Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కృష్ణ స్తోత్రనిధి” పారాయణ గ్రంథములో కూడా ఉన్నది. Click here to buy.]
యస్మాద్విశ్వం జాతమిదం చిత్రమతర్క్యం
యస్మిన్నానందాత్మని నిత్యం రమతే వై |
యత్రాంతే సంయాతి లయం చైతదశేషం
తం గోపాలం సంతతకాలం ప్రతి వందే || ౧ ||
యస్యాజ్ఞానాజ్జన్మజరారోగకదంబం
జ్ఞాతే యస్మిన్నశ్యతి తత్సర్వమిహాశు |
గత్వా యత్రాయాతి పునర్నో భవభూమిం
తం గోపాలం సంతతకాలం ప్రతి వందే || ౨ ||
తిష్ఠన్నంతర్యో యమయత్యేతదజస్రం
యం కశ్చిన్నో వేద జనోఽప్యాత్మని సంతమ్ |
సర్వం యస్యేదం చ వశే తిష్ఠతి విశ్వం
తం గోపాలం సంతతకాలం ప్రతి వందే || ౩ ||
ధర్మోఽధర్మేణేహ తిరస్కారముపైతి
కాలే యస్మిన్ మత్స్యముఖైశ్చారుచరిత్రైః |
నానారూపైః పాతి తదా యోఽవనిబింబం
తం గోపాలం సంతతకాలం ప్రతి వందే || ౪ ||
ప్రాణాయామైర్ధ్వస్తసమస్తేంద్రియదోషా
రుద్ధ్వా చిత్తం యం హృది పశ్యంతి సమాధౌ |
జ్యోతీరూపం యోగిజనా మోదనిమగ్నా-
-స్తం గోపాలం సంతతకాలం ప్రతి వందే || ౫ ||
భానుశ్చంద్రశ్చోడుగణశ్చైవ హుతాశో
యస్మిన్నైవాభాతి తడిచ్చాపి కదాపి |
యద్భాసా చాభాతి సమస్తం జగదేతత్
తం గోపాలం సంతతకాలం ప్రతి వందే || ౬ ||
సత్యం జ్ఞానం మోదమవోచుర్నిగమా యం
యో బ్రహ్మేంద్రాదిత్యగిరీశార్చితపాదః |
శేతేఽనంతోఽనంతతనావంబునిధౌ య-
-స్తం గోపాలం సంతతకాలం ప్రతి వందే || ౭ ||
శైవాః ప్రాహుర్యం శివమన్యే గణనాథం
శక్తిం చైకేఽర్కం చ తథాన్యే మతిభేదాత్ |
నానాకారైర్భాతి య ఏకోఽఖిలశక్తి-
-స్తం గోపాలం సంతతకాలం ప్రతి వందే || ౮ ||
శ్రీమద్గోపాలాష్టకమేతత్ సమధీతే
భక్త్యా నిత్యం యో మనుజో వై స్థిరచేతాః |
హిత్వా తూర్ణం పాపకలాపం స సమేతి
పుణ్యం విష్ణోర్ధామ యతో నైవ నిపాతః || ౯ ||
ఇతి శ్రీమత్పరమహంస స్వామి బ్రహ్మానంద విరచితం శ్రీ గోపాలాష్టకమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ కృష్ణ స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ కృష్ణ స్తోత్రాలు చూడండి.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
