Dainya Ashtakam – ದೈನ್ಯಾಷ್ಟಕಂ

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ದೈನ್ಯಾಷ್ಟಕಂ

ಶ್ರೀಕೃಷ್ಣ ಗೋಕುಲಾಧೀಶ ನಂದಗೋಪತನೂದ್ಭವ |
ಯಶೋದಾಗರ್ಭಸಂಭೂತ ಮಯಿ ದೀನೇ ಕೃಪಾಂ ಕುರು || ೧ ||

ವ್ರಜಾನಂದ ವ್ರಜಾವಾಸ ವ್ರಜಸ್ತ್ರೀಹೃದಯಸ್ಥಿತ |
ವ್ರಜಲೀಲಾಕೃತೇ ನಿತ್ಯಂ ಮಯಿ ದೀನೇ ಕೃಪಾಂ ಕುರು || ೨ ||

ಶ್ರೀಭಾಗವತಭಾವಾರ್ಥರಸಾತ್ಮನ್ ರಸಿಕಾತ್ಮಕ |
ನಾಮಲೀಲಾವಿಲಾಸಾರ್ಥಂ ಮಯಿ ದೀನೇ ಕೃಪಾಂ ಕುರು || ೩ ||

ಯಶೋದಾಹೃದಯಾನಂದ ವಿಹಿತಾಂಗಣರಿಂಗಣ |
ಅಲಕಾವೃತವಕ್ತ್ರಾಬ್ಜ ಮಯಿ ದೀನೇ ಕೃಪಾಂ ಕುರು || ೪ ||

ವಿರಹಾರ್ತಿವ್ರತಸ್ಥಾತ್ಮನ್ ಗುಣಗಾನಶ್ರುತಿಪ್ರಿಯ |
ಮಹಾದೈನ್ಯದಯೋದ್ಭೂತ ಮಯಿ ದೀನೇ ಕೃಪಾಂ ಕುರು || ೫ ||

ಅತ್ಯಾಸಕ್ತಜನಾಸಕ್ತ ಪರೋಕ್ಷಭಜನಪ್ರಿಯ |
ಪರಮಾನಂದಸಂದೋಹ ಮಯಿ ದೀನೇ ಕೃಪಾಂ ಕುರು || ೬ ||

ನಿರೋಧಶುದ್ಧಹೃದಯ-ದಯಿತಾಗೀತಮೋಹಿತ |
ಆದ್ಯಂತಕವಿಯೋಗಾತ್ಮನ್ ಮಯಿ ದೀನೇ ಕೃಪಾಂ ಕುರು || ೭ ||

ಸ್ವಾಚಾರ್ಯಹೃದಯಸ್ಥಾಯಿ ಲೀಲಾಶತಯುತಪ್ರಭೋ |
ಸರ್ವಥಾ ಶರಣಂ ಯಾತೇ ಮಯಿ ದೀನೇ ಕೃಪಾಂ ಕುರು || ೮ ||

ಇತಿ ಶ್ರೀಹರಿರಾಯಾಚಾರ್ಯವಿರಚಿತಂ ದೈನ್ಯಾಷ್ಟಕಮ್ ||

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.