Read in తెలుగు / ಕನ್ನಡ / தமிழ் / देवनागरी / English (IAST)
యత్సేవనేన పితృమాతృసహోదరాణాం
చిత్తం న మోహమహిమా మలినం కరోతి |
ఇత్థం సమీక్ష్య తవ భక్తజనాన్మురారే
మూకోఽస్మి తేఽంఘ్రికమలం తదతీవ ధన్యమ్ || ౧ ||
యే యే విలగ్నమనసః సుఖమాప్తుకామాః
తే తే భవంతి జగదుద్భవమోహశూన్యాః |
దృష్ట్వా వినష్టధనధాన్యగృహాన్మురారే
మూకోఽస్మి తేఽంఘ్రికమలం తదతీవ ధన్యమ్ || ౨ ||
వస్త్రాణి దిగ్వలయమావసతిః శ్మశానే
పాత్రం కపాలమపి ముండవిభూషణాని |
రుద్రే ప్రసాదమచలం తవ వీక్ష్య శౌరే
మూకోఽస్మి తేఽంఘ్రికమలం తదతీవ ధన్యమ్ || ౩ ||
యత్కీర్తిగాయనపరస్య విధాతృసూనోః
కౌపీనమైణమజినం విపులాం విభూతిమ్ |
స్వస్యార్థ దిగ్భ్రమణమీక్ష్య తు సార్వకాలం
మూకోఽస్మి తేఽంఘ్రికమలం తదతీవ ధన్యమ్ || ౪ ||
యద్వీక్షణే ధృతధియామశనం ఫలాది
వాసోఽపి నిర్జినవనే గిరికందరాసు |
వాసాంసి వల్కలమయాని విలోక్య చైవం
మూకోఽస్మి తేఽంఘ్రికమలం తదతీవ ధన్యమ్ || ౫ ||
స్తోత్రం పాదాంబుజస్యైతచ్ఛ్రీశస్య విజితేంద్రియః |
పఠిత్వా తత్పదం యాతి శ్లోకార్థజ్ఞస్తు యో నరః || ౬ ||
ఇతి మురారి పంచరత్నమ్ |
మరిన్ని శ్రీ కృష్ణ స్తోత్రాలు చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
