Read in తెలుగు / ಕನ್ನಡ / தமிழ் / देवनागरी / English (IAST)
శ్రీకృష్ణ గోకులాధీశ నందగోపతనూద్భవ |
యశోదాగర్భసంభూత మయి దీనే కృపాం కురు || ౧ ||
వ్రజానంద వ్రజావాస వ్రజస్త్రీహృదయస్థిత |
వ్రజలీలాకృతే నిత్యం మయి దీనే కృపాం కురు || ౨ ||
శ్రీభాగవతభావార్థరసాత్మన్ రసికాత్మక |
నామలీలావిలాసార్థం మయి దీనే కృపాం కురు || ౩ ||
యశోదాహృదయానంద విహితాంగణరింగణ |
అలకావృతవక్త్రాబ్జ మయి దీనే కృపాం కురు || ౪ ||
విరహార్తివ్రతస్థాత్మన్ గుణగానశ్రుతిప్రియ |
మహాదైన్యదయోద్భూత మయి దీనే కృపాం కురు || ౫ ||
అత్యాసక్తజనాసక్త పరోక్షభజనప్రియ |
పరమానందసందోహ మయి దీనే కృపాం కురు || ౬ ||
నిరోధశుద్ధహృదయ-దయితాగీతమోహిత |
ఆద్యంతకవియోగాత్మన్ మయి దీనే కృపాం కురు || ౭ ||
స్వాచార్యహృదయస్థాయి లీలాశతయుతప్రభో |
సర్వథా శరణం యాతే మయి దీనే కృపాం కురు || ౮ ||
ఇతి శ్రీహరిరాయాచార్యవిరచితం దైన్యాష్టకమ్ ||
మరిన్ని శ్రీ కృష్ణ స్తోత్రాలు చూడండి.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
