Read in తెలుగు / ಕನ್ನಡ / தமிழ் / देवनागरी / English (IAST)
సదా గోపికామండలే రాజమానం
లసన్నృత్యబంధాదిలీలానిదానమ్ |
గలద్దర్పకందర్పశోభాభిదానం
భజే నందసూనుం సదానందరూపమ్ || ౧ ||
వ్రజస్త్రీజనానందసందోహసక్తం
సుధావర్షివంశీనినాదానురక్తమ్ |
త్రిభంగాకృతి స్వీకృతస్వీయభక్తం
భజే నందసూనుం సదానందరూపమ్ || ౨ ||
స్ఫురద్రాసలీలావిలాసాతిరమ్యం
పరిత్యక్తగేహాదిదాసైకగమ్యమ్ |
విమానస్థితాశేషదేవాదినమ్యం
భజే నందసూనుం సదానందరూపమ్ || ౩ ||
స్వలీలారసానందదుగ్ధోదమగ్నం
ప్రియస్వామినీబాహుకంఠైకలగ్నమ్ |
రసాత్మైకరూపాఽవబోధం త్రిభంగం
భజే నందసూనుం సదానందరూపమ్ || ౪ ||
రసామోదసంపాదకం మందహాసం
కృతాభీరనారీవిహారైకరాసమ్ |
ప్రకాశీకృతస్వీయనానావిలాసం
భజే నందసూనుం సదానందరూపమ్ || ౫ ||
జితాఽనంగసర్వాంగశోభాభిరామం
క్షపాపూరితస్వామినీవృందకామమ్ |
నిజాధీనతావర్తిరామాతివామం
భజే నందసూనుం సదానందరూపమ్ || ౬ ||
స్వసంగీకృతానంతగోపాలబాలం
వృతస్వీయగోపీమనోవృత్తిపాలమ్ |
కృతానంతచౌర్యాదిలీలారసాలం
భజే నందసూనుం సదానందరూపమ్ || ౭ ||
ధృతాద్రీశగోవర్ధనాధారహస్తం
పరిత్రాతగోగోపగోపీసమస్తమ్ |
సురాధీశసర్వాదిదేవప్రశస్తం
భజే నందసూనుం సదానందరూపమ్ || ౮ ||
ఇతి శ్రీహరిరాయాచార్య విరచితం భుజంగప్రయాతాష్టకమ్ |
మరిన్ని శ్రీ కృష్ణ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
