Read in తెలుగు / ಕನ್ನಡ / தமிழ் / देवनागरी / English (IAST)
రణేషు దైత్యేషు హతేషు దేవాః
పురా ప్రహృష్టాః సహదాతృశర్వాః |
యియక్షవో యజ్ఞపతిం వినీతాః
ప్రపేదిరే విష్ణుమనంతవీర్యమ్ || ౨-౧ ||
దృష్ట్వా చ నిద్రావశగం ప్రభుం త-
-మధిజ్యచాపాగ్ర సమర్పితాస్యమ్ |
ఆశ్చర్యమాపుర్విబుధా న కోఽపి
ప్రాబోధయత్తం ఖలు పాపభీత్యా || ౨-౨ ||
హరేస్తదానీమజసృష్టవమ్ర్యా
ముఖార్పణాకుంచితచాపమౌర్వీ |
భగ్నా ధనుశ్చార్జవమాప సద్య-
-స్తేనాభవత్సోఽపి నికృత్తకంఠః || ౨-౩ ||
కాయాచ్ఛిరస్తుత్పతితం మురారేః
పశ్యత్సు దేవేషు పపాత సింధౌ |
చేతః సురాణాం కదనే నిమగ్నం
హాహేతి శబ్దః సుమహానభూచ్చ || ౨-౪ ||
కిమత్ర కృత్యం పతితే హరౌ నః
కుర్మః కథం వేతి మిథో బ్రువాణాన్ |
దేవాన్ విధాతాఽఽహ భవేన్న కార్య-
-మకారణం దైవమహో బలీయః || ౨-౫ ||
ధ్యాయేత దేవీం కరుణార్ద్రచిత్తాం
బ్రహ్మాండసృష్ట్యాదికహేతుభూతామ్ |
సర్వాణి కార్యాణి విధాస్యతే నః
సా సర్వశక్తా సగుణాఽగుణా చ || ౨-౬ ||
ఇత్యూచుషః ప్రేరణయా విధాతు-
-స్త్వామేవ వేదా నునువుః సురాశ్చ |
దివి స్థితా దేవగణాంస్త్వమాత్థ
భద్రం భవేద్వో హరిణేదృశేన || ౨-౭ ||
దైత్యో హయగ్రీవ ఇతి ప్రసిద్ధో
మయైవ దత్తేన వరేణ వీరః |
వేదాన్ మునీంశ్చాపి హయాస్యమాత్ర-
-వధ్యో భృశం పీడయతి ప్రభావాత్ || ౨-౮ ||
దైవేన కృత్తం హరిశీర్షమద్య
సంయోజ్యతాం వాజిశిరోఽస్య కాయే |
తతో హయగ్రీవతయా మురారి-
-ర్దైత్యం హయగ్రీవమరం నిహంతా || ౨-౯ ||
త్వమేవముక్త్వా సదయం తిరోధా-
-స్త్వష్ట్రా కబంధేఽశ్వశిరో మురారేః |
సంయోజితం పశ్యతి దేవసంఘే
హయాననః శ్రీహరిరుత్థితోఽభూత్ || ౨-౧౦ ||
దైత్యం హయగ్రీవమహన్ హయాస్యో
రణే మురారిస్త్వదనుగ్రహేణ |
సదా జగన్మంగళదే త్వదీయాః
పతంతు మే మూర్ధ్ని కృపాకటాక్షాః || ౨-౧౧ ||
తృతీయ దశకమ్ (౩) – మహాకాళ్యవతారమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
