Read in తెలుగు / ಕನ್ನಡ / தமிழ் / देवनागरी / English (IAST)
యేన మీనస్వరూపేణ వేదాస్సంరక్షితాః పురా |
స ఏవ వేదసంహర్తా గోపాలశ్శరణం మమ || ౧ ||
పృష్ఠే యః కూర్మరూపేణ దధార ధరణీతలమ్ |
స ఏవ సృష్టిసంహర్తా గోపాలశ్శరణం మమ || ౨ ||
వరాహరూపస్సంభూత్వా దంష్టాగ్రే యో మహీం దధౌ |
స భూమిభారహరణో గోపాలశ్శరణం మమ || ౩ ||
జగ్రాహ యో నృసింహస్య రూపం ప్రహ్లాదహేతవే |
స యోద్ధుముద్యతస్సమ్య-గ్గోపాలశ్శరణం మమ || ౪ ||
యేన వామనరూపేణ వంచితో బలి భూమిపః |
స ఏవ గోపనారీభి-ర్గోపాలశ్శరణం మమ || ౫ ||
యేనేయం జామదగ్న్యేన పృథ్వీ నిఃక్షత్రియా కృతా |
స ఏవ క్షత్రియహితో గోపాలశ్శరణం మమ || ౬ ||
దశాస్యో దాశరథినా యేన రామేణ మారితః |
స పంచాస్యప్రాప్తబలో గోపాలశ్శరణం మమ || ౭ ||
కాళిందీ కర్షితా యేన రామరూపేణ కౌతుకాత్ |
తజ్జలక్రీడనాసక్తో గోపాలశ్శరణం మమ || ౮ ||
యేన బౌద్ధస్వరూపేణ లోకాః పాషండమార్పితాః |
స ఏవ పాషండహరో గోపాలశ్శరణం మమ || ౯ ||
గమిష్యంతి క్షయం యేన రాక్షసాః కల్కిరూపిణా |
స రాక్షసగతేర్దాతా గోపాలశ్శరణం మమ || ౧౦ ||
గోవర్ధనో గిరిర్యేన స్థాపితః కంజవత్కరే |
ఉలూఖలేన నసితో గోపాలశ్శరణం మమ || ౧౧ ||
ఏకాదశ రూపధామ్నామావలిం యో లిఖేద్ధృది |
కృష్ణప్రసాదయుక్తశ్చ స యాతి పరమాం గతిమ్ || ౧౨ ||
ఇతి శ్రీరఘునాథాచార్యవిరచః శ్రీగోపాలస్తవః |
మరిన్ని శ్రీ కృష్ణ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
