Sri Gopala Ashtakam – ஶ்ரீ கோபாலாஷ்டகம்

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → ஶ்ரீ கோபாலாஷ்டகம்

யஸ்மாத்³விஶ்வம் ஜாதமித³ம் சித்ரமதர்க்யம்
யஸ்மிந்நாநந்தா³த்மநி நித்யம் ரமதே வை ।
யத்ராந்தே ஸம்யாதி லயம் சைதத³ஶேஷம்
தம் கோ³பாலம் ஸந்ததகாலம் ப்ரதி வந்தே³ ॥ 1 ॥

யஸ்யாஜ்ஞாநாஜ்ஜந்மஜராரோக³கத³ம்ப³ம்
ஜ்ஞாதே யஸ்மிந்நஶ்யதி தத்ஸர்வமிஹாஶு ।
க³த்வா யத்ராயாதி புநர்நோ ப⁴வபூ⁴மிம்
தம் கோ³பாலம் ஸந்ததகாலம் ப்ரதி வந்தே³ ॥ 2 ॥

திஷ்ட²ந்நந்தர்யோ யமயத்யேதத³ஜஸ்ரம்
யம் கஶ்சிந்நோ வேத³ ஜநோ(அ)ப்யாத்மநி ஸந்தம் ।
ஸர்வம் யஸ்யேத³ம் ச வஶே திஷ்ட²தி விஶ்வம்
தம் கோ³பாலம் ஸந்ததகாலம் ப்ரதி வந்தே³ ॥ 3 ॥

த⁴ர்மோ(அ)த⁴ர்மேணேஹ திரஸ்காரமுபைதி
காலே யஸ்மிந் மத்ஸ்யமுகை²ஶ்சாருசரித்ரை꞉ ।
நாநாரூபை꞉ பாதி ததா³ யோ(அ)வநிபி³ம்ப³ம்
தம் கோ³பாலம் ஸந்ததகாலம் ப்ரதி வந்தே³ ॥ 4 ॥

ப்ராணாயாமைர்த்⁴வஸ்தஸமஸ்தேந்த்³ரியதோ³ஷா
ருத்³த்⁴வா சித்தம் யம் ஹ்ருதி³ பஶ்யந்தி ஸமாதௌ⁴ ।
ஜ்யோதீரூபம் யோகி³ஜநா மோத³நிமக்³நா-
-ஸ்தம் கோ³பாலம் ஸந்ததகாலம் ப்ரதி வந்தே³ ॥ 5 ॥

பா⁴நுஶ்சந்த்³ரஶ்சோடு³க³ணஶ்சைவ ஹுதாஶோ
யஸ்மிந்நைவாபா⁴தி தடி³ச்சாபி கதா³பி ।
யத்³பா⁴ஸா சாபா⁴தி ஸமஸ்தம் ஜக³தே³தத்
தம் கோ³பாலம் ஸந்ததகாலம் ப்ரதி வந்தே³ ॥ 6 ॥

ஸத்யம் ஜ்ஞாநம் மோத³மவோசுர்நிக³மா யம்
யோ ப்³ரஹ்மேந்த்³ராதி³த்யகி³ரீஶார்சிதபாத³꞉ ।
ஶேதே(அ)நந்தோ(அ)நந்ததநாவம்பு³நிதௌ⁴ ய-
-ஸ்தம் கோ³பாலம் ஸந்ததகாலம் ப்ரதி வந்தே³ ॥ 7 ॥

ஶைவா꞉ ப்ராஹுர்யம் ஶிவமந்யே க³ணநாத²ம்
ஶக்திம் சைகே(அ)ர்கம் ச ததா²ந்யே மதிபே⁴தா³த் ।
நாநாகாரைர்பா⁴தி ய ஏகோ(அ)கி²லஶக்தி-
-ஸ்தம் கோ³பாலம் ஸந்ததகாலம் ப்ரதி வந்தே³ ॥ 8 ॥

ஶ்ரீமத்³கோ³பாலாஷ்டகமேதத் ஸமதீ⁴தே
ப⁴க்த்யா நித்யம் யோ மநுஜோ வை ஸ்தி²ரசேதா꞉ ।
ஹித்வா தூர்ணம் பாபகலாபம் ஸ ஸமேதி
புண்யம் விஷ்ணோர்தா⁴ம யதோ நைவ நிபாத꞉ ॥ 9 ॥

இதி ஶ்ரீமத்பரமஹம்ஸ ஸ்வாமி ப்³ரஹ்மாநந்த³ விரசிதம் ஶ்ரீ கோ³பாலாஷ்டகம் ।

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.