Read in తెలుగు / ಕನ್ನಡ / தமிழ் / देवनागरी / English (IAST)
జగత్సు సర్వేషు పురా విలీనే-
-ష్వేకార్ణవే శేషతనౌ ప్రసుప్తే |
హరౌ సురారీ మధుకైటభాఖ్యౌ
మహాబలావప్సు విజహ్రతుర్ద్వౌ || ౩-౧ ||
సమాః సహస్రం యతచిత్తవృత్తీ
వాగ్బీజమంత్రం వరదే జపంతౌ |
ప్రసాదితాయా అసురౌ భవత్యాః
స్వచ్ఛందమృత్యుత్వమవాపతుస్తౌ || ౩-౨ ||
ఏకాంబుధౌ తౌ తరళోర్మిమాలే
నిమజ్జనోన్మజ్జనకేళిలోలౌ |
యదృచ్ఛయా వీక్షితమబ్జయోనిం
రణోత్సుకావూచతురిద్ధగర్వౌ || ౩-౩ ||
పద్మాసనం వీరవరోపభోగ్యం
న భీరుభోగ్యం న వరాకభోగ్యమ్ |
ముంచేదమద్యైవ న యాసి చేత్త్వం
ప్రదర్శయ స్వం యుధి శౌర్యవత్త్వమ్ || ౩-౪ ||
ఇదం సమాకర్ణ్య భయాద్విరించః
సుషుప్తినిష్పందమమోఘశక్తిమ్ |
ప్రబోధనార్థం హరిమిద్ధభక్త్యా
తుష్టావ నైవాచలదంబుజాక్షః || ౩-౫ ||
అస్పందతా త్వస్య కయాపి శక్త్యా
కృతేతి మత్వా మతిమాన్ విరించః |
ప్రబోధయైనం హరిమేవముక్త్వా
స్తోత్రైర్విచిత్రైర్భవతీమనౌషీత్ || ౩-౬ ||
నుతిప్రసన్నాఽబ్జభవస్య తూర్ణం
నిఃసృత్య విష్ణోః సకలాంగతస్త్వమ్ |
దివి స్థితా తత్క్షణమేవ దేవో
నిద్రావిముక్తో హరిరుత్థితోఽభూత్ || ౩-౭ ||
అథైష భీతం మధుకైటభాభ్యాం
విరించమాలోక్య హరిర్జగాద |
అలం భయేనాహమిమౌ సురారీ
హంతాస్మి శీఘ్రం సమరేఽత్ర పశ్య || ౩-౮ ||
ఏవం హరౌ వక్తరి తత్ర దైత్యౌ
రణోత్సుకౌ ప్రాపతురిద్ధగర్వౌ |
తయోరవిజ్ఞాయ బలం మురారి-
-ర్యుద్ధోద్యతోఽభూదజరక్షణార్థమ్ || ౩-౯ ||
బిభేమి రాగాదిమహారిపుభ్యో
జేతుం యతిష్యేఽహమిమాన్ సుశక్తాన్ |
తదర్థశక్తిం మమ దేహి నిత్యం
నిద్రాలసో మా చ భవాని మాతః || ౩-౧౦ ||
చతుర్థ దశకమ్ (౪) – మధుకైటభవధమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
