Devi Narayaniyam Dasakam 2 – த்³விதீய த³ஶகம் (2) – ஹயக்³ரீவகதா²

ரணேஷு தை³த்யேஷு ஹதேஷு தே³வா꞉
புரா ப்ரஹ்ருஷ்டா꞉ ஸஹதா³த்ருஶர்வா꞉ ।
யியக்ஷவோ யஜ்ஞபதிம் விநீதா꞉
ப்ரபேதி³ரே விஷ்ணுமநந்தவீர்யம் ॥ 2-1 ॥

த்³ருஷ்ட்வா ச நித்³ராவஶக³ம் ப்ரபு⁴ம் த-
-மதி⁴ஜ்யசாபாக்³ர ஸமர்பிதாஸ்யம் ।
ஆஶ்சர்யமாபுர்விபு³தா⁴ ந கோ(அ)பி
ப்ராபோ³த⁴யத்தம் க²லு பாபபீ⁴த்யா ॥ 2-2 ॥

ஹரேஸ்ததா³நீமஜஸ்ருஷ்டவம்ர்யா
முகா²ர்பணாகுஞ்சிதசாபமௌர்வீ ।
ப⁴க்³நா த⁴நுஶ்சார்ஜவமாப ஸத்³ய-
-ஸ்தேநாப⁴வத்ஸோ(அ)பி நிக்ருத்தகண்ட²꞉ ॥ 2-3 ॥

காயாச்சி²ரஸ்துத்பதிதம் முராரே꞉
பஶ்யத்ஸு தே³வேஷு பபாத ஸிந்தௌ⁴ ।
சேத꞉ ஸுராணாம் கத³நே நிமக்³நம்
ஹாஹேதி ஶப்³த³꞉ ஸுமஹாநபூ⁴ச்ச ॥ 2-4 ॥

கிமத்ர க்ருத்யம் பதிதே ஹரௌ ந꞉
குர்ம꞉ கத²ம் வேதி மிதோ² ப்³ருவாணாந் ।
தே³வாந் விதா⁴தா(ஆ)ஹ ப⁴வேந்ந கார்ய-
-மகாரணம் தை³வமஹோ ப³லீய꞉ ॥ 2-5 ॥

த்⁴யாயேத தே³வீம் கருணார்த்³ரசித்தாம்
ப்³ரஹ்மாண்ட³ஸ்ருஷ்ட்யாதி³கஹேதுபூ⁴தாம் ।
ஸர்வாணி கார்யாணி விதா⁴ஸ்யதே ந꞉
ஸா ஸர்வஶக்தா ஸகு³ணா(அ)கு³ணா ச ॥ 2-6 ॥

இத்யூசுஷ꞉ ப்ரேரணயா விதா⁴து-
-ஸ்த்வாமேவ வேதா³ நுநுவு꞉ ஸுராஶ்ச ।
தி³வி ஸ்தி²தா தே³வக³ணாம்ஸ்த்வமாத்த²
ப⁴த்³ரம் ப⁴வேத்³வோ ஹரிணேத்³ருஶேந ॥ 2-7 ॥

தை³த்யோ ஹயக்³ரீவ இதி ப்ரஸித்³தோ⁴
மயைவ த³த்தேந வரேண வீர꞉ ।
வேதா³ந் முநீம்ஶ்சாபி ஹயாஸ்யமாத்ர-
-வத்⁴யோ ப்⁴ருஶம் பீட³யதி ப்ரபா⁴வாத் ॥ 2-8 ॥

தை³வேந க்ருத்தம் ஹரிஶீர்ஷமத்³ய
ஸம்யோஜ்யதாம் வாஜிஶிரோ(அ)ஸ்ய காயே ।
ததோ ஹயக்³ரீவதயா முராரி-
-ர்தை³த்யம் ஹயக்³ரீவமரம் நிஹந்தா ॥ 2-9 ॥

த்வமேவமுக்த்வா ஸத³யம் திரோதா⁴-
-ஸ்த்வஷ்ட்ரா கப³ந்தே⁴(அ)ஶ்வஶிரோ முராரே꞉ ।
ஸம்யோஜிதம் பஶ்யதி தே³வஸங்கே⁴
ஹயாநந꞉ ஶ்ரீஹரிருத்தி²தோ(அ)பூ⁴த் ॥ 2-10 ॥

தை³த்யம் ஹயக்³ரீவமஹந் ஹயாஸ்யோ
ரணே முராரிஸ்த்வத³நுக்³ரஹேண ।
ஸதா³ ஜக³ந்மங்க³ளதே³ த்வதீ³யா꞉
பதந்து மே மூர்த்⁴நி க்ருபாகடாக்ஷா꞉ ॥ 2-11 ॥

த்ருதீய த³ஶகம் (3) – மஹாகால்யவதாரம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.