Read in తెలుగు / ಕನ್ನಡ / தமிழ் / देवनागरी / English (IAST)
bhāgyōdayē trīṇi bhavanti nūnaṁ
manuṣyatā sajjanasaṅgamaśca |
tvadīyamāhātmyakathāśrutiśca
yataḥ pumāṁstvatpadabhaktimēti || 35-1 ||
tataḥ prasīdasyakhilārthakāmān
bhaktasya yacchasyabhayaṁ ca mātaḥ |
kṣamāṁ kr̥tāgassu karōṣi cāryō-
-ranyōnyavairaṁ śamayasyanīhā || 35-2 ||
duṣkīrtibhītyā pr̥thayā kumāryā
tyaktaṁ taṭinyāṁ sutamarkalabdham |
samprārthitā tvaṁ paripālayantī
prādarśayaḥ svaṁ karuṇāpravāham || 35-3 ||
sutān kurukṣētraraṇē hatān svān
didr̥kṣavē mātr̥gaṇāya kr̥ṣṇaḥ |
samprārthitastvatkaruṇābhiṣiktaḥ
pradarśya sarvān samatōṣayacca || 35-4 ||
vaṇik suśīlaḥ khalu naṣṭavittō
vrataṁ caran prāṅnavarātramāryaḥ |
tvāṁ dēvi sampūjya daridrabhāvā-
-nmuktaḥ kramādvittasamr̥ddhimāpa || 35-5 ||
dēvadruhō dēvi raṇē tvayaiva
daityā hatā garhitadharmaśāstrāḥ |
prahlādamukhyānasurān svabhaktān
dēvāṁśca santyaktaraṇānakārṣīḥ || 35-6 ||
purandarē pāpatirōhitē ta-
-tsthānādhirūḍhānnahuṣātsmarārtāt |
bhītā śacī tvāṁ paripūjya dr̥ṣṭvā
patiṁ kramādbhītivimuktimāpa || 35-7 ||
śaptō vasiṣṭhēna nimirvidēhō
bhūtvā:’pi dēvi tvadanugrahēṇa |
jñānaṁ paraṁ prāpa nimēḥ prayōgā-
-nnimēṣiṇō jīvagaṇā bhavanti || 35-8 ||
hā bhārgavā lōbhavikōpacittaiḥ
prapīḍitā haihayavaṁśajātaiḥ |
himādrimāptā bhavatīṁ prapūjya
prasādya bhītēḥ khalu muktimāpuḥ || 35-9 ||
dasrau yuvānāṁ cyavanaṁ patiṁ ca
samānarūpānabhidr̥śya mugdhā |
satī sukanyā tava saṁsmr̥tāyā
bhaktyā prasādātsvapatiṁ vyājānāt || 35-10 ||
satyavratō vipravadhūṁ prasahya
hartā nirastō janakēna rājyāt |
vasiṣṭhaśaptō:’pi tava prasādā-
-drājyē:’bhiṣiktō:’tha divaṁ gataśca || 35-11 ||
hā hā hariścandranr̥pō vipatsu
magnaḥ śatākṣīṁ paradēvatāṁ tvām |
saṁsmr̥tya sadyaḥ svavipannivr̥ttaḥ
kāruṇyatastē suralōkamāpa || 35-12 ||
agastyapūjāṁ parigr̥hya dēvi
vibhāsi vindhyādrinivāsinī tvam |
drakṣyē kadā tvāṁ mama dēhi bhaktiṁ
kāruṇyamūrtē satataṁ namastē || 35-13 ||
ṣaṭtriṁśa daśakam (36) – mūlaprakr̥timahimā >>
See dēvī nārāyaṇīyam for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
