫-೧೨ ||
ಅಗಸ್ತ್ಯಪೂಜಾಂ ಪರಿಗೃಹ್ಯ ದೇವಿ
ವಿಭಾಸಿ ವಿಂಧ್ಯಾದ್ರಿನಿವಾಸಿನೀ ತ್ವಮ್ |
ದ್ರಕ್ಷ್ಯೇ ಕದಾ ತ್ವಾಂ ಮಮ ದೇಹಿ ಭಕ್ತಿಂ
ಕಾರುಣ್ಯಮೂರ್ತೇ ಸತತಂ ನಮಸ್ತೇ || ೩೫-೧೩ ||
ಷಟ್ತ್ರಿಂಶ ದಶಕಮ್ (೩೬) – ಮೂಲಪ್ರಕೃತಿಮಹಿಮಾ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
