Read in తెలుగు / ಕನ್ನಡ / தமிழ் / देवनागरी / English (IAST)
<< ದ್ವಿತೀಯ ದಶಕಮ್ (೨) ಹಯಗ್ರೀವಕಥಾ
|| ಮಹಾಕಾಳ್ಯವತಾರಮ್ ||
ಜಗತ್ಸು ಸರ್ವೇಷು ಪುರಾ ವಿಲೀನೇ-
-ಷ್ವೇಕಾರ್ಣವೇ ಶೇಷತನೌ ಪ್ರಸುಪ್ತೇ |
ಹರೌ ಸುರಾರೀ ಮಧುಕೈಟಭಾಖ್ಯೌ
ಮಹಾಬಲಾವಪ್ಸು ವಿಜಹ್ರತುರ್ದ್ವೌ || ೩-೧ ||
ಸಮಾಃ ಸಹಸ್ರಂ ಯತಚಿತ್ತವೃತ್ತೀ
ವಾಗ್ಬೀಜಮಂತ್ರಂ ವರದೇ ಜಪಂತೌ |
ಪ್ರಸಾದಿತಾಯಾ ಅಸುರೌ ಭವತ್ಯಾಃ
ಸ್ವಚ್ಛಂದಮೃತ್ಯುತ್ವಮವಾಪತುಸ್ತೌ || ೩-೨ ||
ಏಕಾಂಬುಧೌ ತೌ ತರಳೋರ್ಮಿಮಾಲೇ
ನಿಮಜ್ಜನೋನ್ಮಜ್ಜನಕೇಳಿಲೋಲೌ |
ಯದೃಚ್ಛಯಾ ವೀಕ್ಷಿತಮಬ್ಜಯೋನಿಂ
ರಣೋತ್ಸುಕಾವೂಚತುರಿದ್ಧಗರ್ವೌ || ೩-೩ ||
ಪದ್ಮಾಸನಂ ವೀರವರೋಪಭೋಗ್ಯಂ
ನ ಭೀರುಭೋಗ್ಯಂ ನ ವರಾಕಭೋಗ್ಯಮ್ |
ಮುಂಚೇದಮದ್ಯೈವ ನ ಯಾಸಿ ಚೇತ್ತ್ವಂ
ಪ್ರದರ್ಶಯ ಸ್ವಂ ಯುಧಿ ಶೌರ್ಯವತ್ತ್ವಮ್ || ೩-೪ ||
ಇದಂ ಸಮಾಕರ್ಣ್ಯ ಭಯಾದ್ವಿರಿಂಚಃ
ಸುಷುಪ್ತಿನಿಷ್ಪಂದಮಮೋಘಶಕ್ತಿಮ್ |
ಪ್ರಬೋಧನಾರ್ಥಂ ಹರಿಮಿದ್ಧಭಕ್ತ್ಯಾ
ತುಷ್ಟಾವ ನೈವಾಚಲದಂಬುಜಾಕ್ಷಃ || ೩-೫ ||
ಅಸ್ಪಂದತಾ ತ್ವಸ್ಯ ಕಯಾಪಿ ಶಕ್ತ್ಯಾ
ಕೃತೇತಿ ಮತ್ವಾ ಮತಿಮಾನ್ ವಿರಿಂಚಃ |
ಪ್ರಬೋಧಯೈನಂ ಹರಿಮೇವಮುಕ್ತ್ವಾ
ಸ್ತೋತ್ರೈರ್ವಿಚಿತ್ರೈರ್ಭವತೀಮನೌಷೀತ್ || ೩-೬ ||
ನುತಿಪ್ರಸನ್ನಾಽಬ್ಜಭವಸ್ಯ ತೂರ್ಣಂ
ನಿಃಸೃತ್ಯ ವಿಷ್ಣೋಃ ಸಕಲಾಂಗತಸ್ತ್ವಮ್ |
ದಿವಿ ಸ್ಥಿತಾ ತತ್ಕ್ಷಣಮೇವ ದೇವೋ
ನಿದ್ರಾವಿಮುಕ್ತೋ ಹರಿರುತ್ಥಿತೋಽಭೂತ್ || ೩-೭ ||
ಅಥೈಷ ಭೀತಂ ಮಧುಕೈಟಭಾಭ್ಯಾಂ
ವಿರಿಂಚಮಾಲೋಕ್ಯ ಹರಿರ್ಜಗಾದ |
ಅಲಂ ಭಯೇನಾಹಮಿಮೌ ಸುರಾರೀ
ಹಂತಾಸ್ಮಿ ಶೀಘ್ರಂ ಸಮರೇಽತ್ರ ಪಶ್ಯ || ೩-೮ ||
ಏವಂ ಹರೌ ವಕ್ತರಿ ತತ್ರ ದೈತ್ಯೌ
ರಣೋತ್ಸುಕೌ ಪ್ರಾಪತುರಿದ್ಧಗರ್ವೌ |
ತಯೋರವಿಜ್ಞಾಯ ಬಲಂ ಮುರಾರಿ-
-ರ್ಯುದ್ಧೋದ್ಯತೋಽಭೂದಜರಕ್ಷಣಾರ್ಥಮ್ || ೩-೯ ||
ಬಿಭೇಮಿ ರಾಗಾದಿಮಹಾರಿಪುಭ್ಯೋ
ಜೇತುಂ ಯತಿಷ್ಯೇಽಹಮಿಮಾನ್ ಸುಶಕ್ತಾನ್ |
ತದರ್ಥಶಕ್ತಿಂ ಮಮ ದೇಹಿ ನಿತ್ಯಂ
ನಿದ್ರಾಲಸೋ ಮಾ ಚ ಭವಾನಿ ಮಾತಃ || ೩-೧೦ ||
ಚತುರ್ಥ ದಶಕಮ್ (೪) – ಮಧುಕೈಟಭವಧಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
